عايز أظبط الصوت
 

السلام عليكم ورحمة الله...

* عندي عربيه النترا 2011 وشيلت الكاسيت الأصلي وركبت دي في دي ‘اللي بينزل مع الكورولا " صيني طبعا" .

* مش مركب أي سمعات غير سماعتها الأصليه.

المشكله اللي عايز أحلها هي:

* الإكولايزر إللي في الكاسيت مش حلو فيا إما بيضخم الصوت زياده عن اللزوم يا إما كأني سامع نجوم إف إم وخصوصا في الصوت الواطي لأني مش بحب الصوت العالى في الكاسيت

* خايف أركب سماعات خلفيه لأني هضطر أخرم في الصاج و أغير الرف الخلفى و أفك الفبر بتاع القوايم و أنا عندي تاريخ مؤلم الحقيقه مع المواضيع دي في عربيتي السابقه

ناس إقتراحت عليا أركب جي إم 150 على سماعات العربيه الأصليه من غير ما أركب حاجه تانيه وآخرون إقترحوا جي إم 350 w .. و ناس تانيه قالت الصوت مش هيتظبط إلا لم تركب سماعات خمسميات بايونير خلفيه.

وأخوكم فكرته عن الحواديت دي زي فكرتي بوكالة ناسا بالظبط. .. فإنتم رأيكم أعمل أيه علشان آخد صوت مفصل على الواطي زي العالي؟؟

رد: عايز أظبط الصوت
 

:30p[1]: هو ليه مفيش رد بعد 21 مشاهده؟؟

رد: عايز أظبط الصوت
 

,واضح ان الموضوع صعب بعد 69 مشاهده ومفيش رد؟؟؟

رد: عايز أظبط الصوت
 

الموضوع ولا صعب ولا حاجة بس للاسف دى امكانيات الجهاز اللى انت جايبه ومش هايظبط معاك الا بسماعات بايونير 400 او كينوود 500 ولازمهم جى ام فى اكتر من cross over

رد: عايز أظبط الصوت
 

شكرا لإهتمامك بالرد.. أنا ركبت أمبارح تويترات بايونير وزبطوا الأداء إلى حد بعيد لأن سماعات العربيه مكنش مديا أي إيحاء بإن في تجسيم للصوت أو تفصيل مجرد صوت فوكال طالع فقط والصوت دلوقتى بقى زي الصوت إللي بنسمعه في السيراتو بالظبط .. البيز مش قوى لكنه معقول و أنا مكتفي بكده على إعتبار إني مش عايز أخرم و أركب رف خلفي عليه سماعات رغم إني متفق معاك تماما إن لو في بايونير 500w ورا الصوت هيبقى أفضل و أفضل بس الحمد لله على كده..

مره تانيه أشكرك أخي الكريم لردك و إهتمامك

رد: عايز أظبط الصوت
 

اعمل زى ما انا عملت يا نجم
1- صب كومبيوتر نوع جيد جدا هتلاقيى سعره موش اقل من 350 جنية ولازم يكون فيه يو اس بى وريموت
2- جهاز انفرتر او لو حضرتك بتفهم فى الالكترونيات فك الصب واللغى الفيشة بتاع المحول 12v
وساعتها موش هتحتاج انفرتر
3- فلاشة او ميمورى كارت عليها اللى انت عاوز تسمعة

الصب هتخليه تحت الرف وهتاخد وصلة من كهرباء العربية للانفرتر ده لو موش عاوز تعمل تعديل للصب وتخليه يشتغل على ال12 v علطول
انا خت الكهرباء عندى من لمبة نور الشنطة وفصلتها وفصلت الزر اللى بيشغلها وخليتها مباشرة
وعندى الصوت زى الفل واجمد من 20 جى ام ومن غير ما اخرم فى اى مكان فى العربية

---------
واخيرا الريموت يبق معاك بتاع الصب وشغل واطفى من الريموت
***
تعريف الانفرتر هو جهاز بيحول من بطارية العربية ل220 v وتقدر تشغل بيه فيشه الصب او اى فيشه اخرى

رد: عايز أظبط الصوت
 

شغل عالي يا ايساف.. الله ينور بجد