|
تجربتي الشخصية مع بيرسونا 2012
]ياجماعه الحمد لله استلمت البيرسونا 2012 والحمد لله العربية ممتازة اكتر مما تخيلت شخصيا المواد الداخلية رائعة التقفيل جيد جدا الاداء اكتر من رائع استهلاك البنزينن مع حمولة 4 اشخاص علي سرعة 110 كم وعدد اللفات 2400 لفة في الدقيقة 5,4 لتر لكل 100 كم ارتفاع السيارة كان قلقني بعض الشئ لاحظت شئ في تصميم السيارة انها مرتفعه نسبيا من الخلف ومنخفضة من الامام كل المطبات مهما كانت اخدتها مستقيم مع الحمولة والحمد لله ولا مرة حكت او حسيت معاها باي مشكلة مع ان كان قدامي كروز وسيراتو كانوا بياخدوا المطبات بزوايا باختصار شديد اختيار موفق الحمد لله ومعاملة التوكيل في صيانة الالف كانت اكثر من رائعة كنت مع المهندس مصطفى صلاح ربنا يبارك له وكنت شايف السيارة وهي بيتعمل لها الصيانة لدرجة ان بعد الصيانة وبعد ما العربية اتغسلت الزجاج الامامي كان مجير فقولت امسحة وشافني حد من التوكيل واضح انه مدير هناك مش عاوز اقولكم عمل مشكلة كبيرة جدا رغم محاولة ضغطي علية لعدم عمل مشكلة للعامل لدرجة اني قولتله ان انا اللي موسوس ولكن بشكل عام حاسس اني واخد خدمات بالفلوس اللي دفعتها وكذلك قيمة السيارة حاسس اني واخد سلعة قيمتها فيها الحمد لله
|
رد: تجربتي الشخصية مع بيرسونا 2012
ربنا يكرمك ويعطيك خيرها ويكفيك شرها
وانا ركبت الجين تو اخت البيرسونا الصغيرة وبصراحة سيارة جميلة اوى بس كان ف شكوى كتير من استهلاك البنزين وكان الرد ان نوع المواتير اللى ف البروتون دة استهلاكها بس كحالة عامة هى سيارة جميلة جدااااااااااااااا تحيااااتى |
رد: تجربتي الشخصية مع بيرسونا 2012
فعلاً اختيار موفق وقيمة ممتازة مقابل سعر معقول ،،، ربنا يباركلك فيها ويهبك خيرها ويكفيك شرها
تسلم ايدك على التقرير وفى انتظار المزيد :018A1D~146: |
رد: تجربتي الشخصية مع بيرسونا 2012
الف مبروك يا باشا انا كمان المفروض استلم اخر السبوع ده ومنتظر بفارغ الصبر بس ليا سؤال عند حضرتك عملت صيانة الألف فين واتكلفت كام
|
رد: تجربتي الشخصية مع بيرسونا 2012
الف مبروك و ربنا يكرمك ويعطيك خيرها ويكفيك شرها
|
رد: تجربتي الشخصية مع بيرسونا 2012
عزيزى/ mohammad_rady
ألف ألف مبروك .... ويا رب يعطيك خيرها ... ويكفيك شرها ... قادر يا كريم تهانينا القلبية وممكن كدة كام سؤال على السريع : (1) هل سيارتك أتوماتيك أم مانيوال ؟ (2) هل صحيح تم تطعيم إطار الدركسيون وعصا الفتيس وعصا فرامل اليد بالجلد ؟ مع خالص دعائى للجميع بالصحة والسعادة عزيزى/ hesham1978m عند إستلامى لنفس موديل السيارة الأسبوع الماضى (بروتون / بيرسونا / اتوماتيك) أخبرنى المسئول عن التسليم بأن صيانة الألف كيلو ستتم فى فى مركة الخدمة والصيانة الرئيسية فى الكيلو 28 طريق مصر/الإسكندرية الصجراوى أما أماكن خدمات ما بعد الألف كيلو ستتم فى أقرب مركز خدمة يناسبك وفى الحقيقة الواحد متخوف من الطريق إلى مركز الخدمة الرئيسى ... (ربنا يقضى اليوم ده على خير للجميع) مع أطيب تمنياتى القلبية للجميع بالصحة والسعادة ،،،،، Zazoksh - Cairo, EGYPT |
رد: تجربتي الشخصية مع بيرسونا 2012
بالنسبة للصيانة انا حجزت يوم الاربعاء بالتليفون وادوني ميعاد يوم الاحد الساعة 10 صباحا كنت هناك في ابورواش الساعة 9:30 استلموا العربية مني وادوني ميعاد الساعة الواحدة والنصف ظهرا لاقيت هناك كارفور قريب روحت هناك الوقت مر سريعا بالنسبة للحاجات اللي اتغيرت كانت الزيت والفلتر الزيت توتال انا طلبت منهم انه يكون 10 الاف مش 5 الاف لان كل تحركاتي على الطرق السريعة ولا اسكن في القاهرة حاليا فوافق ولذلك تغير سعر الصيانة سعر الزيت 266 ج + فلتر 35 ج +علبة سبراي له خاصية الشحم لاني كنت اسمع صوت احتكاك بين الزجاج الامامي يمين والكاوتش فحطوا منه وسابولي الباقي وقالولي انه يصلح لتشحيم الابواب والشنطة وكده سعرها كان 23 ج وبالنسبة للمصنعية يالنسبة للالف الصيانة مجانية للمصنعيات ولل10 الاف قالي هاتتكلف تقريبا 550 جنية والسيارة اوتوماتيك وبالفعل عصا الفتيس فيها جلد وده انا فوجئت بيه لمل شلت الكيس اللي كان عليها بعد فترة من الاستلام بالنسبة للطريق اكتر من رائع مافيش مشكله بس للاسف وانا راجع اخدت طوبة كده عملت نقرة بسيطة اسفل يمين الزجاج الامامي واتعملت عند حد بتاع زجاج وتقريبا اختفت ودده نصيب كان ممكن الزجاج كله يتكسر وانا راكن تحت العمارة وسبب عمل الصيانه هناك انك لو عندك اي ملاحظات على تقفيل السيارة هناك بيخلصوها وانت واقف
|
| الساعة الآن 03:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017