|
اهتزاز الموتور ال 3 سليندر !!!
اى حد معاة عربية 3سلندر ياريت يقولى
هل هى طبيعتها فعلا ان يبقى فيها رعشة بسيطة كدة على السلانسية عشان كان عندى رعشة جامدة على السلانسية والقواعد بتاعت الموتور جديدة وسليمة وقاعدة الفتيس جديدة برضو والعيب كان فى مسمارين مبوشين وتم حل مشكلتهم ولسة برضة فى رعشة على السلانسية الميكانيكى قالى ان العربيات ال 3 سلندر بتبقى فيها الرعشة دى طبيعيى عشان هى 3 سلندر وماينفعش تقارن نعومة المكنة ال 4 سلندر ب ال 3 سلندر وعملت سيرش على النت برضو ووصلت الى ان المكنة ال 3 سلندر بتبقى more noise and vibration عن ال 4 سلندر بس انا عايز كلام الناس المجربة ياترى ال 3 سلندر بتبقى فيها الرعشة دى فعلا طبيعى |
رد: اهتزاز الموتور ال 3 سليندر !!!
هو اه اللى حصل فى عربيتك مش انت كنت بتظبط الكربراتير و خرطوم العمة والبنزين ؟؟
عموما 3 - 4- 5 -6 سلندر لو فيه مشكلة فى بوجيه او بستم أو اى برجلة فى الموتور لازم يتهز ، والعكس صحيح فيه واحد صحبى معاه ماروتى 2010 كان مدور ومشغل التكييف وحنا واقفين جنب العربية ومش سامعين حسها مع تحياتى |
رد: اهتزاز الموتور ال 3 سليندر !!!
اقتباس:
هى الرعشة اللى عندى اما الار بى ام يقل عن 1000 اما لو زاد بقى1000 -1100 مثلا مش بحس بحاجة ف انا عايز اعرف علميا وعمليا برضو هل ال موتورال 3سلندر مابيبقاش stable على عدد اللفات القليلة زى ال 4 سلندر وعشان كدة كنت عايز اسئل اى حد معاة عربية 3 سلندر وياريت يكون ساق اربعة سلندر قبل كدة عشان يأكدلى بس هل معلومة ان الموتور ال 3 سلندربيبقى more vibrating and noise لدرجة انها تبقى محسوسة على السلانسية عشان انا خايف اقعد اغير بوجيهات وسلوك واغير قواعد واكشف على شكمان ويطلع فى الاخر ان دة طبيعة اى عربية 3 سلندر |
رد: اهتزاز الموتور ال 3 سليندر !!!
اقتباس:
فنغمة الحريق والإتزان الديناميكى للمحرك الأربعه سلندر أكثر نعومة وإتزانا من المحرك الثلاثه سلندر |
رد: اهتزاز الموتور ال 3 سليندر !!!
طيب هو لو فى عيب فى الكهرباء ممكن يسبب الاهتزاز دة !!!
اقصد يعنى اناحاسس ان المكنة صوتها عادى جدا مش متلتة مثلا . بس هل لو عايزة تقدم او تأخر الكهرباء ممكن تعمل الرجة دى على السلانسية ؟؟! |
رد: اهتزاز الموتور ال 3 سليندر !!!
اقتباس:
اقتباس:
تشيل كابل بوجيه والمكنه دايره ( كابل كابل طبعا ) فلو حسيت بنخعه أو رجه ومتشابه عند التعامل مع الثلاث كابلات إذا فلاتوجد مشكله كهربيه كبيره عندك بدورة الأشتعال اقتباس:
ويمكن تجربة التأخير والتقديم للشراره كالآتى 1- تعلم أولا وضع تركيب الأسبراتير الحالى ( بأى علامه على جسم الأسبراتير وعلامه تانيه على المكنه ) 2- تقدر سنه وتشوف الوضع الجديد 3- تأخر سنه وتشوف الوضع الجديد نفترض لقيت تجربة التقديم والتأخير زودت رعشة المكنه يبقى ترجع على العلام القديم هتلاقى نفسك رجعت كما كنت |
رد: اهتزاز الموتور ال 3 سليندر !!!
اقتباس:
وربنا يجعلة فى ميزان حسناتك يارب |
| الساعة الآن 11:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017