|
فك الغيار فى الفتيس
سلام عليكم ورحمة الله وبركاته مرحبا شباب حبيت اخد رأيكم فى الفتيس بتاع الفيرنا انا متعود وانا بفك الغيار من الاول مثلا لوضع مور ادوس دبرياج وافك الغيار على الوضع ده اكتر من سنة . من كام يوم نسيت ادوس دبرياج وانا بفك الغيار ولقيته بيتفك بسهولة جدا فيما عدا صوت تكه خفيفة اوي فى الفتيس اشبه بتكة المارشدير بس على اخف جربت ادي غيار من غير دبرياج علشان اطمن على الديسك والاسطوانه لقيته مبيجيش والعربيه سحبها جميل . فهل ده طبيعي فى الفيرنا وهل هناك اضرار من فك الغيار بدون دبرياج ؟ |
رد: فك الغيار فى الفتيس
اقتباس:
|
رد: فك الغيار فى الفتيس
هو هيفك معاك على سرعه السلانسية بسهوله .. لان سرعه العربية بتبقى متساويه تقريبا مع سرعه الموتور (القائد = المقاد) .. علشان كده بيبقى سهل تفكه بدون دبرياج .. ولكن لو ماشى بسرعه هيبقى صعب يتفك ..
ولو اتعودت على الحركه دى .. على المدى الطويل جدا هيسبب تأكل فى غوايش الفتيس ... فالاسلوب الصح ان تدوس دبرياج مع فك الغيار .. |
رد: فك الغيار فى الفتيس
شكرا ليكم ومنتحرمش من أرائكم يا شباب
|
رد: فك الغيار فى الفتيس
انا عمرى ما بدوس دبرياج وانا بفك الغيار على فكرة لانة بيكون اسرع ويمكن دة تعود اكتر منة مقصود وعمرى ما اشتكيت من حاجة فى الفتيس
|
رد: فك الغيار فى الفتيس
اقتباس:
بس ياهندسه لا نستطيع أن ننكر أن هذا خطأ من الزاويه الفنيه لأن الدبرياج ماهو إلا وسيله لتوصيل وفصل الحركه بين قائد ومنقاد ( القائد هو المكنه والمنقاد هو الفتيس ) فهل تضمن أن يكون القائد والمنقاد دائما على نفس السرعه بحيث تقدر توصلهم ببعض أو تفصلهم عن بعض |
رد: فك الغيار فى الفتيس
يا باش مهندس سمير
طبيعه شخصيتى من وانا صغير الناس كلها كانت تجيب كتاب المعاصر وانا بجيب كتاب لامى لما يتميز بة من تشغيل دماغ مش طالب عاوز ينجح وبس .......حتى مسائل الرياضة كنت بحب المسائل الصعبة وممكن اعد احلها اسبوع بعد ما الاستاذ ميعرفش يحلها القصة كلها انى بحب اكون ما وراء الحدث .....ساعات بكون صح وساعات بكون غلط نرجع لموضوعنا انا متاكد (راى شخصى) ان مجموعة الدبرياج بتقوم بعملها فى التحرك من السكون فقط لا غير انما بعد كدة دورة بيتقلص جدا او ممكن يكون دورة ثانوى لان لو حضرتك تخيلت ان عامود الدايركت للفتيس اثناء تحرك السيارة من مثلا الغيار الاول الى الغيار الثانى هل بيتم فصل الحركة تماما عنة؟؟؟؟؟؟ الاجابة لا لانة متصل بكارونة السيارة التى لم تتوقف عن الحركة اذن الفتيس واثناء تعشيق التروس بيكون ترس خامل وترس بيدور تكملة لاول مشاركة لية فى هذا السؤال او الاستفسار بس والله انا مش بحب اردد المعلومة دى وهى انى بنقل كل الغيارت بدون دبرياج عدا النقلة الاولة فقط وذى ما قلت هى ممكن تكون عادة او بحس انها اسرع او انى بريح رجلية معرفش انما دة بيحصل معايا واول عربية اشترها موجودة لغاية النهردة مش برضى ابعها لانها ورث من الوالد رحمة الله علية ولم يحدث اى خلل فى اداء الفتيس واكيد ما غيرتش طقم دبرياج لغاية النهردة ههههه لانى ما بستعملوش |
| الساعة الآن 11:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017