مشكلة حصلت لى رجاء الرد السريع جدا والمساعدة
 

العربية النهاردة توقفت تماما وانا راجع من الشغل تراجعت السرعة تدريجيا حتى توقفت السيارة والغيارات لاتعمل لكن السيارة دايرة . باخد الاولانى والسيارة لاتستجيب بالحركة قال لى زملائى ان هذا ديسك واسطوانة
اولا رجاء منكم ومن المسؤلين عن التوكيل هل هذا هو العطل فعلا
ثانيا انا من القاهرة اروح مركز صيانة من الموجودين فيه قطع غيار ؟ انا فى الضمان
ثالثا : هذا العطل يتم حسابه على نفقتى ام نفقة التوكيل؟ مع العلم انى فى الضمان

رد: مشكلة حصلت لى رجاء الرد السريع جدا والمساعدة
 

ياريت توضح

إزاى الغيارات لاتعمل ....وأنت بتعرف تاخد الأولانى ......؟

علشان نقدر نفكر معاك صح ونتصور سبب توقف السياره عن الحركه صح

فجايز يكون عندك عيب خاص بحاجه تانيه غير الدبرياج

وغالبا أعتقد هذا

رد: مشكلة حصلت لى رجاء الرد السريع جدا والمساعدة
 

أنا شاكك صراحة بحدوث خلل فجائى فى منظومة النقل داخل الفتيس

وقد يكون حدث إنفصال فى أحد الوصلات الخارجيه الخاصه بالفتيس

أو

لاقدر الله خلل فى شوك نقل الفتيس الداخليه

وهنا

يجب الكشف أولا على وصلات الفتيس الذاهبه من زراع النقل حتى الفتيس

رد: مشكلة حصلت لى رجاء الرد السريع جدا والمساعدة
 

اخى الكريم العيب احتمال كبير جدا يكون فى الاسطوانة لان العيب دة مشهور اوى فى BYD ولسة حصلة مع احد اصدقائى موديل 2011 عاملة 1000كم

رد: مشكلة حصلت لى رجاء الرد السريع جدا والمساعدة
 

طالما في الضمان متخليش حد يلعب فيها خدلك معاد في الضمان وروح اكشف
جرها او خدها علي كساحه لغاية اقرب مركز معتمد من التوكيل

رد: مشكلة حصلت لى رجاء الرد السريع جدا والمساعدة
 

لاحظ برضه

ممكن يكون عيب بسيط جدا

وهو إنفصال بنز بكاوتشته من مجموعة بنوز وصلات الفتيس الواصله من اليد بالصالون للفتيس بغرفة المكنه

ولو فتحت الكبوت وبصيت كويس على مجموعة الوصلات دى

ممكن تلاقى قدامك مكان البنز الواقع منك وأنت ماشى بالسياره

وعلاج الموضوع ده

هيكون سهل جدا وغير مكلف

رد: مشكلة حصلت لى رجاء الرد السريع جدا والمساعدة
 

أخى العزيز ...
ده ممكن يكون كوبلن فرط .... إنت كان عندك أى مشكلة فى الكبالن (طقطقة مثلا) أو أخدت مطب جامد بسرعة ؟؟
أنا شخصيا أستبعد إحتمال الديسك والأسطوانة لأنها متجيش فجأة كده .. تآكل الإسطوانة بيكون ليه علامات قبلها
عموما إبقى طمنا عليك