|
مشاكل في ميتسوبيشي مجنا 2004
معايا سيارة ميسوبيشي مجنا 2004
6 سلندر 3500 سي سي جير أتوماتيك المشاكل اللي فيها: أول ما أجيب غيار الجير على ال R العربية بتنتش (بتترج) جامد وهي وقفة - الموضوع ده بيقل لو مشيت بالعربية مدة لكن أول ما أقف لمدة نص ساعة مثلا يرجع تاني بعد ساعات وأنا ماشي لما أضغط على فرامل العربية تبطل كلها اللمبة بتاعة الدينامو معظم الوقت بتشتغل وتطفي حتى والعربية ماشية بتحصل معايا في الإشارات والمنحنيات سحب العربية في الطلعة الأولى مش مناسب لعربية 6 سلندر ياريت المساعدة منكم لأن أنا في قطر وموضوع الصيانة هنا صعب جدًا |
رد: مشاكل في ميتسوبيشي مجنا 2004
اقولك على حل بيعها وخلاص
ptmnlo123per145 ptmnlo123per145 استنى لانسر اهل الخبره وهو هيجيلك بالحل |
رد: مشاكل في ميتسوبيشي مجنا 2004
أرحب بيك اولا كعضو جديد معانا فى متدى مصر موتورز
بالنسبة للرجة اللى فى الفتيس أول حاجة حضرتك غيرتك زيت الفتيس إمتى؟ ثانيا لو حضرتك كشفت على لون الزيت و لقيته إسود و فيه رايش و مش نضيف يبقى حضرتك محتاج فتيس للعربية انا أسف على الصدمة دى بس ده الإحتمال رقم واحد من وصف حضرتك المفروض غن حضرتك تتوجه لأى مكان عنده جهاز تشخيص الاعطال و تشوف كنترول الفتيس مسجل أى اخطاء ممكن تكون ضوء أخضر لتحديد العيب الحقيقى أخر و أضعف إحتمال قواعد الفتيس و المحرك بص عليهم كويس وش وفهم بالنسبة للتبطيلة و عدم السحب مطلوب من حضرتك تنضف الThrottle body و الstepper motors و للتاكد بردو تكشف على كنترول المحرك و تشوف مسجل اخطاء أو لأ و تشوف قرايات الستيبر و محتاج يتظبط ولا لأ بالنسبة لموضوع الدينامو حضرتك قيس شحن الدينامو و لو قل عن 13.3 يبقى حضرتك محتاج كتاوت دينامو مبدئيا يا رب أكون جاوبت إجابة واضحة و إن شاء الله خير و نورت مصر موتورز |
رد: مشاكل في ميتسوبيشي مجنا 2004
اقتباس:
اسف واللهي يا نيسان اني نسيت اقوله نيسان كمان ابو الخبره كلها والباشمهندس في متسوبيشي |
رد: مشاكل في ميتسوبيشي مجنا 2004
الف شكر على المساعدة
وإن شاء الله هاروح أكشف عليها في التوكيل |
رد: مشاكل في ميتسوبيشي مجنا 2004
انا كشفت عليها في التوكيل وطلعت مشكلة ان سحب العربية مش كويس سببها الجير
الجير بيطلع على الثالث وما بينقلش وتصليحه في التوكيل ممكن يدخل في 15000 علشان كده قلت استعملها على كده مشكلة إن العربية بتبطل وبعد ساعات بتغيب في الدوارة دي مش عارف سببها إلى الأن ياريت الاستاذ نيسان يقول لي الأسماء التجارية بالعربي اللي انت ذكرتها بالانجليزي علشان لما أروح للميكانيكي أقول له |
رد: مشاكل في ميتسوبيشي مجنا 2004
الفنيين فى التوكيل عندنا بيسمو الثروتل بادى الفراشة و الحقيقة انا مستغرب من الإسم بس أدام فاهمهم و فهمنى يبقى مفيش مشكلة
و الإستيبر موتورز بيقولو عليه إستيبر مش بيغيرو إسمه الفتيس لما بيطلع على التالت بيكون فى حالة إسمها safe mode او حالة الأمان عشان تعرف تجرى بالعربية و فى نفس الوقت مش أخر سرعة و قصة ال15000 أكيد هيغيروا مجموعة او مجموعتين و ده نتيجة تأكل بعض أجزائها و الوقت مش فى صالحك عشان الرايش اللى هيطلع من المجاميع اللى بايظة هيبوظ مجاميع تانية و بالتوفيق إن شاء الله |
| الساعة الآن 10:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017