مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   A 516 (https://www.masrmotors.com/vb/forumdisplay.php?f=187)
-   -   هشترى اسبيرانزا A516 وعايز رايكم اكشف عليها ازاى قبل الشراء؟؟؟ (https://www.masrmotors.com/vb/showthread.php?t=74415)

elessawi 19-12-2011 11:44 AM
هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
ان شاء الله هشترى اسبيرانزا موديل 2008 عامله 42000 ج يا ريت لو حد عنده تعليق على السعر او على العربيه يقولى وربنا يستر:3_8_14:
يا ريت لو حد يعرف اكشف على العربيه ازاى او فين قبل ما اشتريها ..... !

man22 19-12-2011 12:45 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
42000 دا سعرها كاش ولا قسط . فى واحد صاحبى لسة شارى واحده 2008 نبيتى . حالتها زى الفل ولا رشة ولا فيها اى خدش . دفع 20000 ومبقى 15000 . خلى بالك الصينى مبتعرفش تبيع ولا تشترى فيه . سعره بيموت . والعربية كدا سعرها غالى عليك . سعرها عند كذا ميكانيكى وفرجها لناس كتير . وربنا يوفقك

mr_astra 19-12-2011 12:47 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
موديل 2008 وبـ 35 الف وكمان على دفعتين ..............غريبة
اعتقد انها اغلى من كدة شوية العربيات اللى عاملة 80 الف كيلو بيطلبو من 40 الى 45

man22 19-12-2011 12:54 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
اقتباس:
المشاركة الأصلية كتبت بواسطة mr_astra (المشاركة 575724)
موديل 2008 وبـ 35 الف وكمان على دفعتين ..............غريبة
اعتقد انها اغلى من كدة شوية العربيات اللى عاملة 80 الف كيلو بيطلبو من 40 الى 45
والله يااخى الكلام دا قدامى وفى حضورى والعربية زى الفل . وسيبك من كلام الناس والتجار العربية الصينى مدام اشتريتها يبقى نزل سعرها النصف . والله خلصناها سعرها النهائى 35 الف ودفعتين . 15000 الباقى كل شهر 1000ج . وانا حبيت اقول رأى واذكر التجربة دى هنا علشان الناس تعرف كلها ان العربيات الصينى زى الزفت عند بيعها ياعنى بتخسر فيها جامد جدا .

elessawi 19-12-2011 01:22 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
طب لو سمحت يا مان دا جيبها منين ب 35000 الف قسط كمان يا ريت تعرفنى اشترها منين وازاى علشان اجيب انا معاه بقى احسن وابقى راجع كده 35000 ولا 45000 قبل ما اتدبس :23_10_13:

man22 19-12-2011 03:44 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
اقتباس:
المشاركة الأصلية كتبت بواسطة elessawi (المشاركة 575735)
طب لو سمحت يا مان دا جيبها منين ب 35000 الف قسط كمان يا ريت تعرفنى اشترها منين وازاى علشان اجيب انا معاه بقى احسن وابقى راجع كده 35000 ولا 45000 قبل ما اتدبس :23_10_13:
ياعنى انا بقولك كدا علشان تسيب العربية انا قصدى من كلامى دا انك تفرج العربية لكذا واحد واعرف سعرها الاساسى . وخلى بالك ان الصينى كدا سيبك من اى سعر يتقال قدامك . بالنسبة للعربية دى الى صاحبى اشتراها كانت بتاع واحد عندنا من البلد ياعنى هو اشتراها منه مباشرة دون تدخل اى تاجر او معرض فى بيعها . الله اعلم بظروف البائع بس هو كان عارضها 35000 الف ووافق على التقسيط زى ما وضحت سابقا . بالتوفيق

osa92003 19-12-2011 07:39 PM
رد: هشترى اسبيرانزا A516 وعايز رايكم اكشف عليها ازاى قبل الشراء؟؟؟
 
اقتباس:
المشاركة الأصلية كتبت بواسطة man22 (المشاركة 575823)
ياعنى انا بقولك كدا علشان تسيب العربية انا قصدى من كلامى دا انك تفرج العربية لكذا واحد واعرف سعرها الاساسى . وخلى بالك ان الصينى كدا سيبك من اى سعر يتقال قدامك . بالنسبة للعربية دى الى صاحبى اشتراها كانت بتاع واحد عندنا من البلد ياعنى هو اشتراها منه مباشرة دون تدخل اى تاجر او معرض فى بيعها . الله اعلم بظروف البائع بس هو كان عارضها 35000 الف ووافق على التقسيط زى ما وضحت سابقا . بالتوفيق

سعر غير واقعى اطلاق:bb127bc6eab060e3e23 :bb127bc6eab060e3e23ا والسعر بيتوقف فى النهايه على العربيه حالتها ايه ومش سعادتك اللى تقول انها زى الفل وخلاص فى عربيات بتكون مقلوبه وانتهت تماما وفى عربيات بتكون مؤجره لشركات قلبت عداد والموتور انتهى نصيحتى للاستاذ اللى عايز يشترى متصدقش اللى يقول العربيه سعرها بينزل والكلام اللى مجرد سمع وبس :fun_36_1_26[1]::fun_36_1_26[1]:ولازم تقارن بين السعر الاصلى وسعر البيع العربيات الثانيه
يعنى سعادتك دلوقت الكيا سيراتو موديل 2009 بتباع ب 90 الف سعرها الاصلى الف120
الفيرنا موديل 2008 و2009 بتعمل 55 الف واقل سعرها الاصلى الف77
يعنى المعدل الطبيعى لاى عربيه موديل 3 سنين فاتو نزول 20 الف عن السعر الاصلى

نصيحتى ليك تروح مركز خدمه متخصص فى الاسبرنزا وهو المتحده فى الطريق الدائرى ناحيه المريوطيه يشوف لك حاله العربيه صح



الساعة الآن 01:29 PM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017