|
تيدا ملهاش حل بسسسسس
السلام عليكم يا شباب انا كنت اليوم فى اوتو ايجبت اشوف الصنى واشتريها بس لئيت التيدا واقفة زى العروسة قلت ياواد خد نفسك وشوفها حاجة فظيعة وسع صالون وفنش وشياكة غير عادية وانا بتكلم على السيدان وطبعا الشكل ازواق بس الغريب والعجيب ان التيدا مش منتشرة فى الشارع مش عارف ليه محدش يعرف العربية دى مش منتشرة لية ولكم الشكر
|
رد: تيدا ملهاش حل بسسسسس
التيدا السيدان اعتقد انها مش بتلاقى قبول عند الناس والله اعلم بس هى فى الهاتشباك تمام
|
رد: تيدا ملهاش حل بسسسسس
معلش كرأي شخصي التيدا سيدان شكلها قبيح :w6w200504112236376d
|
رد: تيدا ملهاش حل بسسسسس
هي فعلا عربيه تحفه جدا وع فكره منتشره في الخليج جدا والعربيه جميله جدا
|
رد: تيدا ملهاش حل بسسسسس
ياباشا عربية زي الفل ولما تحب تبيع محترمة وبتبيع عاديبس هي في شكل جديد ليها نزل بره... وجاي مصر خلال الشهرين اللي جايين
|
رد: تيدا ملهاش حل بسسسسس
للاسف في مصر الناس متبعة قانون القطيع - يعني شوف اية منتشر واشتري اللي الناس كلها شارياه وعشان كده في عربيات كتير في مصر منتشرة وهي لا تستحق الانتشار
التيدا من العربيات الجميلة جدا وتقفيل خرافي بس الناس لما تيجي تفكر في النيسان اول تفكيرها يبقي علي الصني ومحدش بيتعب تفكيرة في الاختيار الامثل لكن مدام الناس كلها ركبت الصني يبقي الصني عربية كويسة واحسن ما في النيسان |
رد: تيدا ملهاش حل بسسسسس
فيه خبر نشرته "المصرى اليوم" اول الاسبوع عن سحب موديل "تيدا" و موديلات اخرى من "مصر" و عدة دول بسبب عيب صناعه .. اوتو ايجيبت بتنكر الموضوع و بتقول مفيش عندنا اى خبر من الشركه الأم بخصوص هذا الشئ .. و التوكيل بيرفض يمنحك شهاده بخلوّ السياره من العيب ده .. انا عندى "تيدا" هاتشباك شارياها منهم من سنتين بالظبط .. لحد اسبوع بس كان ممكن انصح اى حد بيها بضمير مرتاح بس بعد الموقف الزباله ده من التوكيل .. مانصحكش .. لحد ما يظهر بيان رسمى من التوكيل هنا ف "مصر" حول هذا الموضوع .. و ربنا يوفقك
|
| الساعة الآن 03:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017