طلب من اهل الخبرة ضروري
 

يا ريت ياجماعة يا اهل الخبرة في مصر موتورز حد يفدني عاوز اجيب عربية زيرو ومحتار يعني اقصي حاجة من 90الف الي 100الف اقصي حاجة بالنسبة لي هي 100الف بسي محتار ما بين 3 عربيات هي 1- نيسان صني 2-شفرالية أبترا 3-ميتسوبيشي لانسر 1300
مش عارف محتار مابين الثلاثة يا ريت لو حد يقدر يفدني في الموضوع دة بأمانة يقوالي لان الموضوع دة محتار فية قوي والله مع العلم انا ساكن في الارياف يعني عاوز عربية تكون مرتفة عن الارض وتكون قوية شوية :12EA7A~153::010104~171:

رد: طلب من اهل الخبرة ضروري
 

من ناحية الارياف فالعربيات الثلاثة سابقة الذكر مش تفرق معاك لانهم تقريبا متشابين فى الارتفاع وكلهم سيدان من وجهة نظرى خد الميتسوبيشى حتى لو كانت اقلهم سعة لتريه بالنسبة للمحرك لكن بالتاكيد كجودة تشطيب ومكونات وضمان طبعا ان شاء الله اللانسر وتقبل تحياتى

رد: طلب من اهل الخبرة ضروري
 

رد: طلب من اهل الخبرة ضروري
 

رد: طلب من اهل الخبرة ضروري
 

انا معايا نيسان صنى Super Saloon وحش العفشة جامدة و صاجها متين مش ورق بس هى فيها عيب الصالون من ورا ضيق و بتاكل بنزين بس هى عشان انتا ف الارياف هاتستحمل معاك و التوكيل ناس محترمين جدا :ff5a34af6efef0e643e:ff5a 34af6efef0e643e

رد: طلب من اهل الخبرة ضروري
 

الصني عربيه زي فل ومش هتندم وعايز تعرف دليل نجاحها شوف انتشارها في الشارع المصري واقبال المصريين عليها رغم ان شكلها قديم بس ناس حبها عشان عربيه من اسم عريق في عالم السيارات كفايه انها من نيسان والله الموفق

رد: طلب من اهل الخبرة ضروري
 

1- نيسان صني: مميازات سعرها كويس بالنسبة لامكانيتها - يوجد بها وسائل امان لا تتوافر في معظم العربيات اللي بنفس السعر
العيوب : من الداخل التابلوه بدائي وتقليدي بطريقة تغيظ - المقصورة من الداخل ( الكنبة الخلفية ) ديقة شوية - مشاكل التقفيل المصري العفشة سيئة بتتفك بعد فترة قليلة وناشفة (وليست مصممة للخدمة الشاقة زي ما العضو andro samy والاستاذ manos momo عفشة النيسان السوبر صالون عفشة رياضية مختلفة عن الصني العادية ) ملحوظة مشاكل العفشة لم تظهر حتي موديل 2009 التقفيل الياباني - من عيوب العربية ايضا معدل استهلاك البنزين يعتبر اعلي من باقي السيارات في نفس الفئة

2- شيفروليه اوبترا : مميزاتها : عربية جيدة بالنسبة لسعرها - الثبات جيد جدا بالنسبة لفئتها- توافر قطع الغيار - اعتماديتها عالية استحمال وخلافه
العيوب: تصميمها الخارجي تقليدي للغاية وتحس كانها عربية من التسعينات - سعر اعادة بيعها جيد وليس ممتاز نظر لظهور سيارات بنفس الفئة السعرية مع شكل افضل وامكانيات مماثلة
3- لانسر1300 : معشوقة الشعب المصري المميزات : سهولة الصيانة وتوافر قطع الغيار - جيدة في سعر اعادة البيع تسارع جيد بدو تكييف مع التكيف سيء
العيوب : نفس الكلام شكلها قديم شوية من سنة 2004 وبصراحة مش لاقلها عيوب تانية

رأيي الشخصي : أرجح لحضرتك 1-(فيات بونتو ايفوا ) ممتازة في كل شيء وان كان سحبها جيد وليس ممتاز وقطع غيارها غالية نسبيا ولكن وعدلات الامان بها فوق الممتازة
السعر مانيول 102,300

2-اكسنت rb : المميزات شكلها ممتاز ولسه جديد تسارع رائع العيوب : ثبات متوسط ، مرغوبة في السوق فاعتقد مش هتخسر جامد في سعرها
العيوب : اللي اعرفه جهاز الانذار سعات بيكون فيه عيوب عشان بيتركب في غبور ولكن العربية كلها تقفيل كوري ، معرفش بصراحة اذا كان ليها عيوب تانية ولا لأ ،
العربية فيها سوكات في الابواب اعتقد لو اتخبطت صعب تترد والباب يرجع زي مكان وده رأي شخصي ليا
السعر: 96الف مانيول - اوتوماتيك 103 الف
علي فكرة السيارة اخدة 4او 4,5 من 5 في اختبارات التصادم الاوروبية

3- هيوندا i20 : عربية ممتازة في كل حاجة واخدة 5نجوم في اختبارات التصادم الاوروبية
عيوبها : مش منتشرة اوي وده يخلي سعر اعادة البيع سيء
السعر:90الف فول اوبشن مانيول 96900 الف فول اوبشن اوتوماتيك

4- هيونداي i30 : عربية ممتازة في العموم تسارعها ممتاز ، سعر اعادة البيع مش كويس اوي الهاتش باك عموما كده بس اكيد هيكون افضل من الايفو ومن i20
السعر:105,500 مانيول

مبروك مقدما علي اي عربية:CONGRA~238: