مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
انا معايا صنى إى اكس اتوماتيك ABS + AirBag موديل 2011 و عامله دلوقتى 9134 كيلو و انا بسافر كتير ومن هواة الجرى الاّمن .. و فوجئت فى احدى المرات و انا على طريق اسكندريه الساحلى الدولى انى لما بحاول اجرى العربيه بتجيب ال 160 على ااااخر الثالث و بعدين يقوم جايب رابع و الار بى ام يثبت على 4 و السرعه مبتزيدش حتى وانت دايس او لو عملت كيك هينزل ثالث يجيب اخره و بعدين برده ينقل رابع و يقف الار بى ام على 4 و السرعه لا تزيد ابدا عن 160 .. فقلت يمكن البنزين او الزيت لغاية اما عملتها اكتر من مره مع غيار الزيت من شل 5000 الى موبيل 5000 و برده مع اختلاف الموقف ( يعنى سواء كنت بحرقلها او كنت بجرى مستريح على طريق مفتوح زى الدولى) اخرها 160 :((
فكلمت توكيل السبع و وصلتنى بمهندس مسئول و حكيتله الموقف .. فرد بمنتهى الثقة و التاكيد ( انه ده شئ طبيعي لان صنى 2010 و 2011 الاوتوماتيك Gear Box factory locked 160 KM/S بينما الموديل 2009 يجيب لغاية 200 كيلومتر :sd: واااااااسفاااااااااه 118 حصان و مقفولة على 160 كيلو .. اللى يزعل انى كنت بجيب 180 بلانوس مانيوال 2004 و كان نفسى احس ال 200 فى الصنى .. بس مليش نصيب ولكن "عسى ان تكرهوا شيئا ... " |
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
هيه تغيظ بس اكيد ليهم وجه نظر من كدة, يمكن مثلا عشان يحافظ على الفتيس.:thnkr: |
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
فيه حاجه اسمها شريحه قفل مكنه دي ممكن تروح تشيلها او بتكسرها بس مش عارف طريقه كسرها و هات بالعربيه 220 دي شريحه امان معموله عشان لو سرحت و انت ماشي بالعربيه
ودي نازله في كل العربيات وديما اللي بيعرفها اول مالك للعربيه |
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
غريبة فعلاً الواحد بيشوف لوك على 200 او اكتر كمان لكن لوك على 160 ديه بايخة اوى
|
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
على فكره انا معايا واحد صاحبى معاه صنى اى اكس اوتو وجاب بيها لحد 180 كم / س وبيقول انه عادى جدا وهى بردوه موديل 2011 وبيقول انه كان لسه فيها تانى .
هو كان شاريها فى اخر 2010 وكان ترخيصها 2011 |
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
غريبة أوى الحكاية دى
:shyy::shyy: |
رد: مفاجأة فظيعة .. السرعة القصوى لصنى 2011 اوتوماتيك مقفوله 160 كم بس :((
طيب حاول تكلم مهندس تانى فى توكيل تانى وشوف الرد ايه؟؟؟ |
الساعة الآن 08:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017