حكايتى مع سيارتى المحبوبة بيجو 505
 

السلام عليكم يا احلى شباب

انا قولت اعمل الموضوع دة لان بصراحة عربيتى البيجو وحشتنى جدا وشوفت معاها احلى ايام وبما اننا هنا كلنا اخوات فقووووولت لازم اشاركم الموضوع دة

طبعا انا مش هحكى كتير عن البيجو 505 لانها معروفة كويس ودى فعلا من اجمل واحسن العربيات الى عملتها شركة بيجو وفى نفس الوقت اكتر عربية خسرت الشركة وكانت اخر فئة فى 500 لحد وقت قريب جدا

http://www6.0zz0.com/2011/10/27/16/982188626.jpg


العربية دى كانت بتاعة جدى الله يرحمة والدى جابها زيرو من 30 سنة وكانت ب 11 الف ... ايام زمان بقى ... اة العربية دى قعدت عندنا 30 سنة ليا فيهم 6 سنين كانت فى عهدتى

شوفو بقى هى عربية قد اية اصيلة رغم انها اتبهدلت واتهانت جااااااااامد جدا جدا

اية ياعم انت هتاخدنا فى دوكة ولا اية انت قولت هتحكيلنا ع حكايتك مع العربية مش تاريخ العربية ما تنجز ياعم انت ... واااااحدة واحدة

بدايتى الفعلية مع الاسد ...

ايام زمااان مش زمان اوى يعنى .. المهم كنت رايح اولى جامعة فى الاجازة يعنى

كنا فى مصيف وكنا دايما متعودين نصيف مع العيلة كلها .. ولكن المفجأة المرة دى كانت لوحدنا

وبينى وبينكم كان اسواء مصيف وممل جدا انا ملياش اخوات فمكنش حاجة اعملها تضيع الوقت غير انى اصحى من النوم وانزل اغسل العربية

ههههههههههه لدرجة ان الناس فكرونى البواب .... وفجأة وبدون اى مقدمات مستر ابليس صاحب الجنتلة كلها طلع فى دماغى انى اسوق العربية من ورا والدى

وطبعا انا كنت دايما براقب والدى وفاهم كل حاجة بتاعة اية وكدة ما عدا حاجة واحدة بس الى مكنتش اعرف عنها حاجة وهى الدبرياج

طبعا ركبت دورت وكلة تمام وزى الفل والحاج فوق نام وبياكل رز ولبن مع الملايكة وسايب ابنة لوحدة من مستر ابليس

طبعا بعد ما دورت المفروض اديها نقلة بقى ... امسك الفتيس فوق وتحت انة ينقل مفيش فايدة فاستغربت جدااااااااا وبطلت العربية تانى اجى انقل الاقى الفتيس بينقل عادى جدا قولت وبعدين بقى فى العربية الخربانة دى يعنى الفتيس ينقل والعربية مبطلة ومينقلش والعربية دايرة ....

وفجأة الذكاء العجيب اشتغل قولت بس بما انة الفتيس مش راضى ينقل الا والعربية مبطلة فانا اديلة نقلة وبعدين ادور العربية وطبعا حضراتكم عارفين اية الى بيحصل

وفضلت ماشى ع الموضوع اربع مرات كدة لحد ما العربية لبست فى الحيطة
.
.
.
.
.
متقلقوش العربية محصلهاش حاجة طبعا .... طبعا الرعب تملكنى وقولت انا ارجعها مكانها بقى وكأن شىء لم يكن طيب ارجعها ازاى ....... زوق ياعم الحج وانا لوحدى والعربية تقيلة والارض رملة

فين وفين بقى واحد شاب شافنى وكان متابعنى فنزل يساعدنى ربنا يكرمة يارب المهم حكيتلة فهمنى بقى قصة الدبرياج وكدة وركنلى العربية مكانها وشكرا ع كدة .

وطلعت لوالدى وضمير فضل مأنبنى واخيرا وبعد الشاور المتين وساعة تفكير وحيرة

قررت ...........

يتبع ...

رد: حكايتى مع سيارتى المحبوبة بيجو 505
 

مساء النور يا ابو حميد
القصه جاااامده والظاهر انو كلنا لينا سوابق مع العربيات
ربنا يسترها
ومستني التكمله يا صديقي

رد: حكايتى مع سيارتى المحبوبة بيجو 505
 

كما تدين تدان ولادك برده هيعملولك كده فى الدايو بتاعتك ههههههههههههه
وربنا يستر علينا جميعا

رد: حكايتى مع سيارتى المحبوبة بيجو 505
 

هههههههههه

شوقتنا نعرف سوابقك يا كبير ..

واضح ان مصر موتورز كله له سوابق مع مستر ابليس :w6w2005041113562663

متابع جدا ....

