حاجة غريبة جدا الكلاكس بيتشغل بمزاجه
 

صباح الخير على كل الاخوة والاخوات
انا ليا سؤال غريب شويتين

الكلاكس عندي بيشتغل كويس جدا اول ما ادور العربية بس اول ما تبتدى تسخن يفصل ومبيشتغلش وبعديها بقى بشوية وانا ماشي هو مزاجه لو حب يشتغل مرة او اتنين ماشي لو محبش سيادة البيه الكلاكس مبيشتغلش

طبعا انا طول مانا ماشي عمال اجرب فيه وانا واحظى بس مش فاهم ليه كدة
حتى لما رحت للكهربائي وقلتله قالى دور وسيب العربية تسخن وفعلا لما عملنا كدة فصل راح مظبط التوصيلات وااشتغل زى الفل بس مفيش بعدها بنص ساعة وفصل تانى
وانا مبقتش فاهم برضه ايه السبب

ممكن تكون المشكلة من كتاوت الكلاكس مثلا عايزة تتغير ولا انتوا ايه رايكم

طبعا طولت عليكم زى عادتى بس لو مسالتش اخواتى هنا هسال مين :CONGRA~238:

رد: حاجة غريبة جدا الكلاكس بيتشغل بمزاجه
 

متابع لان عندي نفس المشكلة ظهرت النهاردة بالليل بس مش موضوع سخونة الفكرة انه بيفصل ويشتغل براحته

رد: حاجة غريبة جدا الكلاكس بيتشغل بمزاجه
 

ممكن الفيوز يكون مهزوز او الكتاوت بيعلق

رد: حاجة غريبة جدا الكلاكس بيتشغل بمزاجه
 

الحوار ده كان عندي بس تقريبا الدينامو اكشفوا علي شحنه
لان عندي كنت لما بولع نور شويه والعربيه عالسلانسيه مكنش بيشتغل الكلاكس والنور بيوطي
ولما ادوس بنزين او وانا ماشي الشحن بيبقي كويس والكلاكس بيشتغل
خلي الكهربائي يشدلك سير الدينامو شويه وجرب:w6w200504112236376d

رد: حاجة غريبة جدا الكلاكس بيتشغل بمزاجه
 

قدامك حل من اتنين الاول غير الكتاوت التانى الكلاكس يتفك ويتصنفر الابلاتين بتاعه ويترجلش كويس وبكده مفيش مشاكل ان شاء اللهHPPYBUS

رد: حاجة غريبة جدا الكلاكس بيتشغل بمزاجه
 

هو فعلا حصل معايا و رحت للكهربائى بعد معاناة 2شهر يشتغل و يفصل بمزاجة
المهم فك الكلاكس و فية مسمار كدة قرط علية زى رجلاش وبعدين صوت الكلاكس على شوية ومن ساعتها شغالة زى الفل :Bravo:

رد: حاجة غريبة جدا الكلاكس بيتشغل بمزاجه
 

اول لما قريت السؤال بتاعك قولت بالتأكيد عربيتك 128
وفعلا طلعت كده لانى برضه معايا 128 والكلاكس فيها بيبوظ كتير
والكلاكس ممكن يكون العيب اللى فيه بسيط اوى
خلى الكهربائى يفك الفبره اللى فوق اللى انت بتضغط على الكلاكس منها ويفك الصاموله اللى تحتها هتلاقى ريشتين حديد كده
بتبقى محتاجه تعلى لفوق