هل i10 الاوتوماتيك gl فيها سماعات فى الابواب الخلفية ؟
 

هل ال i10 face lift AT gl فيها سماعات فى البيبان الى ورا ؟
لانى شايف مكان السمعات منفخ و مخرم فى الباب الى ورا بس لما بأظبط الكاسيت على اعلى حاجة للسماعات الى ورا مفيش صوت

رد: هل i10 الاوتوماتيك gl فيها سماعات فى الابواب الخلفية ؟
 

رجعت المعرض و سألتهم قالولى ان فعلا مفيهاش سماعات ورا
و بالمرة كنت اكتشفت ان كان ناقص مفتاح العجل و يد الكوريك فجبتهم و الحمد لله :10D5C8~1107:

رد: هل i10 الاوتوماتيك gl فيها سماعات فى الابواب الخلفية ؟
 

م.أحمد بك على
الف مبروك السيارة
حفظك الرحمن وحفظ طريقك من كل شر او سوء ان شاء الله
:fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]::fun_36_3_13[1]:

رد: هل i10 الاوتوماتيك gl فيها سماعات فى الابواب الخلفية ؟
 

لا للاسف مفيهاش سماعات وحتى ال 2 اللى راكبين فى الامام صوتهم موش كويس بالنسبة لصوت سمعات الباب الافضل تشوف 2 ماركة كويسة وتركبهم

رد: هل i10 الاوتوماتيك gl فيها سماعات فى الابواب الخلفية ؟
 

اخيرا لقيت حد عنده ال i10
شكرا استاذ esafegypt
فعلا السماعات تعبانة جدا بس فى التوكيل ( غبور ) اشتكيت لهم من اليمين لانها بتشوشر و كمان بتفصل فتفصل الشمال معاها
فقاموا كتر خيرهم غيروهم الاتنين فبقت اليمين قوية جدا و بقت المشكلة فى الشمال المهم حاولت افهمهم ان الشمال بقت ضعيفة بالنسبة لليمين مستوعبوش و انا عاذرهم
خدت العربية و مشيت و الحمد لله الشمال فصلت فبإذن الله ححجز و اروحلهم تانى
غير كده العربية الحمد لله زى الفل

رد: هل i10 الاوتوماتيك gl فيها سماعات فى الابواب الخلفية ؟
 

اوع تروح التوكيل تانى انا روحت وعربيتى اوتوماتك موش مانيوال قولت لهم اعملوا تشيكة على زيت الفتيس وعلى كل الزيوت واشتكيت لهم من السماعة الشمال بردوا زى حضرتك والنتيجه انهم
غيروا السماعة بسماعة اخرى موش بتزن ولا بتعمل ششششش لكن ضعيفة فى صوتها جدا

وسرقوا مكان دخول الولاعة
هفهمك اكتر عارف الولاعة موش بتركب فى مكان الكهرباء هما بأه سرقوا المكان ده عندى وركبوا مكانوا فيشة ولاعة بايظة كل ما احط الولاعه تنطرها لبره وانا اكتشفت الموضوع ده بالصدفة لان عربيتى لونها اسود ومن الداخل كل شئ فى الطابلوه اسود
هما ركبولى واحده لونها ازرق فاكرين ان اانا موش هاخد بالى

وعموما انا موش هروح التوكيل تانى لانهم حرامية بمعنى الكلمة واحد كان اعد جنبى نسى فى العربية شواحن الموبيل ولما افتكر راح علشان يجيبهم من العربية وطبعا ملقاش اى شئ مع ان اللى استلم العربية منه مهندس فى الشركة موش حد غريب وانت لو دخلت اماكن الصيانة هتلاقى العمال هناك معروفين بالاسم والمهندسين بردوا يعنى مستحيل حاجه تروح لانك داخل توكيل المفروض انه محترم
دا انا لما بكون راكن داخل جراج بسيب العربية مفتوحة لان العامل عارف ان لو حاجه راحت من العربية يبق هو اللى خدها لكن توكيل غبور معندوش نظام عقاب للحرامية اللى بيشتغلوا عنده
لدرجه ان من كتر ما سمعت ناس بتشتكى من سرقة المتعلقات الشخصية داخل توكيل غبور وتبديل قطع فى السيارة بقطع اخرى ويعتمدون ان مفيش حد هيعرف لان الزبون معندوش جهاز الكشف عن اعطال السيارات الواحد بداء يفكر ان دى سياسة للشركة نفسها سياسة السرقة وانعدام الضمير

رد: هل i10 الاوتوماتيك gl فيها سماعات فى الابواب الخلفية ؟
 

الله يطمنك
طيب انا من اسكندرية اعمل ايه فى فترة الضمان لانى بعد انتهاء الضمان بفضل الله حاعرف اعملها الصيانة بإيدى
بس فى ميزة رهيبة فى غبور اسكندرية ان الناس صحاب العربيات واقفين فى الورشة عادى فانا شايف كل اللى بيحصل