مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ﻻنوس (دايو - شيفروليه) (https://www.masrmotors.com/vb/forumdisplay.php?f=153)
-   -   عايز اركب غاز جزاكم الله خيراً (https://www.masrmotors.com/vb/showthread.php?t=80735)

hany_nm 27-02-2012 04:26 PM
عايز اركب غاز جزاكم الله خيراً
 
السلام عليكم ورحمه الله وبركاته
بعد اذن الشباب عايز حد يفيدنى
انا لسه مشترى لانوس شوفرليه 2009
وعايز اركب لها غاز
فبرجاء الإفاده على سعره كاش وقسط
وعرفت انه ممكن يتركب مستعمل فهل المستعمل جوده زى الجديد
وهل ممكن يؤثر على العربيه بالسلب
فبرجاء الإفاده وشكرا

hany_nm 28-02-2012 02:38 PM
رد: عايز اركب غاز جزاكم الله خيراً
 
السلام عليكم ورحمه الله وبركاته
يا شباب محدش عارف يفيدنى على تركيب الغاز
للسياره ارجو الإفاده لانى عايز اركب الغاز للتوفير
حيث انظروف عملى اننى اقطع حوالى 120 كم يومياً
وشكرا

Payoo 28-02-2012 04:05 PM
رد: عايز اركب غاز جزاكم الله خيراً
 
في سؤال مهم جدا لازم يـُطرح عليك اولا قبل النصيحة

حضرتك درست الموضوع كويس وعرفت ما هي عيوب الغاز ؟

samirayad 28-02-2012 04:41 PM
رد: عايز اركب غاز جزاكم الله خيراً
 
أنا عندى تشغلها ببنزين 80 أفضل

من التحويل لغاز

hany_nm 28-02-2012 08:16 PM
رد: عايز اركب غاز جزاكم الله خيراً
 
اقتباس:
المشاركة الأصلية كتبت بواسطة Payoo (المشاركة 624161)
في سؤال مهم جدا لازم يـُطرح عليك اولا قبل النصيحة

حضرتك درست الموضوع كويس وعرفت ما هي عيوب الغاز ؟
يا باشا اولا اشكرك على ردك
بس انا سألت واحد عنده شاهين مشغلها غاز وبيشكر فيه جداً
وهى موديل 1988 تاكسى كمان بشوف عربيات كثير جداً خصوصا التكسى
يعنى الناس إلى بتطحن طوال اليوم ومشفتش حد اشتكى

hessenp 29-02-2012 03:24 PM
رد: عايز اركب غاز جزاكم الله خيراً
 
من عيوب الغاز ان بيقلل عمر الماتور الافتراضى انا لسة شارى لانوس 2002 واول ماجبتها كنت عايز اركب غاز وسالت كتييييير فى الموضوع وكله بيقولى بلاش تركبة والى يقولى هيحسسك انك راكب بطة بلدى هههههههه.
على العموم انا والدى مركبة بقالة 4 سنين فى النترا 2006 بس لو قارنت الماتور اول لما جبنها بالماتور دلوقتى هاتحس ان فى فرق كبيييييييييير جدا فى المشى والتسارع بين العربيات والماتور كفاءتة بقت فى الضياع ..
ملحوظة : ( مواتير الالنترا 2006 من المواتير المعمرة جدا ) وادائها فوق الممتاز وهى بنزين دة غير مشاكل الغاز الى مش بتنتهى ابدا العربية ممكن تعطس منك وانت على يوترن وتبطل وسعاتها بقى ممكن ....:fun_car:
الموضوع دة حصل معايا كتييييير فى الالنترا وديما اغير البوجيهات على طول الاقيها متأكلة وعلى طول بيغر سلوك البوجيهات ...
فلو حضرتك خلاص ناوى اسال الاول وحاول تجيب اكبر قدر من المعلومات عن مشاكل الغاز واحسبها صح ..

DrClick 11-03-2012 10:15 AM
رد: عايز اركب غاز جزاكم الله خيراً
 
موضوع تركيب الغاز بقي امر سلس جدا فى عربيات كتير ومع اطقم التحويل الحاليه زى تارترينى والتكنولوجيا العاليه اللى بقت فيها بقي الامر سلس وللعلم اطقم التحويل الانجكشن الحاليه بتشتغل كالتالى ..اول ماتدور العربيه بتبدا تسخن معاك بنزين واول ماتسخن على طول تلاقيها بدات تقلب غاز لوحدها وده طبعا بيحافظ على العربيه بشكل كبير .
وفى حد علمى لو الغاز فيه مشكله مكانش تقريبا كل تاكساجيه مصر مركبينه بخلاف غبور عامل خط انتاج للغاز مخصوص فى عربياته وانضمت ليه BYD ...فكل اللى بيتقال على الغاز ده مواريث قديمه من اطقم غاز مكانش فيها تكنولوجيا دلوقتى
ونصيحه لو هتجيب مستعمل اشتري اسطوانه فقط مستعمله وروح اكشف عليها فى اى محطه غاز ولكن الطقم نفسه نصيحتى ليك متشرتيهوش مستعمل وهو جديد يعمله من 2500 لحوالى 3000 وتقدر تقسطهم لحد 60 شهر
واى استفسار اخر انا تحت امرك .


الساعة الآن 02:00 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017