|
لوجان ولا m 11 ولا افيو ( فئة السبعين الف المحيره )
ياريت اصحاب الخبره ينصحوني و ينصحو كمان غيري كتير من المتحيرين في شراء عربيه في حدود السبعينات انا حددت اختياراتي في التلات عربيات دول .. الافيو اللوجان m11
الافيو شكل حلو وامكانيات معقوله بس يقال ان فيها مشاكل كتير اللوجان لا شكل ولا امكانيات خالص لكن عربيه تعتمد عليها m11 صييييييييييني ودي حاجه مخوفاني جدا منها انصحوني ارجوكم |
رد: لوجان ولا m 11 ولا افيو ( فئة السبعين الف المحيره )
افيو او فيرنا
وابعد عن الرينوقطع غيار غالية وشكلها مبيعجبنيش وكمان ( رمانى مغربى ) والصينى اوعى خالص نصيحة اعادة البيع صعبا خالص خسارة كبيرة |
رد: لوجان ولا m 11 ولا افيو ( فئة السبعين الف المحيره )
اقتباس:
الكشاف الامامى صناعه تركى ب 200 جنية بس ودا الرد اللى بكتبه لكل اللى بيقارن اللوجان بعربية تانية ألكلام النهائي فى رينو لوجان اوربي ( فرنسي - رومانى ) تقفيل المغرب اهم المميزات اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر مصفحة من تحت كمان عند حوض الماتور ودا مش موجود فى فئتها العربية الوحيدة اللى تحت الـ 100 الف نازلة بكاوتشات 15 العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى عفشة نعمه مالهاش زى انعم دبرياج هتشوفه فى حياتك كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف اير باج مستوى امان 3 نجوم اوسع شنطة 510 لتر امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع موفرة فى البنزين بسبب ان الماتور 8 صباب ( يفضل بنزين 92) اوسع صالون فى فئتها واوسع تانك بنزين اكتر من (60 لتر بالاحتياطى ) صاج اللوجان صاج قوى والاقوى برضوا فى فئتها طبعا فى اوبشنز تانية يختلف على حسب اذا كنت هتجيب هاف او فول اوبشنز ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو * العيوب ( ومش هنسميهاعيوب ) هنسيمها حركات غلسة بس هتتعود عليها الكلاكس فى درع الاشارة زارير الازار فى التابلوة ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية تنك البنزين والشنطة بمفتاح ترجيع الكراسي بتقعد تلف البكرة صوت الماتور عالى سنة الباور تقيل شوية ودا لثبات العربية على السرعات العالية رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو * قطع الغيار بدات فى الانتشار الفانوس الامامى ب 250 جنية والخلفى ب 150 وجوز المقصات ب 400 جنية ثمن الفول اوبشنز 70 الف جنية وتمنها برة تمنها الاصلى 7500 يورو يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك ودا المصدر http://www.loganclub.ro/ نوع العربية Preference 1.6 MPI 90 CP بعشقها عشق لولو حبيبتى وبس يا سيدى وان شاء الله ربنا يوفقك فى اختيار العربية المناسبة لك ----------------- العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية تقرير مفصل عن العربية بالشرح والصور http://www.masrmotors.com/vb/showthread.php?t=67787 بتنزل على 5 ماركات فى كل انحاء العالم فى اسيا وافريقيا والشرق الاوسط Renault Logan وروسيا فى رومانيا والبرزيل وامريكا الجنوبية Dacia Logan فى الهند Mahindra Renault Logan فى اليابان Nissan Aprio Tondar 90 فى مناطق بدول العالم دى فيدوهات ليا بالعربية Logan 180 km/h with 6 Passenger [1] - YouTube 180 و 6 راكب وغرز بيها على الطريق الصحرواى - مصر اسكندرية ودا لما عديت الـ 180 Logan 180 km/h with 6 Passenger [2] - YouTube واتفضل اسال فى اى وقت ودا قسم اللوجان بالمنتدى http://www.masrmotors.com/vb/forumdisplay.php?f=160 |
