|
فولت العربية اتدبست فى شليه تايم شير مش عارف ازاى
أثناء تموين السيارة فى احدى البنزيمات بالمهندسين بعد التفويل وسداد التبس تقدم واحد من الشباب لابس فورمال وقال لى بعض الكلمات اذا بى ادفع خمسون جنيه على وعد انى سوف احصل عليها وعليها هدية عينية وكلام زى كده بشرط الجلوس معنا ساعتين ، المهم ذهب بالفعل اعطونى الخمسين جنيه وجلست مع احد المندوبات ودفعت مبلغ كا حجز جناح فى قرية فى الغردقة يدفع اجمال الثمن وهو يساوى سعر عربية جديدة على خمس سنوات وبعد ذلك ندمت هل لديكم حلول عشان متضايق قوى
|
رد: فولت العربية اتدبست فى شليه تايم شير مش عارف ازاى
:w6w200504112236376dحصل معايا الحوار ده قبل كده في مدخل مول بس بصراحه كانت 20 جنيه ودفعتها وخلعت مروحتش الميعاد
|
رد: فولت العربية اتدبست فى شليه تايم شير مش عارف ازاى
اقتباس:
مضيت عقد ؟؟؟ |
رد: فولت العربية اتدبست فى شليه تايم شير مش عارف ازاى
اقتباس:
أول مره فابلنى واحد أفندى محترم فى أشهر الشوارع عندنا وقعد يقوللى مافى الخمر أأقوله .....الخمر حرام المهم أخد منى نصف عشرون جنيه على أن أقوم بزيارته ليلا ولما ذهبت ليلا ( أخذت منه نصف العشرون جنيها ) للإتفاق على كل شىء ودفع مبلغ فى نظير حجز شاليه وفى نصف الطريق بتاع كلامه شميت رائحة الغدر ولعب الفأر فى عبى روحت ماشى وسايبه ...وقايله هفكر فى القصه دى وأرد عليك بكره أو بعده وأتضح فعلا أن كل الأساليب دى خادعه ( نصب يعنى ) ......................... .. مره تانيه بأه لقيت واحد تانى بعدها بستة شهور مثلا بيقوللى مش هتصيف ....ونفس الحوار والأفلام دى ....؟ قولتله ...............لع ....إلعب غيرها هصيف فى بيتنا |
رد: فولت العربية اتدبست فى شليه تايم شير مش عارف ازاى
حمدلله علي السلامه يا ابو سلامه يعني يا راجل يا طيب تغيب تغيب وترجع بنصابايه ربنا يعينك
انا الموضوع ده حصل معايا مره والمره التانية كانت مع الحاج بس طرت علي المكان اللي كان فيه وخدته قبل ما يدبس في 5000 جنيه لكتابة العقد وفي الموضوعين خلعت منهم بعد ما فهمتهم اني هولعلهم في المكان اللي قاعدين فيه دلوقتي لو مخدتش فلوسي وكمان نفس الكلام مع الحاج والحمد لله خرجنا من المشوار ده بدون اي خساير ماديه |
رد: فولت العربية اتدبست فى شليه تايم شير مش عارف ازاى
هو الموضوع مش نصب ولا حاجه اذا كان الشخص اللى اخد منك الـ 20 ج دا واقف داخل مكان ثابت زى بنزيمه او محل او مول لان الراجل دا قبل ما بيقف ادارة البنزينه بتتأكد 100 % من وجود الشركه خوفاً من ان الشركه دى لو طلعت نصابين الناس تروح تهللهم عند البنزينه اما بخصوص التايم شير نفسه فأن كنت كتبت عقد فارجوا انك تراجعه كويس ممكن يكون فيه بند لارتجاع الفلوس ولو بخصم جزء منها ويبقى انت كده طلعت باقل الخسائر اما لو ماكنش البند دا موجود فممكن حضرتك تورى العقد لمحامى ممكن يكون فيه غُبن وفى الحاله دى من حقك فسخ العقد اما لو كان العقد صحيح 100 % فا انت مافيش ادامك غير انك تعمل اعلان فى مواقع سياحيه تطلب فيه بيع عقد التايم شير دا ولو بفلوس اقل شويه علشان تخلص |
رد: فولت العربية اتدبست فى شليه تايم شير مش عارف ازاى
دفعت ثمانية الاف جنيه ومضيت عقد وادونى هدية عبارة عن مكنسة وراديو مش شغال على اساس انه هدية ودعوة عشاء لشخصين قالوا أنها تساوى خمسمائة جنيه مجاننا وروحت قدموا ليه خمسة صوابع كفته رز بالعدد خمسة وتحرق دمى قوى وشكلى هاخسر 4000 جنيه منهم مش عارف اعمل ايه
|
| الساعة الآن 04:31 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017