فولكس فاجن سوران , تويوتا ياريس , كيا سيراتو الجديدة 2009
 

السلام عليكم
أريد شراء سيارة من 100 الى 110 ألف جنية
ومحتار ما بين :
فولكس فاجن سوران
تويوتا ياريس
كيا سيراتو الجديدة 2009
اريد فى السيارة أن تكون:
عائلية
تتحمل السفر
اقتصادية فى البنزين
توافر مراكز الخدمة وقطع الغيار
وكيل كويس
ممكن تدلونى أعمل ايه؟ مع مقارنة ما بين الثلاث سيارات ان امكن
شكرا

رد: فولكس فاجن سوران , تويوتا ياريس , كيا سيراتو الجديدة 2009
 

بص
السوران :عائلية شكلها حلو نسبيا وكيل مفترى اغلى قطع غيار وصيانة وسعر اعدة البيع وحش جدا

النيو سيراتو : اداء قوى (بس دة كلة كلام على ورق لسة ماعرفش حد جربها) واقتصلدية وتتحمل السفر بس قطع الغيار هاتكون اغلى من السيراتو العادية

ياريس مع انها 1400 سىسى بس موتورها على قدها بالظبط واقتصادية جداااااااا وتتحمل السفر وتوكيلها محترم بس المشكلة انها عاوزة عدد 3 اشخاص غير السائق واحد جنبة واتنين ورا ( هيا تشيل 3 ورا بس هايكونوا لازقين فى بعض) وممكن اتنين كبار وطفل هاتكون حلوة بس هاتعوم منك فوق ال130 لانها خفيفة



انت لو عاوز عربية فيها مساحة داخلية يبقا السوران
لو عاوز عربية شكل وقوة سحب النيو سيراتو
لو عاوز عربية اعتمادية وموفرة واستعملك لاكتر ليها داخل المدينة هات الياريس

رد: فولكس فاجن سوران , تويوتا ياريس , كيا سيراتو الجديدة 2009
 

بدون تردد النيو سيراتو لان قام المهندس خالد اباظة رئيس تحرير اخبار السيارات بتجربة السيارة تجربة كاملة والعربية مفيهاش غلطة موتورها قوة 123 حصان وعزم 155 قوي جدااا وشكلها شكل الهوندا السيفيك شيء ما

رد: فولكس فاجن سوران , تويوتا ياريس , كيا سيراتو الجديدة 2009
 

انا كمان مع النيو سيراتو

وربنا يوفقك للاحسن

رد: فولكس فاجن سوران , تويوتا ياريس , كيا سيراتو الجديدة 2009
 

أنا شايف ان السيراتو حلوه لو قطع غيارها متوفره و موش غاليه ولو الكلام اللى على الورق سليم !

لكن الآستاذ / بظاظا مع احترامى له لا يؤخذ على كلامه رغم خبرته فى السيارات لآن فى شبهة

تربح !! و الحدق يفهم ! ( والله العظيم كنت من ساعه رايح أدفع مقدم السيراتو لكن عائلتى الصغيره رفضت )

و أنا ما أقدرش أجيب لهم حاجه غصب عنهم ! يعنى ما تقدرش تأكلهم مثلا أكله موش على مزاجهم حتى لو

كانوا صايمين ! ptmnlo123per1106 الصبر من عندك يارب !!

Dr. Bolbolan ptmnlo123per1127

رد: فولكس فاجن سوران , تويوتا ياريس , كيا سيراتو الجديدة 2009
 

الياريس كويسه ... بس 1300 سي سي .. والوكيل بيقول اتها 92 حصان لكن الحقيقه انها اقل ... 84 او 86 حصان ..
يعني لو مسافر و معاك شيل و ناس ... ptmnlo123per1106
النيو سيراتو حتى لو مش متجربه فهي تطوير للسيراتو .... و محدش اشتكى منها ... بالعكس كل الناس شكروا فيها ...
هيونداي و كيا مجموعه واحده ... وبالتالي السيراتو الجديده في كيا هي الالنترا في هيونداي ... نفس التقنيه و الموتور ال CVVT ... فرق شكل و اوبشنز .. و وكيل
السوران فولكس على عيني وراسي .. لكنها ارجنتيني ...
وتكنولوجيا وتقنيه قديمه بقالها سنين
ووكيل .... عمري ما سمعت حد شكر فيه

انا لو مكانك و بختار بين ال3 عربيات دول .. يبقى اكيد النيو سيراتو ...

رد: فولكس فاجن سوران , تويوتا ياريس , كيا سيراتو الجديدة 2009
 

يا خوانا أنا عندى كورولا 97 الشكل القديم شاريه على الزيرو ! موتور 1300 - 72 حصان والعربيه دى أكبر

و أثقل من الياريس و الحمدلله بتشيل وبتجرى رغم ان ييجى 12 حصان منها زمانهم ماتوا من زمان !

وكمان أعتقد ان تكنولوجيا موتور ياريس 2009 ح تكون أفضل من الكورولا 97 والله أعلم !

حد يقدر يقنع مراتى و ولادى أجيب السيراتو الهاى لاين ! دول عاوزين كامرى 201 ptmnlo123per1106


Dr. Bolbolan ptmnlo123per144