مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   صنى SUNNY (https://www.masrmotors.com/vb/forumdisplay.php?f=205)
-   -   عاوز اشترى نيسان صنى 2012 (https://www.masrmotors.com/vb/showthread.php?t=76771)

eslam123 09-01-2012 10:43 PM
عاوز اشترى نيسان صنى 2012
 

السلام عليكم

انا الحقيقة كنت عاوز اشترى الصنى الشكل المتعودين عليه دايما
لكن لما شوفت الشكل الجديد فـ قررت بأذن الله اشتريها

لكن فيه ناس بتقول انها منزلتش و ناس بتقول ان هى هي صنى 2011 بس التاريخ مكتوب 2012

فأنا كنت عاوزها الشكل الجديد بتاعها

و حبيت استفسر

هى نزلت بالشكل الجديد مصر ؟
سعرها يبدأ من كام ؟
معارض بيعها فى القاهرة ؟
مميزاتها صنى 2012 ؟
عيوبها صنى 2012 ؟

memodina1 10-01-2012 12:37 AM
رد: عاوز اشترى نيسان صنى 2012
 
يا اخى نظرا لضيق وقتى واسف جدا لعدم الشرح بس صدقنى فكر مرة اخرى فى الصنى لانها عربية مش كويسة من نيسان بالذات الموديلات الجديدة من اول ما بدات تتقفل فى مصر اخى فالله لو سالت اى حد عليها هيقولك انها مش كويسة وهتندم فى يوم انك جبتها

jojojojojo 10-01-2012 05:55 AM
رد: عاوز اشترى نيسان صنى 2012
 
اقتباس:
المشاركة الأصلية كتبت بواسطة memodina1 (المشاركة 593138)
يا اخى نظرا لضيق وقتى واسف جدا لعدم الشرح بس صدقنى فكر مرة اخرى فى الصنى لانها عربية مش كويسة من نيسان بالذات الموديلات الجديدة من اول ما بدات تتقفل فى مصر اخى فالله لو سالت اى حد عليها هيقولك انها مش كويسة وهتندم فى يوم انك جبتها
مع احترامي لحضرتك انت بتحكم علي العربيه ازاي وهي مش معاك ولا جربتها نفسي في المصريين يبطلوا يفتوا في كل حاجه وهما مش عارفين حاجه طب محضرتك راكب فيرنا بتهيئالي تقفيل مصري بس تقفيل الصني غير عارف ليه حضرتك عشان ده تحت اشراف نيسان العالميه مش غبور تاني حاجه بقي احب ارد علي العضو اللي عايز يشتري اقله توكل ع الله ومش هتندم العربيه ممتازه جدا والدليل انتشارها والارتفاع في اسعارها يوم بعد يوم صدقني العربيه ممتازه توكل ع الله انا برضه كنت قلقان اقبل مشتري بس لما اشتريت منتدمش والله تاني حاجه خد نصحيتك من اللي يملكون العربيه ومجربينها صح والله الموفق

eslam123 10-01-2012 06:02 PM
رد: عاوز اشترى نيسان صنى 2012
 
طيب انا عاوزها الشكل الجديد مش بتاع 2011
و عاوز اعرف سعرها و اجيبها منين فى القاهرة

elmahdy29 10-01-2012 09:57 PM
رد: عاوز اشترى نيسان صنى 2012
 
اقتباس:
المشاركة الأصلية كتبت بواسطة eslam123 (المشاركة 593548)
طيب انا عاوزها الشكل الجديد مش بتاع 2011
و عاوز اعرف سعرها و اجيبها منين فى القاهرة
في البداية تحياتي للجميع
احب اقول بس الاول الصني المعدل بتاعها من 4 سنين كان التيدا ... بس في مصر استمر تجميع الصني كما هي... وبعدين التيدا نزل منها شكل جديد بره هو اللي انت قصدك عليه... وده لسه هاييجي مصر الفترة اللي جاية .... واسمها في اميركا فيرسا
لكن عايز اقولك ان الموجوده حاليا عربية كفاءه جدا بجد وتقفيلها ممتاز... ولو عايز هي هي بس تقفيل كوري افضل شويه مع تحسين في الشكل وخامات الصالون يبقى الرينو سكالا وبنفس السعر بالزبط... وده غريب ويقول ان سعرها لازم كان يكون اقل من كده لانها تجميع محلي
ارجو اكون افدتك ... سلامي للجميع:THE_PR~18:

elgdawy2007 12-01-2012 04:54 PM
رد: عاوز اشترى نيسان صنى 2012
 
اقتباس:
المشاركة الأصلية كتبت بواسطة jojojojojo (المشاركة 593249)
مع احترامي لحضرتك انت بتحكم علي العربيه ازاي وهي مش معاك ولا جربتها نفسي في المصريين يبطلوا يفتوا في كل حاجه وهما مش عارفين حاجه طب محضرتك راكب فيرنا بتهيئالي تقفيل مصري بس تقفيل الصني غير عارف ليه حضرتك عشان ده تحت اشراف نيسان العالميه مش غبور تاني حاجه بقي احب ارد علي العضو اللي عايز يشتري اقله توكل ع الله ومش هتندم العربيه ممتازه جدا والدليل انتشارها والارتفاع في اسعارها يوم بعد يوم صدقني العربيه ممتازه توكل ع الله انا برضه كنت قلقان اقبل مشتري بس لما اشتريت منتدمش والله تاني حاجه خد نصحيتك من اللي يملكون العربيه ومجربينها صح والله الموفق
الراجل ده بيتكلم صح مليون فى الميه النيسان سياره ممتازه جدا ومتجريش ورا الفيرنا عشان كلام الفيرنا واضح انه كلام شفوى يعتمد على الاقاويل والاشاعات لكن مش بناء على تجربه شخصيه فعليه اتمنى اكون افدتك

elgdawy2007 12-01-2012 04:58 PM
رد: عاوز اشترى نيسان صنى 2012
 
اقتباس:
المشاركة الأصلية كتبت بواسطة elmahdy29 (المشاركة 593658)
في البداية تحياتي للجميع
احب اقول بس الاول الصني المعدل بتاعها من 4 سنين كان التيدا ... بس في مصر استمر تجميع الصني كما هي... وبعدين التيدا نزل منها شكل جديد بره هو اللي انت قصدك عليه... وده لسه هاييجي مصر الفترة اللي جاية .... واسمها في اميركا فيرسا
لكن عايز اقولك ان الموجوده حاليا عربية كفاءه جدا بجد وتقفيلها ممتاز... ولو عايز هي هي بس تقفيل كوري افضل شويه مع تحسين في الشكل وخامات الصالون يبقى الرينو سكالا وبنفس السعر بالزبط... وده غريب ويقول ان سعرها لازم كان يكون اقل من كده لانها تجميع محلي
ارجو اكون افدتك ... سلامي للجميع:THE_PR~18:
الاسكالا ممتازه زى الصنى برضه بس قطع غيارها نارررررررررر خد بالك من النقطه دى اوى لكن الصنى لو ضاقت بيك اوى ممكن تجيب قطع غيار استعمال وده مع الاسف مش موجود فى سكالا خالص عليك بقى وعلى التوكيل
ثانيا والاهم الاسكالا اعاده سعر بيعها فى الارض اللوجان ماسكه سعر حلو لكن السانديروا لسه شويه عشان تمسك فيها سعر اما الاسكالا فشلت ومش حتمسك فيها سعر لكن هى كسياره ممتازه زى الصنى بالظبط عشان كده من الاخر برشحلك صنى وعن جداره


الساعة الآن 09:01 PM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017