اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

السلام عليكم معلش . انا فعلآ قلت مش اكلم فى الموضوع ده تانى ولكن الحاجه لما بتزيد عن الحد بتحرق الدم .. هو سؤال واحد وياريت حد يجاوبنى ويريحنى

.. اللى بيحصل فى ميدان التحرير ده اسمه ايه .. تظاهر سلمى ولا احتلال ولا قطع طريق ولا ايه بالضبط .. الميدان بقاله اسبوعين مقفول من قبل اناس واضعين خيم فى وسط الميدان وقافلين كل الشوارع المؤديه له وممنوع سيارات تدخل جواه .. وأصبح دخول الميدان على كيف المتظاهرين

.. ده اسمه حق تظاهر سلمى .ولا احتلال ولا قطع طريق .ولا قلة ادب ولا ايه بالضبط

.. وما هى حدود حق التظاهر السلمى اللى المتظاهرين ارفنا بيه ..

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

لا تعليق ....

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

ايه ده انت مش واخد بالك انك بتتكلم عن ميدان الملائكه يعنى منطقه ممنوع الاقتراب او النقض او حتى ابداء الرأى على طول هتتحط فى القائمه السوداء وهتبقى فلول ومن اعداء الثوره
الثوره كانت فى يناير وكلنا انحنينا احترام وتقدير لاكن اللى بيحصل دلوقت ركوب موجه يعنى بينزلوا الجمعه يوصلوا رساله معينه خلاص المفروض الرساله وصلت وبيمشوا لاكن اللى بيفضلوا فى الميدان وبيعتصموا دى بقت حاجه تقرف "آسف على اللفظ"
لاكن ايه ذنب الناس تتعطل مصالحهم وبعدين القصه كلها دلوقت معارضه لكل شىء كل حاجه لأ
المجلس يمشى والجنزورى يمشى والشعب اللى مش موافق على اللى بيحصل برضوا يمشى لان هما اللى فاهمين مصلحتنا اكتر مننا بجد مش عارف هو منين يودى على فين دلوقت
انا مع التظاهر السلمى بدون تعطيل وتخريب
لاكن مش مع الاعتصام والتعطيل وبالتالى التخريب
وربنا يستر على البلد

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

صدق رسول الله حينما قال "اعطو الطريق حقة "
انا بس بتخيل مصالح الناس المعطلة وعارفين طبعا ان مجمع التحرير مكتظ بالمصالح الحكومية
وما ادراك ما المصالح الحكومية يعنى مش ناقصة عطلة من حد هى كدة كدة عطلانة انما بالشكل دة كدة ماتت
يتظاهروا زى ما هما عاوزين ويقولو اللى يريحهم انما ما يعطلوش مصالح الناس حرام والله حرام
كل اما اتخيل ست بتجرى عاوزة تصرف معاش جوزها ولا واحد بيجيب علاج على نفقة الدولة بيصعب على اوى

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

السلام عليكم

يا اخى انت ليه شاغل نفسك بالموضوع ده اوى كده !!!!! انا مش معترض مع حضرتك فى رايك ... بس .. سيب الى يعتصم يعتصم ... و سيب الى ينام فى التحرير ينام ... احنا بدانا الانتخابات ... و دى اول مراحل الاستقرار ان شاء الله .. الناس فى ميدان التحرير بقالهم فترة ... خليهم قاعدين .. المرور مش واقف ولا حاجة .. انا رحت وسط البلد و لقيت الدنيا ماشية عادى جدا و ارجوك سيبك من موضوع البلد واقفة و الاقتصاد مش عارف ماله و عاوزين زقة و بطارية البلد عاوزة شحن و الكلام الى احنا بنردده من التليفزيون
انا بشتغل فى قطاع ماشى زى الحلاوة و انتاجه بيزيد كمان

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

محدش رد عليا ما هو حدود حق التظاهر السلمى

.. حق التظاهر فى قطع الطريق على الناس والاعتداء على حريات الاخرين وتعطيل مصالحهم هل هو اختراع غربى لغزو البلاد الاسلاميه وعمل فوضى بها.. ام هو حق اعطوه لهم المنظمات الصهيونيه ((حقوق الانسان .. والامم المتحده ..وجمعية الازمات الدولية)) التى كل غرضهم هو محاربه الاسلام ومجامله اسرائيل وتكوين دين او نظام عالمى موحد يعادى الدين الاسلامى .

لماذا هم ينهون الاعتصامات عندهم بالقوه اذا اضرت بامن بلادهم ولا تعترض عليهم هذه المنظمات بينما ينكرون علينا ذلك ويقولون حق التظاهر السلمى .

. هل من حق التظاهر السلمى احتلال ميدان التحرير واغلاقه لحساب المتظاهرين وهو من اهم ميادين مصر .. هل من حقهم غلق مجمع التحرير بالقوه الثوريه ... هل من حقهم غلق قناة السويس ... هل من حقهم غلق ميناء دمياط . هل من حقهم سب الجيش المصرى ورجاله علانيه وعمل عداء بين الشعب والجيش .


الناشطه اسماء محفوظ اعترضت بشده عندما اعترضها اهالى العباسية وهم فى مسيرة الى وزارة الدفاع وتكلمت فى التلفزيون وكأنها حق من حقوقها التوجه الى وزارة الدفاع واقتحامها دون ان يعترض طريقها احد..


يا ريت حد يرد عليا . ما هو حدود التظاهر السلمى

رد: اللى بيحصل فى ميدان التحرير ده اسمه ايه تظاهر سلمى ام قطع طريق ام احتلال
 

لا مش من حقهم , و المفروض الناس دى تروح بيوتهم و يرجعوا يفتحوا قناة السويس الى قفلوها , و يرجعوا يفتحوا ميناء دمياط الى قفلوه , و مش من حقهم يشتموا الجيش

من الاخر علشان تريح نفسك ..... الى بيعملوه ده كله هو حق التظاهر السلمى