ونة فى فتيس A516
 

فى الاول السلام عليكم يا احلى اعضاء
انا عندى مشكلة لسة ظاهرة النهاردة الصبح وانى بسمع صوت ونة فى الفتيس والونة دة صوتها بيعلى مع السرعة وبيروح لما اهدى فا مش عارف دا اية بالظبط من الفتيس فى ناس قالولى دى كارونة الفتيس وناس قالولى ممكن تكون بلى الفتيس فا مش عارف بصراحة

ولو حد يعرف الكارونة دى عبارة عن اية ياريت يقولى عشان انا اول مرة اسمع عنها وبكام كمان ياريت
وشكرا

رد: ونة فى فتيس A516
 

اولا بس عايزين نعرف الاتى:
بتسمع الونه على الغيار رقم كام ؟ايه ياترى
امتى اخر مره غيرت زيت الفتيس؟ايه ياترى


وان شاء الله نقولك الحل:lvly:

رد: ونة فى فتيس A516
 

رد: ونة فى فتيس A516
 

شكرا جد لاهتمامكوا يا osa92003 و mr_astra
هو الصوت موجود حتى وانا مممور العربية يعنى اجيب 100 ولا حاجة وامور ساعتها اقدر اسمع الونة وتعد توطا لغاية لما العربية تقف
الزيت انا غيرتة الميكانيكى قالى حط زيت التعاون 140 عشان تقيل ودى كانت اول مرة اغير فيها الزيت وفى واحد تانى لا لو فى ونة حط زيت 90 موبيل هيقللك الونة اوى
فا اية رايكوا

رد: ونة فى فتيس A516
 

بص حضرتك ده رائ منقول من مهندس ميكانيكا سيارات واعتقد ان هى دى المشكله اللى عندك الونه تكون مشكله لما تحس بيها وانتى بتجرى مش لما تمور:

طبيعى يا فندم وفى كل العربيات وكل الموديلات
مش الاسبيرانزا فقط !!
ودة صوت تروس الفتيس لما يكون اللى بيدورها الاطارات مش العكس بمعنى !!!
ان لما بنكون بندوس بنزين وبمنشى العربية تروس القائد اللى هى واصلة على عمود اللى واصل بالاسطوانة والديسك هوا اللى بيزق تروس المنقاد اللى عى على عمود اللى واصل للكبالن وفى الحالة دى مش بنسمع صوت ونة !

انما لما بنشيل قدمنا من على البنزين !! بيحصل العكس ! الكبالن اللى هى واصلة بالاطارات هى اللى بتحرك عمود المنقاد-واللى بيصبح قائد- وبدورها هى اللى بتزق التروس اللى على عمود اللى واصل للدبرياج وتحاول تحرك المحرك فا المحرك يفرملها !!

ودى اسمها فرملة المحرك وصوتها طبيعى جدا

انما لما الصوت دة يزيد عن حدة لازم نكشف على زيت الفتيس منسوبة ودرجة لزوجتة !

وكمان مع العمر الطويل نكشف على تروس الفتيس نفسة لو اصبح الصوت عالى جدا ومزعج لان ممكن يكون صادر بسبب المسافة الكبيرة بين الاسنان واللى سببها التآكل !!

بس كدة


ونصيحه اوعى تغير زيت الفتيس الى 140 ده مشكله كبيره وهيبوظ الفتيس خليك فى النوه المنصوص عليه فى الكتالوج
ROSE4UROSE4U

رد: ونة فى فتيس A516
 

شكرا للاهتمام يا osa92003
خلاص انا فى الاول برضوا احط زيت موبيل 90 واشوف وربنا يسهل وهاقولك اية اللى حصل ان شاء الله

رد: ونة فى فتيس A516
 

انا حطيط زيت موبيل وبرضو الونة زى ما هي الواحد كدة شكله هيفتح ويتوكل على الله