|
هو ليه الناس بتبيع السيراتو 2011 و 2012
معلش ياجماعه فيه سؤال محيرنى
الناس بتشكر فى السيراتو بس الغريب انى الائى واحد بيبيع موديل 2012 و 2011 طيب 2010 مبلوعه شويه لكن ناس كتيره اوى بتبيع الموديلين دول هو السيراتو الجديد فيه مشاكل ولا ايه ؟؟ وكمان سعرهم يبقى حدود كام لو بفتحه سقف ؟؟ |
رد: هو ليه الناس بتبيع السيراتو 2011 و 2012
العربيه تعبانه فوق ماتتخيل هي منظر بس لكن غاليه عالفاضي واداء تعبان جدا بالاضافه انها اسهل عربيه فالدنيا تتسرق |
رد: هو ليه الناس بتبيع السيراتو 2011 و 2012
تعبانه ؟؟؟؟!! ازاى دا منتشره زى الرز فى مصر الواحد بيقول طالما منتشره تبقى تمام زى البوما كده
|
رد: هو ليه الناس بتبيع السيراتو 2011 و 2012
للاسف انتشار البومة مختلف عن انتشار السيراتو الناس اشترت البومة وانتشرت بعد ان اثبتت كفائتها لكن اشتروا السيراتو عشان شكلها حلو وبعدها ابتدوا يحسوا بالمشاكل اللي فيها وسوء الخامات
|
رد: هو ليه الناس بتبيع السيراتو 2011 و 2012
اقسم بالله انا جيبت ال2011 و خليجي كمان بس كفرتني وورتني الويل وسواد الليل عربيه والله اللانسر الكرستاله برقبتها طب الاكسيل كمان برقبتها هي شكل شكل شكل شكل وبس لكن لا اداء ولا امان وفيها غلطه تصميم رهيبه تؤدي لعدم ثباتها وهما تداركوها في النسخه الكوبيه من السيراتو |
رد: هو ليه الناس بتبيع السيراتو 2011 و 2012
كلامك صح يا zmzm ناس كتير بتشتكى منها:010104~171:
|
رد: هو ليه الناس بتبيع السيراتو 2011 و 2012
مع احترامى لكل الاعضاء اللى بيقولوا مشاكلها كتير فى حد منهم معاه سيراتو عشان يعرف عيوبها ويقيمها ويعطى رايه ويؤثر على قرارات الاخرين ولا كل واحد فيكم هايقول سمعت وقالولى . اللى بيبيع السيراتو بيكون لاحد الاسباب التاليه فى ناس كتير اشتريتها عشان يركبوا سيارة مميزة تبهر الاخرين وده حصل مع السيراتو لغايه اول 3شهور فى 2010 وبعد كده كترت وبيقيت زى 128 فى الثمانينات وده طبعا بيزعل اى حد شارى عربيه فوق ال 100 الف ويلاقيها مرطرطه وفى ناس كتير تانيه مزنوقه فى الفلوس بسبب الظروف اللى بتمر بيها البلد ومحتاج فلوس حتى ولو بخساره زى حالاتى العيب الوحيد اللى فى العربيه انها عفشه سبورت ودى مش متناسبه مع الطرق عندنا لانها كلها مطبات هوائيه فالعربيه عايزة شاب فى العشرينات او طرق ممهده بعنايه عشان تستمتع بالسبورت اما بالنسبه للثبات عشان العربيه على دنجل خلفى يعنى العجلتين الخلفى مافيهاش مقصات ومربوطين ببعض وده بيدى ثبات خيالى فى الملفات بس العربيه بتتصرف بطريقه بتكون غريبه للى مش ركب سبورت قبل كده بتحس ان العربيه بتنط من ورا وانت بتاخد ملف قوى جدااا ولكنها بتعدل من اتجاه السيارة بطريقه ممتازة بتخليك على طول واثق فيها لو اخدت ملف مفاجىء لكن النطه دى بتخلى ناس بتخاف وبيتهيالها ان العربيه هاتتقلب واللى اتقلب قبل كده عارف ان العربيه بتزحف بيه وبيفقد السيطره على تحديد الاتجاه لكن مافيش نطه وهو بيتقلب واسف للاطاله
|
| الساعة الآن 05:21 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017