رد: لوجان ولا m 11 ولا افيو ( فئة السبعين الف المحيره )
اقتباس:
بصراحه الفيرنا مش في حسباتي خالص لاني بحس انها يادوب تاكسي كفايه عليها كده وانا معاك فعلا ان شكل الرينو رخم بس بيقال ان قطع غيارها بئت رخيصه او سعرها معقول |
رد: لوجان ولا m 11 ولا افيو ( فئة السبعين الف المحيره )
اقتباس:
وطبعا حضرتك من المتحمسين جدا للوجان وانا متابعه ردود حضرتك في قسم اللوجان وبصراحه مش هانكر انك كنت احد اسباب اقتناعي باللوجان بس بصراحه كمان مش قادره اقتنع بالعيوب الررررررررررخمه اوي اللي فيها زي موضوع الشكل ( ودي مسئلة ازواق ) وموضوع تانك البنزين اللي بيتفتح بمفتاح ( بيفكرني بالعربيه ال 128 ) و الكرسي اللي بيرجع ببكره تقعد تلفها ( بيفكرني بعربيتنا الفولفو اللي كانت موديل حاجه وتمانين ) و الشنطه كمان اللي بتتفتح من برا و الكلاكس اللي في الدراع ( طبعا بيفكرنا كلنا بالبيجو السبعه راكب ) يعني من الاخر عمري ماهاحس اني راكبه عربيه موديل 2012 |
رد: لوجان ولا m 11 ولا افيو ( فئة السبعين الف المحيره )
طب ما تفكري في اللانوس ؟ لو مينفعش ارشحلك الافيو عربية جميلة ومنتشرة جدا وقطع غيار في كل حتة
|
رد: لوجان ولا m 11 ولا افيو ( فئة السبعين الف المحيره )
والله العظيم مش لاقى كلمة اقولها لأن موضوع المقارنات اتعمل مليون مرة قبل كدة و اللوجان احتلت و ما زالت محتلة فئة من 70 - 80 الف جنيه .
و بعدين مين قال ان اللوجان رومانى مغربى صينى . اقسم بالله ان هذا الكلام خاطىء و ليس له صحة من الأساس . اللوجان مكوناتها بالكامل فرنساوى تقفيل مصنع رينو فى المغرب ( صوماكا ) بالدار البيضاء و كل حاجة فى العربية مختوم عليها MADE BY RENAULT دة حتى الكاسيت بتعها المانى مش مغرربى حتى و لو افترضنا ان داخل فيها مكونات مغربى هتبقى بنسبة 25% فقط و من مصنع رينو برضه اللى فى المغرب . و بالنسبة للرومانى فهى تقفيل ايضا مش اكثر انما المكونات بالكامل فرنسية و اللى موجود فى السوق دلوقتى كله تقفيل مغربى و حقق نجاح باهر من 2010 حتى 2011 . و بعدين حرام لما نقارن بين عربية اوروبى و بين عربية كورى او صينى و تقفيل مصرى كمان احنا كدة بنقارن بين وزن الديك و وزن الريشة . و بعدين المفروض ان السعر الحقيقى للوجان ميقلش عن 85000 جنيه بسبب اتفاقية اغادير يعنى دخلنا فى فئة اعلى . و بالنسبة للشكل لو مش عاجبك ممكن تختار السانديرو اللى هى لوجان هاتش باك و نفس الكمليات و الأساسيات و كل حاجة الأختلاف فى الشكل الخارجى فقط لا غير . و بالنسبة لقطع الغيار رخصت و فى منها تيوانى و تركى و صينى و اصلى و طبعا كل حاجة و بتمنها . و متوفرة ايضا و بكثرة خارج التوكيل . انما الحاجات الرخمة زى مكان الكلاكس و ازرار الزجاج فدة بيبقى فى بعض العربيات الفرنسية بيبقى ليها تاصميم كدة خاص بيها علشان تبقى العربية مميزة و غير باقية العربيات اليابانى و الألمانى و الكورى و الصينى و الماليزى و غيره . انما تنك البنزين فدى وسيلة من وسائل الأمان لأن فى فرنسا مينفعش حد يفول و هو قاعد بداخل السيارة او حتى حاطت المفتاح فيها . بالنسبة للشنطة فملهاش اثر كبير يعنى ممكن منركزش فيه يعنى . غير كدة هى عربية ممتازة و توكيلها محترم جدا و اى استفسار تانى انا تحت امرك لأنى من ملاك العربية و ربنا يوفقك فى اختيارك . |
| الساعة الآن 11:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017