قرار شراء رينو داستر
 

بأمانة شديدة - ما رأى سيادتكم فى قرار شراء الداستر؟ انا راكب لانسر بومة اتوماتيك 2008 جميلة وأخدت قرار بشراء الداستر بعد بيع الانسر.
ناس كتير بتخوفنى من 3 حاجات:
1- انها مانيوال و دى بتضايق بعد الاتوماتيك.
2- قطع الغيار و توافرها علشان العربية مش منتشرة
3- اعادة سعر البيع
الباقى انا شايف ان كلة فى مصلحة الداستر من عفشة قوية - 4x4 - اكبر و اوسع و اشيك - abs - تصفيح حديدى - علية جدا عن الارض.....
قرار شراء صح ؟

رد: قرار شراء رينو داستر
 

لا بلاش مانيوال بعد الأتوماتيك هتتعقد و خصوصا انك من 2004 , اللهم الا لو محتاج الدفع الرباعى و عايز تدخل الصحرا


عامة عربيتك امكانيتها ايه و عايز تبيعها بكام لو هتبيع و مش عاملة حوادث أخدها منك :)

رد: قرار شراء رينو داستر
 

العريية فابريكة برة و جوة - مافيهاش أى خدوش و لا حاجة - بحالة الزيرو تماما لانها مش بتمشى غير مرة كل شهرين من القاهرة للغردقة و الباقى مركونة بالفندق الذى اعمل بة
بس للاسف مش ح أنزل القاهرة قبل نصف يناير و علشان كدة ممكن تأجيل موضوع البيع لحد لما أجى.
لكن كنت حابب أعرف رأيك فى موضوع الداستر لانها عجبانى جدا

رد: قرار شراء رينو داستر
 

انا معايا السياره من اكثر من شهر4x4 كامله . وهقولك انطباعى عنها
- تحس انك راكب دبابه موش عربيه - انا حملت فيها 5 افراد اكنى راكب لوحدى ولا اتأثرت :286:
النقلات 6 قصيره - شاسيه وتعليق فوق الممتاز
السحب موش عايز اعدى 100 عشان لسه فى التليين مع ان التوكيل قالى اعمل الى انت عايزه واجرى
ساويند سيستم انا كنت ناوى اغيره واجيب افضل وبعد التجربه لقيته جميل جدا
انا كنت محتار كتير بس لما قررت اختارت المتانه
ولو عندك اى سؤال انا تحت امرك
:140109~347:

رد: قرار شراء رينو داستر
 

ربنا يباركلك فيها يا رب - كان فى تعليق من واحد راكبها ان ال rbm لما بيبقى عند 3200 العربية بتبقى مكتومة اوى و بعد كدة بترجع تسحب تانى - هل دة موجود فى كل العربيات ولا دى عيب فى عربية واحدة؟
أنا برضة محتار بقالى كتير و بصراحة خايف اندم - بس كلام حضرتك و انطباعات ناس تانية كلها ايجابية الحمد للة.
ناس تانية قالت بالفلوس دى تجيب كيا كارينز كاملة بس انا شايف ان الداستر اجمد بكتير و كنت راكب كارينز جديدة انا وواحد زميلى و معانا شنطة واحدة و مشغل التكييف - بصراحة كرهتها. كان لازم يقرص جامد علشان العربية تسحب معاة و كانت تقيلة و صوتها عالى (صحيح اوبشن اعلى كتير بس اضعف كتير)
و عزل العربية و صوت الموتور جوة الكابينة عامل اية - محدش اتكلم عنة؟
أخر حاجة رأى حضرتك فى اتزان العربية على سرعة و ملفات لانى بأسافر كتير القاهرة - الغردقة و معايا أسرتى و موضوع الاتزان دة يعتبر اهم حاجة بالنسبة لى و خاصة ان معايا لانسر و دى بصراحة ثابتة لدرجة لا توصف - فمش عايز اندم بصراحة.
و لسيادتك جزيل الشكر على نصائحك ووقتك

رد: قرار شراء رينو داستر
 

انا ردي عليك حيبقي في نقطة ان عند RPM 3200 العربية بتتكتم ولان مواتير الرينو عموما واحد - الموضوع دا كان موجود عندي في اللوجان بس العربية مش بتتكتم العربية بعد RPM 3000 تحس انها بتزوم وصوت الماتور بيعلي علي الفاضي وبعد كدة الصوت بيخف كتير والعربية سحبها بيعلي لكن مش كتمة - الموضوع دا كان عندي لغاية ما عملت بالعربية حوالي 7000 كيلو بعد كدة الموضوع دا راح تماما وبقت الموضوع عادي وصوت الماتور بقي واحد علي اي سرعة

نصحتي ليك ان اكيد المانول حيبقي متعب في الاول لغاية ما تاخد علية لكن انت بتقول ان العربية انت محتاجها فقط في مشوارك ما بين القاهرة والغردقة يعني موضوع مانول واتوماتيك مش فارق معاك لانك معظم الوقت علي الطريق بس طبعا العربية باذن الله حتفرق معاك كتير في المشاوير الطويلة والثبات علي الطريق يعني كفاية عرض العربية ووسائل الامان اللي فيها طبعا كل دا بعد ستر ربنا - ربنا يسلم طريقنا - وانا شايف انها انسب عربية ليك

تقبل تحياتي وربنا يهدينا لما فية خير لنا جميعا

رد: قرار شراء رينو داستر
 

شكرا ربنا يخليك يا أستاذ أشرف - أنا فعلا موضوع صوت الموتور و كتمتة كان مخوفنى لكن مادام الموضوع فى التليين و بس يبقى تمام.
وموضوع المانيوال مش مخوفنى اوى لان من اربع سنين كنت راكب مانيوال قبل الاتوماتيك و على رايك طول ما الموضوع اغلبة سفر مش ح يبقى فارق ان شاء اللة.
و ألف شكر لحضرتك.
SLAM