فريد شوقي.. فعلاً إدي العيش لخبازة
 

فرق كبير بين مهندس الميكانيكا و متخصص الكهرباء و الكنترول و ده فرق أنا حسيته لما قابلت المحترم فريد شوقي.. صحيح أنا لسه ماشفتش النتيجة لأن العربية لسه عنده من إمبارح لكن زي ما بيقولوا الجواب بيبان من عنوانه... راجل دوغري بيحسسك إن الدنيا مافيهاش مشكلة إلا و ليها حل و بيتكلم معاك بوضوح مابيسرحش بيك و مش بيسودها في وشك.
و حتى لما لفت نظرة إن الناس هنا بتتكلم عن إنه حريف لكن حراق شوية في الفلوس قاللي يا باشا ده أول تعامل لينا و هاتشوف إني باعلي السمعه مش الجيب... هانشوف.
عموماً ده الإنطباع الأول و إن شاء المولى هاضيف رد على الموضوع لما أشوف النتيجة. :30p[1]:

رد: فريد شوقي.. فعلاً إدي العيش لخبازة
 

بكل احترام له.
ان شاء الله كل شي الى الافضل

رد: فريد شوقي.. فعلاً إدي العيش لخبازة
 

مستنين تقول النتيجه بعد الاستخدام

رد: فريد شوقي.. فعلاً إدي العيش لخبازة
 

إن شاء الله لازم أبلغكوا بالنتيجة بس أنا متفائل خير

رد: فريد شوقي.. فعلاً إدي العيش لخبازة
 

النتيجه ومكانه فين يا باشا

رد: فريد شوقي.. فعلاً إدي العيش لخبازة
 

أولاً أنا باعتذر جداً عن التأخير في الرد لظروف السفر الطويل.. ثانياً أحب أقول إني مهما إتكلمت عن المحترف فريد شوقي مستحيل هاوفي حقه لأن الراجل ده قالي كلمة أول ما اشتغل في عربيتي و فعلاً عمل بيها.. قالي: شوف يا باشا أنا بيني و بينك ربنا
عم فريد هو بدون مبالغة نموذج لفني السيارات اللي بيفهم مش بيفتي و يحددلك التكلفة قبل ما يشتغل و بدون مبالغات.. بيصلح القطع القابلة للإصلاح مش بيغير و خلاص و فوق كدة دكتور في الكنترول و الكمبيوتر
فريد شوقي راجل محترم و حبوب جداً و لو حطك في الـ white list زي ما بيقول يبقى يا سعدك و هناك هتاخد أحلى شغل و قطع غيار for free و شغل عالي قوي

الكلام ده شهادة حق لراجل بجد أنا سعيد و محظوظ إني إتعاملت معاه و أتمنى نفضل حبايب حتى لو بعت عربيتي الستروين و ماحتجتلوش.

بالنسية للناس اللي بعتتلي على الخاص علشان العنوان.. هو ورا بنزينة كار جاز اللي أمام سور مستشفى الوفاء و الأمل في طريق سوق السيارات و رقم تليفونه: 01223236021

:01FDAB~189:

رد: فريد شوقي.. فعلاً إدي العيش لخبازة
 

رد: أخيرا مهندس بيفهم بجد فى كهرباء السيارات ومش بيفتى
أنا باشكر المنتدى انه خلاني عرفت أذاى اصلح عربيتا
أنا عندا عربية c5 اشتريتها من شهرين وكان السنتر مش شغال ورحت لكهربائ كنت بات عامل معاه من زمان من اول ما اشتريت العربية ال قبل دى أنا كان معايا أفيو المهم عم جاد لانه كهرباءئ محترم قالى للأسف أنا مش هالهم اشتغل فى العربية دى وديها التوكيل أحسن وفعلا تانى يوم ودينها التوكيل وكانت اول صدمة المهندس المحترم بعد 3ساعات قالى العربية بناتك محتاجة بي اس اي وها تتكلف 4700جنيه نكد عليا وفضلت أدور وروجت ل4 لا داعى لذكر اسمهم كلهم اجمعوا ان العربية محتاجة فعلا ذى ما قال التوكيل ودخلت كل المنتديات تقريبا ولاقيت ناس بتشكر فى واحد اسمه فريد شوقى ورحت وإدانة ميعاد بعد ساعتين لانه عنده شغل وروحت بعد ساعتين قولت لما أشوف أخرتها
وشوفوا المفاجئة دخل العربيه اقسم بالله وبعد 12 دقيقة قالى تامر بحاجة تانى قولته إيه مش ها تعملها قتلى بابتسامة ثقة وهو بيدوس على الريموت السنتر قفل وفتح وكمان اكتشفت ان العربية فيها وحدة رفع وشغل السنتر ال التوكيل كان عاوز يغير بي اس علشان كده الشهادة لله الراحل ده عبقرى بجد وال مش مصدره انه خد 100 جنيه بس
اشكر بجد المنتدى الجميل الى وفرلى وخالانى احب عربيتى انه عرفنى أسطورة فريد شوقى والله شهيد على ما اقول