مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Accent Verna RB اكسنت فيرنا (https://www.masrmotors.com/vb/forumdisplay.php?f=237)
-   -   مشكله رخمه ومضيقانى وعايز مساعده (https://www.masrmotors.com/vb/showthread.php?t=70850)

هيثم سامى 29-10-2011 10:37 AM
مشكله رخمه ومضيقانى وعايز مساعده
 
يجماعه انا عندى صوت فى العربيه رخم جدا ومعككن عليا صوت فى الموتور فى زنه كده صوتها جامد فى الموتور وبيرعش جامد كمان صوت فظيع مش عارف اوصفه بس اكنى راكب كراكه مش عربيه انا الاول كنت فاكره من فرن الشكمان بس امبارح روحت لبتاع الشكمانات قالى لا ده فى الموتور روح للميكانيكى المهم روحت للميكانيكى قالى الصوت ده حاجه فى التيكهات قالى عليها بس نسيت اسمها وقالى ان سببها التاخير فى غيار الزيت وقالى لما تغير زيت كام مره كده الصوت حيروح فهل الكلام ده صح ولا ايه ياريت الى يعرف حاجه يقولى عليها بسرعه عشان خلاص قربت اتشل من العربيه دى

pointer 29-10-2011 11:35 AM
رد: مشكله رخمه ومضيقانى وعايز مساعده
 
شوف البوجهات لوعدت ال 10000 غالبه هتكون هي الزيت عدي عليه اد ايه و الصوت ظهر مره واحده و لا بالتدريج

احمد على 1999 29-10-2011 01:27 PM
رد: مشكله رخمه ومضيقانى وعايز مساعده
 
لو الميكانيكي شاكك في البلوف يبقي فعلا لو غسلت ب oil flush و غييرت زيت و فلتر يمكن تجيب نتيجة

khaled_amer 29-10-2011 03:46 PM
رد: مشكله رخمه ومضيقانى وعايز مساعده
 
متقلقش خالص و متخليش اي ميكانيكي يفتي في العربيه
لما كان عندي الفيرنا كان فيها حاجه زي كده بالظبط و كانت مجنناني و الميكانيكي فتى كتير و غيرت حاجات ت الكتييييير و في الاخر اكتشف انها مواسير التكييف اللي لازقه في الصدر بتعمل زنه مع السحب ..شوف اي حاجه ازنقها بين المواسير و صدر الموتور المقابل للصالون و ان شاء الله يمنع الصوت

هيثم سامى 30-10-2011 11:01 AM
رد: مشكله رخمه ومضيقانى وعايز مساعده
 
هو الصوت ظهر بالتدريج كانت زنه صغيره وبعدين زادت اوى وبقت دربكه ورجه والبوجيهات انا لسه مغيرها اساسا من اسبوعين بس والزيت كنت مغيره يوم 2 /10 موبيل وعملت عليه حوالى 2000 كيلو بس انا كان عندى مشكله تسريب زيت فى الاول وقلت دلوقتى يعنى قبل اخر تغير زيت

pointer 30-10-2011 11:41 AM
رد: مشكله رخمه ومضيقانى وعايز مساعده
 
اقتباس:
المشاركة الأصلية كتبت بواسطة هيثم سامى (المشاركة 542493)
هو الصوت ظهر بالتدريج كانت زنه صغيره وبعدين زادت اوى وبقت دربكه ورجه والبوجيهات انا لسه مغيرها اساسا من اسبوعين بس والزيت كنت مغيره يوم 2 /10 موبيل وعملت عليه حوالى 2000 كيلو بس انا كان عندى مشكله تسريب زيت فى الاول وقلت دلوقتى يعنى قبل اخر تغير زيت
الزيت كدا معقول اوي و حتي لو فيه حاجه كانت بانت
المشكله كدا بوجيهات 95 %
عموما السوق كله بوجهات مضروبه كبيرها 15 يوم ,و بتتسمي رطبت و تترمي
علي اي حال اي فك للموتورهيكلف و صعب يرجع زي الاول
وغالبا العيب في البوجيهات المضروبه وعلي شان كدا سالتك عليها
و من غير مصاريف ولا وجع قلب و مغامره فك الموتور
اتكل علي الله و اختار الاقرب و الارخص و الاقل خساره اذا كان فبه خساره اساسا

lawyer9 01-11-2011 03:56 PM
رد: مشكله رخمه ومضيقانى وعايز مساعده
 
بص يا باشا أول ما سمعت صوت بشكل دربكه وكراكه وحجات كدا يبقى اول حاجه تطمن على الطنابير ممكن حاجه مش مربوطه كويس دا أولا
كمان بتتأكد ان السيور والبلى بتاع الديناموا والمروحه وماكينة الباور واى حاجه فيها بلى بتشتغل والعربيه واقفه أكد على بليها بعد كدا ثالث حاجه ودى الارجح أكد على سير الكاتينه وبليتين الكاتينه
بليتين الكاتينه أكد عليهم الثابته والمتحركه غالبا حاجه فيهم او طنبورة هيا السبب
وان شاء الله تكون حاجه بسيطه وتتحل


الساعة الآن 06:37 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017