مشكلة غريبة جدا
 

انا عندي مشكلة غريبة شوية واحكيلكم اللي حصل معايا

انا عملت حادثة من شهرين وكان فيه شوية مشاكل واتحلت الحمد لله بفضله ثم بالاعضاء المحترمين اللي ساعدوني وكان اخرها ان كانت العجلة اللي قدام ناحية الشمال كانت ماخرة 3 سم وتم بفضل الاصلاح وكل حاجة تمام

رد: مشكلة غريبة جدا
 

لا حول و لا قوة الا بالله
طيب تكون لا قدر الله مشيسة ؟

رد: مشكلة غريبة جدا
 

أكشف على الجوز مساعدين الأمامين

ولو غيرتهم بجوز جداد

يبقى أفضل وأأمن

رد: مشكلة غريبة جدا
 

متابع معاكم
و ربنا يسترها معاك إن شاء الله

رد: مشكلة غريبة جدا
 

تقصد حضرتك الشاسيه ؟ انا كشفت عليه والحمد لله مفيهوش حاجة واظن ان الشاسيه لو فيه مشكلة كانت العربيه مش هتمشي مظبوط في الطريق المستقيم يعني انا الاسبوع اللي فات كنت ماشي علي سرعة 150 كيلو وعادي

غيرتهم بجوز استيراد

رد: مشكلة غريبة جدا
 

مضمونين ....ولا مش عارف

وغيرتهم بعد الحادث ولا قبله

وماذا تعنى بكله تمام

وهل كشفت على العفشه كلها من تحت

كبالن وعواميد كبالن ومقصات وخلافه

ياريت لو تستفيض معانا شويه

وتحكيلنا عن كل إللى أتعمل فى السياره بعد الحادث

وهل السمكرى إللى عالجلك موضوع تأخير الفرده الشمال

مجرد أنه عمل زرجينه فقط للفرده

ولا رفعت العربيه بعدها وأطمنت على مكونات السياره من تحت

لأن مينفعش الواحد يأخر أو يقدم فرده كده

بدون مايكشف على أثر الحادث برضه

رد: مشكلة غريبة جدا
 

انا هحكي اللي حصل بالتفصيل
1-قبل الحادث
2-كيف حصل الحادث
3-الاصلاح بعد الحادث
4مشاكل ما بعد الاصلاح

قبل الحادث كنت مظبط كل العفشة غيرت جوز مساعدين استيراد وكانو تمام وغيرت الاسكترا والبطاحات والجلب والسوست وكان كل حاجة مظبوطة

كنت ماشي علي سرعة 40 وغفلت وفجاة لقيت عربية سوزوكي 8 راكب ماشية بسرعة جنونية ودخل في العجلة اللي قدام ناحية الشمال (جهة السائق) وبعد كده اتقلبت السوزوكي والحمد لله مفيش اصابات وسبحان الله الخبطة عندي جت في العجلة اللي قدام بالظبط يعني مكنش فيه اي اضرار في جسم العربية كل اللي حصل ان المقص اتعوج والجنط اتعوج والعجلة كلها بالمقص رجعت للخلف يجي شبر

طبعا كنت مضطر للجوء الي سمكري وعفشجي قريب من موقع الحادث المهم السمكري فك المقص وعمل شوية لحمات بسيطة جدا حوالي 5 سم يس قواعد المقص سليمة مفيهاش مشكلة والعفشجي ظبط الاسكترا وغير المقص وراجع علي المساعدين وركب وكل حاجة تمام علي حد قوله

كان فيه عومان جامد جدا وعدم تحكم في العربية رحت للعفشجي قاللي ظبط زوايا رحت ظبط زوايا وبعد ما ظبطها حصل حاجة غريبة لقيت العربية بتحدف يمين مع انه قبل تظبيط الزوايا مكنتش بتحدف كانت بتعوم المهم لاحظت ان العجله اللي حصل فيه الحادث لسة مأخرة حوالي 3 سم رحت للعفشجي تاني وقاس وطلع كلامي سليم فك المقص ووداه المخرطة وقدم جزئ اسمه الركبة لقدام 3 سم وركب
النتيجة العومان اختفي بنسبة 65 % وبقيت متحكم في العربية لدرجة كبيرة بس لسة مش زي الاول
وفية صوت زي ميكون فيه رفة في العجلة يبدا عن سرعة 60 ويختفي بعد 80

بجد انا احترت
المشكلة ان العربيةعجباني ومش عايز افرط فيها ونفس الوقت خايف اعمل حادثة تاني يعني امبارح اخدت ملف شمال وكنت سريع شوية العربية كانت هتتقلب بيه فعلا بس ربنا سترها