معاك ايه تحمى نفسك بيه لقدر الله فى حالة السرقة تحت تهديد السلاح
 

السلام عليكم ورحمة الله وبركاته
--

للأسف وفى غياب الامن وانتشار البلطجية
وانا الحقيقى تحركاتى بليل تحديداً كترت شوية الايام دى مع انى والله بسمع ان فى سرقات فى عز الضهر حاجة كدا تحسر يعنى :(

المهم انا حبيت افتح مجال للنقاش وكلنا نستفاد

انت معاك ايه فى العربية تحمى نفسك بيه لقدر الله لو حد طلع عليك ؟

وياترى حاطط السلاح بتاعك فين عشان فى فى ثوانى معدودة تكون مسكته فى ايدك فعلاً


اتمنى المشاركة الفعالة

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

معايا مسدس رش ( بيضرب خرز حديد ) بس كويس وشبه المسدس الحي
بحطه جنبي ،عارف مكان عصاية الفتيس في مكان فاضي وراها في الكونسول عشان يتحط فيه اي حاجة انا بحط المسدس فيه
ولما بكون داخل كمين بعينه في جنبي ولما بنزل من العربية باخده طبعا معايا عشان محدش يكسر الزجاج وياخده

وعاين تحت الكرسي بتاعي شومة عشان المواقف البسيطة اللي بتحصل

وفي معايا سيلف ديفنس (اسبراي) وده بحطه في مكان الكوباية اللي في الكونسول

بس :12EA7A~153:

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

:010104~171::CONGRA~238:: 010104~171::CONGRA~238:

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

انا معايا ربنا

والله انا لو شايل معايا دبابه لو ليا نصيب انى اشوف حاجه هاشوفها
بسم الله الرحمن الرحيم قل لن يصيبنا الا ما كتب الله لنا صدق الله العظيم

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

ربنا يسترها على الكل
فى مشكلة انا معايا سلاح بس ما اظنش انه هيجلي قلب استخدمه لاننا مش مجرمين يا جماعة حتى لو تعرضت لهجوم ومعالك اسرتك الموضوع بيبقى مفاجأ يا اخوانا ومحدش يعمل فيها ابو السبع رجالة احسن حاجة الجرى وافرم اى شئ فى طريقك هى دى الجدعنة كلها وربنا ما يكتبها على حد يا رب
عموما افضل سلاح هو حماية ربنا وستره معانا ودى احسن حاجة:010104~171:

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

شكرا ليك يا فندم ، والله نفسي ارخص حي

وعايز اقول لاستاذ كريم حاجة : حضرتك كلنا معانا ربنا بس ده ميمنعش ان احنا ناخد بالاسباب ، ونحاول ناخد حذرنا ونعرف ازاي نحمي نفسنا وحضرتك طبعا فاهم ان الانعدام الامني زايد شوية

وهقول حاجة فعلا المسدس اللي معايا خلاني اتجنب كذا موقف ملوش لزمة والله اعلم لو مكانش معايا كان ايه اللي هيحصل ، و لله الواحد بيحاول يبعد عن المشاكل علي قد ميقدر بس الواحد لازم يحاول ياخد حذره واحتياطاته صح ولا انا غلطان

مع احترامي الكامل ليك ولرأيك طبعا

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

طبعا حضرتك معاك حق بالذات ف الانفلات الامنى والاخذ بالاسباب بس
1 اعتقد ان انت مدنى يعنى مش مؤهل تاهيل كامل لاستخدام سلاح نارى وناس كتيير كده
2 ف بلدنا المحترم هوا اللى بيتعب وحقوا مهدور تقدر تقولى يا باشا لو حد ف شاف معاك المسدس ده هيعمل ايه مش هايقولك والله عندك حق ولا هيتفهم الموقف بالعكس ده انت هيتعملك محضر وهاتروح القسم وهتتبهدل اخر بهدله والله اعلم
ربنا يسترها عليك وعلينا وعلى امه المسلمين اجمعين

تقبل تحياتى