صوت الموتور عالي وفيه رجة فالعربية - اشتري ولا لأ
 

السلام عليكم
أنا حجزت لوجان بلاك لاين نبتي الحمد لله والمعرض كلمني من يومين وقاللي إنها وصلت خلاص
أنا رحت فعلا امبارح وشفت العربية والملاحظة اللي عندي عليها إن صوت الموتور عالي ومخليني حاسس برجه في الدركسيون وتحت الكرسي. في المعرض قالولي إن دي بسبب إن العربية يادوب لسة خارجة وملحقتش تمشي تماما وإن الصوت ده والرجة هيختفوا بعد العربية متلين شوية وبالكتير قوي مع صيانة الألف هيكون الموضوع ده انتهى تماما. أنا عايز أعرف إيه رأيكم وخصوصا الناس اللي لسة شارية بلاك لاين جديد. بس ارجوكم السرعة في الرد علشان المفروض أرد على المعرض النهاردة ان شاء الله

شكرا
محمد عبد العال

رد: صوت الموتور عالي وفيه رجة فالعربية - اشتري ولا لأ
 

إيه يا جماعة الموضوع صعب كده!!!!
أفيدونا أفادكم الله

رد: صوت الموتور عالي وفيه رجة فالعربية - اشتري ولا لأ
 

معلش انا مش هقدر افيدك في الموضوع لقلة خبرتي .. بس ممكن سؤال ...
انت جبتها منين ؟ وبكام ؟ واستلمتها بعد قد ايه ؟؟

رد: صوت الموتور عالي وفيه رجة فالعربية - اشتري ولا لأ
 

السلام عليكم .

انا كمان حاجز بلاك لين ..

بس فى واحد صاحبى معاة العربية دى.. صوت الموتور عالى سنة . بس مفيش حاجة فى الديركسيون ..

وانا جربت اللوجان الهاف ابوشن . بردة صوتها عالى سنة .

بس مفيش حاجة ..

اتأكد الاول من الديركسيون تانى وكويس .. لو فية رجة انصحك متسيتلمش ..

لانى لما قريت عيوب العربية قبل ما احجز كل الناس قالت على صوت الموتور . بس محدش جاب سيرت الديركسيون..

رد: صوت الموتور عالي وفيه رجة فالعربية - اشتري ولا لأ
 

صوت ماتور اللوجان عالى
انما الباقى مفيش

رد: صوت الموتور عالي وفيه رجة فالعربية - اشتري ولا لأ
 

ماناخدش العربيه مافيش حاجه اسمها الصوت هيهدى بعد التليين بس تصيحه سيبك من اللوجان ده موتور واحد كامه 8 صباب تكنولوجيا قديمه صوت عالى للموتور ومافيش حل
:12F099~16::12F099~16:

رد: صوت الموتور عالي وفيه رجة فالعربية - اشتري ولا لأ
 

يا ريت بلاش فتي من غير تجربة - صوت الماتور بيختلف تماما بعد التللين فعلا الصوت فعلا بيبقي جرش وخشن اول ما بتجيب العربية ومن بعد اول 5000 الصوت بيخف تدريجيا لغاية ما توصل تقريبا لل 15000 الصوت بيبقي عادي جدا زي اي عربية انا كان معايا لانسر بومة 2007 والله صوت ماتورها كان اعلي من اللوجان - وبعدين مش معني ان الماتور 8 صباب انة تكنولوجيا قديمة بلاش ترديد للكلام بدون فهم ال 16 صباب لية مميزات وال 8 لية مميزات وممكن تقرا مميزات وعيوب كل واحد فيهم علي المنتدي لكن تقدر مثلا تقولي ماتور الفيرنا ال 16 صباب متصنع في العربية من سنة كام يعني التكنولوجيا اللي في الفيرنا كانت من سنة كام

وبالنسبة لصاحب الموضوع حضرتك اول ما حتستلم العربية حتلاقي في زنة في دواسة البنزين لو انت حساسية ايدك زيادة شوية ممكن تحس بيها فعلا في الدريكسيون وكل الكلام دا زي ما قلت لحضرتك حيروح مع الوقت واول صيانة ليك بعد 5000 مش 1000 واطمن جدا العربية ممتازة ومفيهاش اي عيب لا صناعة ولا تقفيل العربية معايا من 2010 يعني قربت علي السنتين والله ولله الحمد مفيهاش اي مشكلة ومابتكلفش اكتر من الصيانات اللي بفلوس لان صيانات ال 5000 ومضاعفاتها مجانية والتوكيل فوق الممتاز ومحترم للغاية وربنا يباركلك فيها ويكفيك شرها