إلي عشاق ومستخدمي اللانوس ارجو الإفاده
أرجو من سيادتكم الإنتباه عربيتي لانوس 2007 بدأت تهيس وعايز ارجعها زيرو تاني لاني بحبها ومش بستغنى عنها وصعبان عليا حلتها .
1 / الموتور بحس انه بيتحرك من مكانه وانا بأخذ الغيار والعربيه تتهز هزه مع التعشيق. 2 / في صوت زنه في الفتيس مع السرعات بعد السرعه 60 3 / في زي كبايه كده بتغطي البجيه تقريبا زي الصفيح بتطلع من مكانها ويقعد البجيه يتكتك شرز بره وكل ما ارجعها تطلع تاني . 4 / بسمع صوت من وره شمال بعد ما ادوس فرامل واجي اسحب تاني. 5 / لما بلف الدركسيون للاخر شمال وألف اسمع صوت طقطقه فيه بس مش كل مره ممكن مرتين اه ومره لأ. 6 / حاسس انها بقيت واطيه من ورا وريحت كده وده مزعلني اوي . وتقبلو مني جزيل الشكر على اهتمامكم وارسال الرد |
رد: إلي عشاق ومستخدمي اللانوس ارجو الإفاده
روح الحرفيين و ريح نفسك لأنك مش هتعرف تغير حاجة بايديك
صوت الطقطقة ده كبالن أو مقص البيض فيه باظ و غير زيت الفتيس عشان الزنة تروح و خليهم يتأكدوا من قواعد الموتور و يربطوا علبة الزيت ب أفيز كويس |
رد: إلي عشاق ومستخدمي اللانوس ارجو الإفاده
شكرا سيدي على اهتمامك والرد بس الطقطقه من ورا شمال
يعني بعيد عن الكبالن والمقص |
رد: إلي عشاق ومستخدمي اللانوس ارجو الإفاده
اه علي طقطقة الدركسيون تصدق صح اوك
|
رد: إلي عشاق ومستخدمي اللانوس ارجو الإفاده
شوف ميكانيكي يشيك على قواعد الموتور .. وقواعد المكنة
وغير البوجيهات بالمرة .. وشوف عفشجي يشوف السست بتاعت العربية . الموضوع بسيط مفيهوش مشكلة ...وربنا معاك |
رد: إلي عشاق ومستخدمي اللانوس ارجو الإفاده
هتحتاج كبالن وتغير زيت فتيس وتغير بوجيهات والكشف علي المساعدين اللي ورا والمقصات وربنا معاك حاجات سهله وهترجع ان شاء الله الاحسن من الاول
|
رد: إلي عشاق ومستخدمي اللانوس ارجو الإفاده
اقتباس:
فالطقم الجديد بيجى معاه كبايات العزل الصفيح و اتاكد ان البوجيه راسه متكسرتش لان ده ممكن يكون السبب الرئيسى |
الساعة الآن 01:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017