حاسس انى اضحك عليا ولبست فى الحيط
 

اولا احب اعرفكم خبرتى فى العربيات 0
كان معايا سكودا فليشيا وبعتها وقررت اجيب افيو المهم
قاعد على كونكت كار والوسيط وشوفت بلاوى كتير نزلت واتسحلت على عربيات تعبانه
لحد ما جه اليوم ولقيت عربيه افيو 2009 عامله 20 الف كيلو فابريكه بالكامل مانول هاف اوبشن ومركب سنتر وانذار و4 ازاز كهرباء
الراجل كاتب فى الاعلان 65 الف كلمته واتفقنا اشوفه تانى يوم وسالته فى تفاوض قالى ان شاء الله
نسيت اقلكم فى اليوم اللى قبله كانت بنت عارضه عربيه كلمتها واتفقنا وتانى يوم لقتها اتباعت وكانت برضه ب 65 سالتها اتباعت بكام قالت 59 وكانت بنفس المواصفات بس عامله 64 الف كيلو
فقلت يبقى الحق العربيه دى وخت الفلوس وقبلت الراجل وهو شيخ كده ومربى دقنه هو واخوة المهم وانا بتفرج جاله تليفون فى واحد عايز يشترى العربيه ومكلمه عليها بس عشان انا اتصلت بيه الاول انا اولى
العربيه عجبتنى اتكلمنا فى السعر معاناه لحد ما نزلها ل62.500 المهم شد وجزب وقلت نروح التوكيل لو تستاهل يبقى تمام روحت التوكيل ومهندس بصلى عليها وعمل كابس ماتور وقلى تمام العربيه جديده
دفعت 60 الف والباقى عند التسجيل
المهم رجعت كل صحابى وقريبى حسسونى انى اتنصب عليا لان سعرها لا يتجازو ال 55 الف
وقاللولى ممكن يكون اصلا لاعب فى العداد وحتى لو حرااام 62 الف عليها
ايه رايكم يا جماعه ؟

رد: حاسس انى اضحك عليا ولبست فى الحيط
 

اعتقد انها اغلى من 55 الف وممكن تكون اقل من 62
يعنى ب 60 تبقى كويسة
بس المهم هى اخبار العربية اية معاااك تحت رجليك اخبارها اية
وبما انك كنت معاك سيارة قبلها فاكيد فاهم ف العربيات

تحيااااااااااتى ومبروك

رد: حاسس انى اضحك عليا ولبست فى الحيط
 

رد: حاسس انى اضحك عليا ولبست فى الحيط
 

يا باشا سيبك من كلام الناس علشان لو مشيت وراهم هتخسر راحه بالك ومش هتكسب غير وجع دماغك وف الاخر مش هترضى الناس برده
لو العربيه معاك تمام وانت مرتاح نفسيا يبقى زى الفل والحمد لله ان انت كسبت عربيه كويسه

رد: حاسس انى اضحك عليا ولبست فى الحيط
 

الف ولا اتنين ميوقفوش بيعة عربية نضيفة وحالتها حلوة....سيبك من كلام السوق , وربنا يباركلك فيها باذن الله ويكفيك شرها

رد: حاسس انى اضحك عليا ولبست فى الحيط
 

انت عارف
لو قلت قدام الناس اشتريتها بـــ 15.000
هيقولولك غاليه برده
سيبك من كلام الناس
وخليك فى راحه دماغك
مبروك عليك وربنا يديك خيرها ويكفيك شرها

رد: حاسس انى اضحك عليا ولبست فى الحيط
 

لاة طبعا سعر كويس جدا ومناسب عربية عاملة 20 الف يعنى كسر زيرو والتوكيل قالك كويسة والموتور كويس
هى بس ممكن تكون الف الفين زيادة ومش حكاية يعنى اهم حاجة انها كويسة فكك من الحوارات بتاعت الناس واتمتع بعربيتك وسوق وفسح العيال وفكك من الناس