مشكله فى الأر بى أم بولو 98
 

وصف المشكله :
عند تشغيل السياره و لمده نصف ساعه او ساعه الا ربع تعمل بشكل جيد جدا و الأر بى أم بين 7 و 8 ثم يبدأ الأر بى أم فى الهبوط فجأه الى 4 او 3 ثم يرتفع الى 8 او 9 كل ذلك فى ثوانى قليله و بشكل متككر لحد مالعربيه تبطل فى مره من مرات الهبوط ..
الغريب ان بعد اعادة التشغيل يعود الأر بى أم الى وضعه الطبيعى و كأنها أول مره تشغيل و يستمر منتظم لمده من ربع ساعه الى نصف ساعه ثم يبدأ فى الهبوط و تكرار العمليه ..؟؟

من لديه خبره فى هذه المشكله برجاء المساعده
تم عمل الأتى و لم يؤثر على حل المشكله
1- تنظيف البوابه بسبراى تنظيف
2- تشيك على كابلات البوجيهات
3- تنظيف و سنفره الشاكوش و غطاء الإسبراتير (4 كونكتور داخلى)
4- تشيك على كابل الموبينه

هل العيب حساس البوابه؟
او عيب كهرباء ؟........................ ..... مش عارف

رد: مشكله فى الأر بى أم بولو 98
 

العيب دا يا هانى عيب حساس الكرنك عندى نفس المشكله فى الجولف 4

رد: مشكله فى الأر بى أم بولو 98
 

دا بلف الايدل لازم تنظفة كويس اوى او تغيرة لو مجبش نتيجة مع التنظيف

رد: مشكله فى الأر بى أم بولو 98
 

تم حل المشكله و هى كالأتى . أرجو ان يستفيد منها كل مالكى سيارات فولكس و سيات و أودى
المشكله هى فى حساس الجهد بداخل البوابه و هى مشكله تصنيع فى الأساس و لكن القطع الأصليه تتحمل سنوات حتى يظهر بها العيب اما قطع الغيار الإستيراد غالبا ما تأتى و بها نفس العيب لأنها استخدمت فتره ايضا طويله و البعض منها يكون سليم و لكن من الصعب معرفه ذلك اثناء شرائها يجب تجربتها اما قطع الغيار الجديده الغير أصليه فتعمل جيدا و لكن عمرها الإفتراضى اقل بكثير من الأصليه و لذلك عادة ما تعود المشكله سريعا معها هى و الإستيراد

رد: مشكله فى الأر بى أم بولو 98
 

شكرا لك لمشاركتنا بالحل
طيب انت ترشح الجديد دلوقتى ولا الاستيراد ؟
لو الجديد انتا جبته منين ولو استيراد اضمن مكان فين دلوقتى ؟

رد: مشكله فى الأر بى أم بولو 98
 

انا اقصد ان العيب ممكن اصلاحه فى البوابه القديمه اذا لم يكن هناك اسباب اخرى غير البوابه .. اما اذا كانت البوابه متهالكه او فيها عيب اخر غير حساس الجهد فيبقى الأفضل تجيب استيراد و اذا ظهر فيها نفس العطل هاتضطر تفضل تغيرها لحد ماتقع على واحده لسه فيها نفس .. و عموما سواء القديمه بتاعتك او الإستيراد الأتنين يمكن اصلاحهم .. إنما الجديد غالى الصينى ب 900 جنيه و الأصلى 1400 جنيه طبعا لا انصح ابدا بالصينى لأنها صحيح هاتشتغل لكن عمرها الافتراضى قصير جدا و اذا كان سعر الأصلى ينفع معاك تبقى افضل لكن مع وجود شك هل هى أصليه فعلا ؟؟!!

رد: مشكله فى الأر بى أم بولو 98
 

استفسار بسيط ؟؟
ماهو حساس الجهد ؟
وبيبقى راكب فين بالضبط ؟
وهل هو موجود فى الماتور 1300 ولا لا وهل ممكن يسبب ان يخلى العربيه مكتومه ومبتسحبش كويس لان العربيه عندى ساعات تبقى كويسه وساعات تبقى زى البطه ياريت لو حد يعرف ده عيب ايه يقولى