أكسنت RB ولا الكيا Rio
 

ياريت حد خبير أو أى حد عنده معلومة عن المقارنة مابين أكسنت RB و الكيا Rio عن كل حاجة من ناحية المواصفات والمميزات والإضافات الجديدة والأوبشن الزيادة ده لو فيه والعيوب والتوكيل وقطع الغيار وإستهلاك البنزين والتسارع والثبات معلش انا عارف انى كلامى كتر عن العربيتين دول بس هما اللى عجبينى جدا جدا فى فئتهم والاثنين هيكونوا مانيوال لأنى مش هحتاج الأتو فى حاجة بعيد عن زحمة القاهرة وان شاء الله ناويت أشترى بعد شهر فياريت أى معلومة من أهل الخبرة

رد: أكسنت RB ولا الكيا Rio
 

الريو 1400 سي سي انما الاكسنت 1600 سي سي فطبيعي التسارع لصالح الاكسنت لانها كمان 124 حصان والrb شكلها حلو و عمليه

رد: أكسنت RB ولا الكيا Rio
 

طبعا ار بى فرق فى التسارع وثبات الاتنين واحد الوسع الداخلى يعتبر واحد الشكل دى ازواق بس انا بحب اربى فى الشكل تكييف لصالح اربى فرامل الاتنين واحد مفيش فرق الكاوتش الاتنين 14 بالجنوط سواء حديد او سبور وانا طبعا بحب الحديد جدا جدا جدا عن الاسبور بص من الاخر لو ميفرقش معاك التسارع والسرعة يبقى هات اللى شكلها عاجبك انما لو تفرق معاك السرعة يبقى هات اربى طبعا لانى فرق واضح اوى اوى بين الاتنين فى السرعة

رد: أكسنت RB ولا الكيا Rio
 

شكرا يا جماعة على كل اللى رد على موضوعى بجد انا فعلا مياااااااااال جدا لل RB وان شاء والواحد ينزل معرض سمير ريان او المصرية عشان يشوف العربيتين ع الطبيعة أكيد الموضوع هيفرق جدا عن الصور بس الواحد خلاص كون قراره بنسبة 90% لصالح ال RB ومستنى ردود الناس الحلوة التانية والمساعدات :12EA7A~153:

رد: أكسنت RB ولا الكيا Rio
 

العربيتين في الواقع هما عربية واحدة لإن هيونداي وكيا هما نفس الشركة

شوف الكماليات الموجودة في العربيتين وقارنهم، واقعد جوه العربية وشوف اللي انت مرتحالها أكتر

يبقى فاضل الموتور... وزي ما الزملاء قالولك... لو عايز موتور أقوى يبقى الـRB

في الآخر.. شوف التوكيل اللي سمعته أحسن

رد: أكسنت RB ولا الكيا Rio
 

لو هنقارن بين الاكسنت والكيا ريو
التسارع الاكسنت افضل
استهلاك البنزين الريو احسن 1400 سي سي
الثبات تقريبا زي بعض ( متوسط) ممكن مع الجنط الاكبر الثبات هيكون افضل
العيوب والتوكيل مش هقد افيد حضرتك ممكن حد من الناس اللي معاها العربيتين يفيدوا حضرتك ، بس سمعت والله اعلم ان الاكسنت سعات بيكون فيها مشاكل في جهاز الانذار اللي بينزل معاها

في حاجة مهمة جدا احب اضيفها في الاخر بخصوص الشكل بالنسبة للكيا ريو لما رحت معرض اتوماك من كام شهر كان موجود عربية كيا ريو 2012 الشكل الجديد وسالت هتنزل امتي في مصر المسؤال قالي 2013

فهنا الاكسنت تكسب شكلها جديد ومش هيتغير دلوقتي ،، لكن الكيا ريو لما تنزل السنة الجاية وشكلها تحفة جميلة جدا هتحرق شكل الريو اللي موجودة عشان مفيش وجه مقارنة بين شكل الريو الموجودة واللي هتنزل السنة الجاية
فاعتقد ان الاكسنت تكسب المقارنة والف الف مبروك مقدما العربية اللي حضرتك تختارها

رد: أكسنت RB ولا الكيا Rio
 

يا فندم ... الكيا ريو الشكل الجديد نزل فعلا في السوق... هاتشباك وسيدان

السيدان تبدأ من 92 ألف لحد 112 ألف كاملة أوتوماتيك

العربية اللي حتنزل السنة الجاية إن شاء الله هي السيراتو الجديدة


...