مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   بيجو PEUGEOT (https://www.masrmotors.com/vb/forumdisplay.php?f=17)
-   -   العربيه مبقتش ثابته على الطريق (https://www.masrmotors.com/vb/showthread.php?t=76703)

ahmed_zamalek7 09-01-2012 02:17 AM
العربيه مبقتش ثابته على الطريق
 
انا عندى عربيه بيجو 307sw مو 2007 المهم بقالى فتره كده لما اسافر واعدى ال 120 كده احس العربيه مش ثابته خالص رغم انى عملها ترصيص الدريكسيون بيجى يمين وشمال بيتهز لكن مش قوى بس العربيه مش ثابته مش زى الاول خالص ياترى ده عيب ايه ؟

Abo-Islam 09-01-2012 02:42 AM
رد: العربيه مبقتش ثابته على الطريق
 
اقتباس:
المشاركة الأصلية كتبت بواسطة ahmed_zamalek7 (المشاركة 592521)
انا عندى عربيه بيجو 307sw مو 2007 المهم بقالى فتره كده لما اسافر واعدى ال 120 كده احس العربيه مش ثابته خالص رغم انى عملها ترصيص الدريكسيون بيجى يمين وشمال بيتهز لكن مش قوى بس العربيه مش ثابته مش زى الاول خالص ياترى ده عيب ايه ؟
أنا عانيت من نفس المشكلة في عربيتي و بعد عذاب روحت مركز محترم من فروع بريدجستون و عملت ترصيص و ظبط زوايا تاني و تربيط كامل للعفشة و كمان إتضح أنه كان فيه عندي جنط "معووج" فقمت بإستعدالة في الحرفيين و بعدها بقيت بمشي 200 و 220 و ما شاء الله العربيه ثابته جدا و خصوصا في الملفات.
أتمنى أكون أفدتك..............

ahmed_zamalek7 09-01-2012 02:51 AM
رد: العربيه مبقتش ثابته على الطريق
 
اقتباس:
المشاركة الأصلية كتبت بواسطة lonely_2409 (المشاركة 592534)
أنا عانيت من نفس المشكلة في عربيتي و بعد عذاب روحت مركز محترم من فروع بريدجستون و عملت ترصيص و ظبط زوايا تاني و تربيط كامل للعفشة و كمان إتضح أنه كان فيه عندي جنط "معووج" فقمت بإستعدالة في الحرفيين و بعدها بقيت بمشي 200 و 220 و ما شاء الله العربيه ثابته جدا و خصوصا في الملفات.
أتمنى أكون أفدتك..............
شكرا لحضرتك بس فين الفرع ده كمان انا عامل ترصيص فى الحرفيين ده عمله بكميوتر وحاجه حديثه مش النظام القديم بس بردو غير موضوع الثبات لسه بترمى شمال بردو لمت روحت قالى فىكاوتش متاخر عن كاوتش وظبطه وعدله

فادى 09-01-2012 02:57 AM
رد: العربيه مبقتش ثابته على الطريق
 
بص اولا على الكاوتش هو بقاله اد ايه؟ ممكن يبقى فيه عالى و واطى, عموما لو الكاوتش عدى ال50 الف يفضل تغيره, على الاقل العجلتين اللى قدام.
السؤال التانى, هل عملت حادثة قريبا؟ خاصة لو حادثة من قدام, ممكن برضو تكون العربية محتاجة زرجينة.

ahmed_zamalek7 09-01-2012 03:06 AM
رد: العربيه مبقتش ثابته على الطريق
 
لاء انا شريها مستعمله هى دلوقتى عامله 51 الف كيلو العربيه انا اعلى سرعه جبتها بيها 150 وكانت زى الفل لكن الموضوع ده بقاله فتره صغيره معايا ومعملتش بيها حادثه قبل كده ربنا سترها الحمد الله بس بعد معملت الترصيص والزوايا بتحدف شمال بردو ده غير موضوع عدم الثبات الجديد ده يعنى قريبى كان جمبى انهرده بيقلى العربيه مش ثابته على الطريق وانا كنت جايب 110

m.dardir 09-01-2012 03:27 AM
رد: العربيه مبقتش ثابته على الطريق
 
طب إنت غيرت الجنوط ولا إيه اللى عملته بالضبط

ahmed_zamalek7 09-01-2012 04:36 PM
رد: العربيه مبقتش ثابته على الطريق
 
لا جنوطها الاصليه بتاعت البيجو انا من ساعه مجبتها معملتش حاجه غير انى غير بوجيهات وفلاتر وتيل فرامل بس وروحت مره الحرفيين اظبط زوايا وعملت ترصيص وقالى العجل القدام فيه عجله متاخره عن عجله وظبها وعمل ترصيص بس بردو الدريكسيون فى البطيئ بتهز بردو شويه والعربيه بتحدف شمال لكن مع السرعه الدريكسيون عادى بعد الترصيص لكن بقيت مش ثابته على الطريق يعنى 110وى 120 احس انها مش ثابته وعلى فكره انا مربط عفشه من قريب عند احمد العسكرى فى الحرفيين وانا بغير الفلاتر


الساعة الآن 08:48 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017