مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   محتاره بين الاكسنت والفيرنا والساجا والبى واى دى (https://www.masrmotors.com/vb/showthread.php?t=69461)

ماء السماء 07-10-2011 03:31 AM
محتاره بين الاكسنت والفيرنا والساجا والبى واى دى
 
افيدونى افادكم الله
محتاجه عربيه اتوماتيك اقصاها 75000 جنيه وطالبه مساعدتك

hugo90 07-10-2011 03:38 AM
رد: محتاره بين الاكسنت والفيرنا والساجا والبى واى دى
 
سيبك من الفيرنا خليكي في الساجا والبى واى دى

ماء السماء 07-10-2011 03:41 AM
رد: محتاره بين الاكسنت والفيرنا والساجا والبى واى دى
 
شكرا ربنا يكرمك
بس ممكن توضحلى ليه

A7MED NASSER 07-10-2011 04:13 AM
رد: محتاره بين الاكسنت والفيرنا والساجا والبى واى دى
 
اهلا بيك اولا معانا في السايت هنا و نتمنا منك المشاركه الديمه معانا و عقبال ما تجيبي العربيه اللي نفسك فيها و اللي مرتحلها و تعمليلها تقير حصري لمصر موتورز هنا

ثانيا : النيو اكسنت ما عدتش موجوده خلاص اتوقفت من بعد ما نزلت الاكسنت ال RB

ثالثا نيجي لترشيح افضل سياره من ال (الفيرنا - BYD - البرتون ساجا)

1. الفيرنا الاتوماتيك عربيه ممتازه و عن تجربه و قطع غيارها مغرقه السوق و مصر كلها عرفاها و مشاكلها قليله جدا و تصلحيها سهل و مفهومه عن اي عربيه تانيه و سعرها الحالي في المصريه 78500

2. ال BYD اتوماتيك لو انتي متواجده في القاهره هرشحهالك في الخانه الاوله عربيه ممتازه و رفاهيه بلا حدود و لكن قطع غيارها مش متواجده في محافظات مصر غير في العاصمه القاهره بس و خبره و برضوا عربيه ناجحه و لكن في القاهره فقط و دي مش متواجده اتوماتيك الوقتي في المصريه

3. البروتون ساجا اتوماتيك عربيه روعه في الجمال و في الكماليات الغير محدوده و فعلا عربيه روعه و موفره جدا في البنزين علشان موتورها هي 1300 مش 1600 زي الفيرنا و ال BYD و برضوا مشكلتها في قطع غيارها قليله جدا و مشكله عن ال BYD كمان و سعرها الوقتي في المصريه ب 73000

انا قارنت ليكي بين كل عربيه و التانيه و انتي عليكي الاختيار و متابع معاكي الموضوع لو فيه اي استفسارات تانيه

corsair 07-10-2011 12:33 PM
رد: محتاره بين الاكسنت والفيرنا والساجا والبى واى دى
 
لو حضرتك قولتيلي عايزه ايه من العربية هقدر اقولك انسب عربية ايه

بالنسبة للاكسينت اتوقف انتاجها ومفيش غير الار بي

الفيرنا عربية بقالها فوق ال 8 سنين في السوق ومحدش اشتكي منها وعربية جميلة جدا والعربية معايا بقالها 3 سنين والحمد لله مفيش اي مشاكل وماسكه سعر في اعادة البيع وقطع غيارها في كل حته وصيانتها سهله

وربنا يوفقك لما فيه الخير

hugo90 07-10-2011 12:42 PM
رد: محتاره بين الاكسنت والفيرنا والساجا والبى واى دى
 
اقتباس:
المشاركة الأصلية كتبت بواسطة ماء السماء (المشاركة 528061)
شكرا ربنا يكرمك
بس ممكن توضحلى ليه

الفيرنا مشاكلها كتير غير انها واطيه وبتحك في المطبات وكمان مفيهاش ثبات في السرعات العالية
ده تقرير عن بروتون ساجا
http://masrmotors.com/vb/showthread.php?t=19956
والسعر الحالي في حدود 72900
وده بردو تقرير عن BYD
http://masrmotors.com/vb/showthread.php?t=42097

ماء السماء 09-10-2011 10:00 PM
رد: محتاره بين الاكسنت والفيرنا والساجا والبى واى دى
 
يا جماعه مش عارفه اشكركم ازاى بجد افادتونى
يعنى دلوقتى انا هافكر بين البى واى دى والساجا بس مياله للساجا اكتر بس فى ناس نصحونى انى ماجبش زيرو طالما فى مستعمل كويس انتو ايه رايكم خاصه انى مش معايا فلوس العربيه كلها كاش هاقسط يعنى ارجو انى اكون مازعجتكوش


الساعة الآن 12:46 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017