مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ﻻنوس (دايو - شيفروليه) (https://www.masrmotors.com/vb/forumdisplay.php?f=153)
-   -   مشكلة فى الفتيس المانوال للشيفورليه اللانوس 2011 (https://www.masrmotors.com/vb/showthread.php?t=74731)

moby1985 22-12-2011 01:11 AM
مشكلة فى الفتيس المانوال للشيفورليه اللانوس 2011
 
أنا معايا شيفورليه لانوس 2011 بقالى سنة و من فترة إبتدى الفتيس يطلع صوت زنة كأنك ماسك سوستة معدن و عمال تهزها و الكلام ده بيحصل على السرعات التانى و الرابع بس يعنى لما الفتيس بيكون لتحت و لما بضغط على الفتيس أو العصاية الصوت بيروح حبة و الصوت ده مش دايما موجود يعنى ساعات يظهر و ساعات لأ وأنا وديتها التوكيل بس لما الراجل جه يجرب الصوت مطلعشى للأسف بس هو أوقات و أوقات عايز أعرف فيه إيه؟

محمود زيزوو 23-12-2011 10:06 PM
رد: مشكلة فى الفتيس المانوال للشيفورليه اللانوس 2011
 
اولا ممكن تتاكد من زيت الفتيس شوفو ممكن يكون ناقص ثانيا ممكن تكون عقربة اللى فى العلبة تكون عايزة تتشحم او تتثبت

fadyeb21 24-12-2011 02:08 PM
رد: مشكلة فى الفتيس المانوال للشيفورليه اللانوس 2011
 
انا فعلا معايا نفس الموديل 2011 وبقالها معايا 6 شهور وكنت لسة هبعت الى خبراء المنتدى لحل هذه المشكله بالرغم من فكى لكونسول الفتيس فلم اجد اى شى بداخل الكونسول مفكوك ولكن الصوت يعصب فعلا ارجو من الخبراء الرد بالتفصيل وياريت مع الصور ان امكن

محمود زيزوو 24-12-2011 08:13 PM
رد: مشكلة فى الفتيس المانوال للشيفورليه اللانوس 2011
 
طيب شوف كدة منسوب زيت الفتيس لو مش زيت الفتيس ولا القنصولة يبقى مفيش الا حل واحد بس غرابة الغيارات لان الموضوع دة حصل معاية قبل كدة وعمالت كل القصص دى بس انا بقولك كدة الاول علشان ممكن تتحل بدون تغيير الغرابة روح لميكانيكى كويس يبص عاليها يشوفها مبوشة وللا وربنا معاك

mandoo_1 25-12-2011 10:57 PM
رد: مشكلة فى الفتيس المانوال للشيفورليه اللانوس 2011
 
انا عندى نفس المشكله والصوت ده بالأخص مع الغيار التاني والرابع ارجو الحل :thnkr:

mero100 27-12-2011 01:43 AM
رد: مشكلة فى الفتيس المانوال للشيفورليه اللانوس 2011
 
نفس المشكله عندي ....لانوس 2011 بقالها سنه 16000 كم
كمان ظهر عندي اليومين دول رعشه في الطلعه علي الاول
و كمان لما اكون قافل الازاز ببقي سامع صوت زنه كدة من ناحيتي وانا سايق و لما بدوس دبرياج والعربيه واقفه الصوت بيروح .
و لما اكون ماشي علي سرعه بين 20 و 40 كم في شارع هادي و جانبي عربيات شمال و يمين بسمع صوت نحره خفيفه جايه من شمالي تحت و انا سايق
محتار

hazem_khidr 27-12-2011 04:26 AM
رد: مشكلة فى الفتيس المانوال للشيفورليه اللانوس 2011
 
طب قبل ما ندخل في الميكانيكا
ممكن نبص الاول علي الشكمان و نتأككد انه مربوط كويس ومافيش فيه اي اهتزاز
بعد كده نبدأ نفكر في الفتيس نفسه
اقتباس:
سامع صوت زنه كدة من ناحيتي وانا سايق و لما بدوس دبرياج والعربيه واقفه الصوت بيروح
طالما الصوت بيروح و يجي مع دوس الدبرياج يبقي دا بليه دبرياج


الساعة الآن 12:57 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017