|
مقترحات إنجاح الثورة
خش قول مقترحك لانجاح الثورة من خلال وجهة نظرك ومن خلال الواقع اللى احنا عايشينه
وسؤاء اتفقنا او اختلفنا احنا مصريين وبنحب البلد دى وبنموت فى ترابها خش عبر عن رأيك واحترم راى التانى حتى لو مش عاجبك وده اول عامل هينجح الثورة ان شاء الله بس يا ريت كلنا ننفذه بدون تعصب نختلف اه ولازم انما خلاف لاءءء ولكم منى كل الحب والتقدير:Wkiss5: |
رد: مقترحات انجاح الثورة
انا عن نفسى مش فاهم ليه الصلف والعناد من قادة المجلس العسكرى فى تسليم المسئولية المنيلة بنيلة دى لرئيس مجلس الشعب مثلا بصفة مؤقتة الكام شهر دول وطالما انه مطلب جماهيرى وكل الناس نازلة من بيوتها بكل احترام بتطالب بكدة هو يعنى لازم البلد تولع علشان يستجيبوا لمطالب الناس بغض النظر عن عدم شرعيتهم لتولى المسئولية لانهم واخدينها من المخلوع وبلاش نتكلم فى النقطة دى لان الموضوع كان مفاجأ لينا ومكنش قدامنا غيرهم
وكتر خيرهم لغاية كدة ومش هنقلوهم خربتوها هنقولهم ربنا يكون فى عونكم المسئولية كانت تقيلة ومكنش فيه خبرة سياسية بس خلاص بقى تعبنا كفاية وعايزين نعمل دستور من غير توقيعكم الكريم عليه وعايزين رئيس يجي من غير متسلموا عليه ومع كامل احترامى وتقديرى للجيش المصرى خير اجناد الارض اللى مش عايزين بسبب تعنتكم لاقدر الله يا رب ما نوصل للصدام معاه وان شاء الله عمره ماهيكون لانه جيشنا مش جيشكم:GROWIN~12: |
رد: مقترحات إنجاح الثورة
موضوع جميل يا استاذ تونسي واللي انا شايفه ان المفروض يتعمل ان يتم نقل السلطه لمجلس الشعب المنتخب من الشعب المصري بانتخابات نزيهة لا يوجد بها تزوير
ورجوع الجيش معزز مكرم الي ثكناته وتكريث اهتمامه بمراقبة الحدود ومنع تجارة السلاح وتهريبها الي الداخل وعمل محكمه ثورية لكل النظام السابق وتكون محكمه عاجلة مش نقعد سنين لحد ما نشوف نتايج وياريت نوصل لمرحلة اننا نمتنع عن اخذ المعونة الامريكية ونعيش بكرامتنا بقا شوية علشان محدش يذلنا باللي بيدهولنا تكريم الشهداء واسرهم ومعاملتهم معاملة شهداء حرب اكتوبر المجيدة ومحاسبة كل من كان له دور في اخفاء الحقائق :GROWIN~12: |
رد: مقترحات إنجاح الثورة
اتفق معاك يا كورسير فى كل اللى قلته ما عدا موضوع المحاكمات الثورية لاننا المفروض دولة ديمقراطية ودولة مؤسسات يعنى العسكر يتحاكموا محاكمات عسكرية والمدنيين فى المحاكمات المدنية بشرط علانية المحاكمات وجعلها محاكمات عاجلة بنزاهة تامة علشان ندخلهم مزبلة التاريخ واحنا مفتخرين بديمقراطيتنا وبلاش نعمل زى دول تانية بدون ذكر اسامى واكيد حقنا وحق الشهداء مش هيضيع:010104~171:
|
رد: مقترحات إنجاح الثورة
أول حاجة
ترك التخوين و بعدين نتكلم |
رد: مقترحات إنجاح الثورة
إن شاء الله الثوره ناجحه بس عايزه شويه صبر من الناس حتى إنتهاء المرحله الانتقاليه بسلام ودون إضطرابات ... إحنا داخلين على مرحله حساسه وهى إنشاء دستور جديد وبعده إنتخاب رئيس جديد ورحيل العسكر بعد كده ....
فالمطلوب لإنجاح الثوره الصبر حتى تنتهى هذه المرحله الانتقاليه وعدم تعطيل الامور .. |
رد: مقترحات إنجاح الثورة
موضوع هايل وربنا يجعله بفائدة
فى ناس كتير مش فاهمة حاجة مش عارفين مين صح ومين غلط وكل واحد ماسك فى رايه ومقتنع بيه والرأى الاخر دايما خاين - انا مع استاذ / على لانجاح الثورة لابد من ترك التخوين ونبدأ نتفاهم مع بعض ونوصل لحلول لان كل واحد بيحب مصر وبيموت فى ترابها ولكن ( كل شيخ وله طريقة ) , وانا من راى نستنى شهر 6 والميدان موجود , لان مش عايز نحمل مجلس الشعب ما نحمله لمجلس الوزراء والمجلس العسكرى - يعنى ممكن بعد كدة يحصل تخبط مع مجلس الشعب ودة وارد فمش عايزين نعيد القصة من اول وجديد ...... هانت وربنا يحفظ مصر وشعبها |
| الساعة الآن 10:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017