السيارة لا تدور بعد تنظيف التشوك
 

قمت امس بناء على نصيحة احد الاصدقاء بتنظيف التشوك بالبنزين بعد فك الخرطوم الواصل لفلتر الهواء وبعد التنظيف قمت بدوران السيارة لكنها لاتستجيب زى مايكون المرش بيلف على الفاضى قمت بفتح البوابة فترة ربما يكون فى بنزين بالداخل وكذلك فصلت البطارية فترة وقمت بالدوران لكنها لاتستجيب ارجو المشورة من اصحاب الخبر وجزاكم الله خير

رد: السيارة لا تدور بعد تنظيف التشوك
 

الا يوجد رد:Wkiss5:

رد: السيارة لا تدور بعد تنظيف التشوك
 

هل حطيت بنزين كتير جوه زور البوابه وقت نظافة الثروتل بودى

أو الأتشوك كما تسميه حضرتك

وياريت برضه تطمنى على حالة البطاريه بشكل عام

رد: السيارة لا تدور بعد تنظيف التشوك
 

فلو المشكله مرتبطه فقط بغسيلك للبوابه بالبنزين

أنصحك بالآتى

1- تحل البوجيهات ( أكيد أنت عارف الطريقه فى النوبيرا)

2- تنظف البوجيهات كويس أوى بحتة صنفره ناعمه وتجففها من أثر البنزين الموجود عليها

3- والبوجيهات مش راكبه

أدى مرتين تلاته مارش بهدف نطر أى بنزين محتمل تواجده على وش البساتم

ونظف بعد كده أى ملوثات فى منطقة البوجيهات

4- ركب البوجيهات وكابلاتها وقفل صح

وتوكل على الله وجرب

رد: السيارة لا تدور بعد تنظيف التشوك
 

اولا شكرا لحضرتك على الرد,النهاردة جبت ميكانيكى كشف على العربية وقالى دور عدة مرات والعربية طبعا لم تدور وقالى ان المكنة مبتلفش اصلا والسيور مابتتحركش فقالى دا اكيد ترس البندكس الخاص بالمرش بالرغم انى مغيرة من حوالى 3شهورفانا مش عارف الكلام مظبوط ولا لا على كل حال هجرب نصائح حضرتك وربنا يعمل اللى فية الخير, منتظر رد حضرتك على موضوع الترس

رد: السيارة لا تدور بعد تنظيف التشوك
 

كلامه معقول طبعا

وممكن يكون عندك حاجه تانيه برضه

زى ضعف البطاريه

وأنت ممكن تشيك على كلامه من خلال أنك تخللى حد يدور وأنت بص برضه على السيور

وممكن تاخد وصله من بطاريه تانيه وتشيك برضه

لو لقيت لسه العمليه على قديمه

يبقى يجب عمل صيانه للمارش

--------------------

رد: السيارة لا تدور بعد تنظيف التشوك
 

بالنسبة للبطارية جديدة وفعلا انا خليتة يدور العربية ولقيت السيورمابتتحركش