|
الموتور مش بيشتغل بسرعة ...!
السلام عليكم علي احلي ماروتية ف مصر......!
والله يا معلمين بقالي كام يوم كدة العربية مش بتدور بسرعة الصبح...يعني بتاخد كام تكة لما المارش يلقط....وطبعا بما اني واحد بيحب يدلع ال(جراند ماروتي)..علي طول توقعت ان المارش بيودع ... وكمان بحس ان العربية مكتومة شوية... معرفش في حاجة كدة ولا انا بشتغل نفسي....! ورحت للسيد الكهربائي وبعد ما حط جهاز كدة علي البطارية قالي :لا يابيه..دي بطارية ...! ورحت لواحد تاني قالي: اطفي العربية وشغل كل الكماليات...سابها شوية ولما جه يدور العربية اخدت وقت .. قال الكهربائي ان دي بطارية.. السؤال بقي يامعلمين..:اجيب اي نوع من البطاريات؟ وطبعا انا عايز ارخص ارخص ارخص وافضل افضل حاجة عشان احنا علي أخر السنة والعملية جاز.... مهو شغل موظفين بقي.....! اه صح والنبي ...لو ينفع يعني مكان يكون بيشحن البطارية عشان أأخر موضوع الشراء ده شهرين تلاتة يمكن الدنيا تتظبط شوية..مع اعلم انها بطارية جافة.... شكراFLASHCar |
رد: الموتور مش بيشتغل بسرعة ...!
لو المارش بيدور عادى بس العربية بتغيب فى الدوارة الصبح بس مش فى كل الأوقات
يبقى طرمبة البنزين ممكن ضعفت ولازم تتغير لأن دة مؤشر على انها سوف تقطع مرة واحدة ولكن لو المارش بيغيب فى الدوارة يبقى اما بطارية او عيب فى المارش فية حاجة وشكرا |
رد: الموتور مش بيشتغل بسرعة ...!
انا عارف بس مش هاؤلك
|
رد: الموتور مش بيشتغل بسرعة ...!
حلوة يا mr astra ملعوبة بس لو عارف معلش قوله علشان عم محمود ده بتعنا برضة و حبيبنا
مساء الفل :CONGRA~238: |
رد: الموتور مش بيشتغل بسرعة ...!
اقتباس:
شوف بقي العرض ده وعشان بحب دايما اتبسط وابسط اللي حواليا...قهوتك وشيشتك عندي ياعم استرا قول بقي الحوار ده مكلف ولا ايه...احسن الجمعيات مطلعة تييت تييت تييت أمي...! |
رد: الموتور مش بيشتغل بسرعة ...!
اقتباس:
اه والنبي يا معلم myackoo ...قوله ان مش كل الطير اللي يتاكل لحمه ياعمونا... فاكر الشاي بالياسمين بتاع عادل امام ف مرجان احمد مرجان..؟ والنبي توضحله ان كل طبة وليها مفتاح......:w6w2005041122 39346e |
| الساعة الآن 09:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017