رد: حكايتى مع سيارتى المحبوبة بيجو 505
 

رد: حكايتى مع سيارتى المحبوبة بيجو 505
 

متشكر ليكم يا اصدقاء ع الردود المشجعة والجميلة دى

كدة يا عمرو باشا انا مش هسيبك الا لما تحكيلنا عن السابقة بتاعتك انت كمان مطلوب الشفافية :36_1_1[1]:

عبدة باشا مساء الفل يا غالى ... ياريتهم والله يعملو زى وميعملوش اكتر من كدة ربنا يستر ع الاجيال القادمة

حسام باشا نورت الموضوع ... وابليس دايما خاربها مش ناوى يتلم الراجل دة ولا اية

يا استاذ وليد احب اقولك ان سيادتك نورت الموضوع

رد: حكايتى مع سيارتى المحبوبة بيجو 505
 

طبعا يا جماعة جة وقت القرار ............ واستعديت واخدت نفس عميق

وحكيت للحاج الى حصل وطبعا نفس الموقف الى هما حافظينة ومش بيعملو غيرة..... اخد منى المفتاح وقالى معتش تغسلها تانى .....

قولتلة انت الخسران هههههههه قالى صح خسرت اسطوانة واحتمال فتيس دلوقتى

المهم نزل وقالى تعالى ..... قولت فى بالى هو هيعدمنى ولا اية .........؟؟:sd:


ركبنا وروحنا مكان عجيب كدة تقريبا كانت مدينة تحت الانشاء لسة ومفهاش حاجة غير طرق وبس اتلاقيتة فجأة بيعلمنى وبيفهمنى بقى موضوع الدبرياج وانقل امتى وازاى وكدة .

وبعدين ركن فى جمب وقالى انزل سوق ... وطبعا صاحبكم شوميخر لما صدق وقالك بس هيكسر الدنيا دلوقتى ... ركبت ودورت وكلة تمام وبعدين دوست ع الدبرياج واديتها اول نقلة ... وتشوفوا الطلعة بقى ... متقولش جمل برى هههههههه

خدو بقى شوية تقطيع ع شوية تبطيل لحد فين وفين لما اتعودت اضبط الدبرياج مع النقلات وهكذا بقى طول فترة المصيف لحد ما اتعودت ع النقلات والفرامل ..

طبعا كل دة مش حاجة وزى ما انتم عارفين ان سواقة العربية دى جزء بسيط جدا لكن الجزء الصعب فعلا انك تتعلم ازاى تتعامل مع الى حواليك والمواقف الى بتقابلك .

خلص المصيف وبعديها مركبتش العربية تانى وروحت اول سنة فى الجامعة كنت اعد مع خالى ... وهو مقرب منى جدا زى اصاحب كدة وطلبت منة انة يعلمنى

كان معاة وقتها نيسان صنى وطبعا انتم عارفين العربية دى ناعمة قد اية وملهاش صوت ولا حس وكانت حاجة تانية خالص غير البيجو 505 الى انا اتعلمت عليها

طبعا ركبت مع خالى وانا فاكر انا الموضوع هيكون سهل لان خلاص عرفت الاساسيات .. ولكن العكس

دورت العربية وهى كانت دايرة لانى مش سامعلها صوت ومش اخد بالى انها دايرة
العربية ناعمة جدا والدواسة استجابتها عالية ... اول ما دوست العربية قامت فى الدنيا بطريقة مخيفة وكانت خارج السيطرة ... الباور كان ناعم جدا جدا جدا وبالتالى مكنش فى اى تحكم فى الملفات لانى مش عارف لسة اتأقلم مع النعومة دى كلها :090104~384:

المهم خالى قرف منى ونزلنى وخايف بردة ع العربية كانت لسة زيرو موديل 2004

طلبت منة تانى مرة انة يعلمنى تانى وثبتة بكلمتين دة انت حبيبى وصاحبى اروح اطلب من الغريب مثلا ولا اية ... فوافق بس شرط عليا انها لو بطلت منة معتش هركبها تانى وقولتلة ماشى ..

والحمد الله كانت النتيجة انها مبطلتش منى والنقلات والملفات والفرامل كانت كل حاجة تمام وزى الفل مفيش اى مشكلة ..

جت اجازة نصف العام ونزلت البلد وطلبت من والدى انى اسوق العربية .. وكانت الطريقة الى الوحيدة الى اسوق فيها العربية هى انزل معاة الشغل اوصلة وافضل اعد جمبة لحد ما هو مروح ارجع معاة وبعدين هو الى يجرش بقى لان الجراج كان صعب جدا ومكنتش لسة بردة اعرف قد كدة فى المسافات .

فضلت ماشى ع النظام دة اسبوع لحد ما حصل الى حصل ...

يتبع ...