تجربة ناجحة جداً مع المنتدى - نيسان صني 2004
 

السلام عليكم و رحمة الله و بركاته
بداية، أحب أن أؤكد أن لي تجربة في منتهى النجاح مع الموقع، حيث كنت أعاني من مشكلة في السيارة (نيسان صني 2004) و دخت بيها على الورش و ذهبت بها إلى التوكيل، و كانت النتيجة لا شيئ إلا التعب و المصاريف. و بعد أن استمعت لنصيحة أخي بعرض مشكلتي في المنتدى، جاءتني إجابة مختصرة بسيطة في أقل من ساعتين زمان بعد أن قام الإخوة المسؤولون عن المنتدى بتحويلي إلى مسؤول القسم الياباني. إستمعت للنصيحة و انتهت معها معاناتي.
كان ذلك في شهر 9-2009، و منذ ذلك الحين و الحمد لله ليس في السيارة مشاكل كبيرة، و لكن الآن أشعر أن السيارة قد تعبت جداً، و مشاكلها تتلخص في ثلاثة أشياء رئيسية:

1. صوت الموتور عالي
2. رجة مستمرة
3. صوت تزييق مزعج جداً مع المطبات و عند الملفات.

و قد فكرت أن آخذ السيارة إلى التوكيل لعمل فحص ال10،000 كيلو، ثم آخذها إلى أحد الورش في الخارج لعمل اللازم، حيث أن أسعار قطع الغيار في التوكيل غالية نار، و ستكون تكلفة الكشف فقط مع تغيير الزيت و الفلاترفقط : 1000 ريال سعودي، و علي أن أدفع ثمن أي شيئ يلزم تغييره. لكن بعض الإخوة قال إنهم في التوكيل حرامية، و إني آخدها ورشة أفضل، لكن المشكلة إني لا أفهم في الميكانيكا، و الميكانيكية في السعودية عندنا هنا الفتي عندهم أسهل من شرب المية.
لذلك فضلت أن آخد رأيكم الأول: هل آخذها للتوكيل و أشتري راحتي بألف ريال وآخد منهم لستة بالحاجات اللي عايزة تتغير و أروح أعملها برة؟ و لا أروح من الأول عند ميكانيكي و أسيبه هو يعمل اللازم؟

متشكر ليكم جداً و جزاكم الله خيراً و أرجو الإفادة.

رد: تجربة ناجحة جداً مع النتدى
 

من رائيي ان انت تروح التوكيل وتاخد القايمه وتتعامل بره بدل ما تروح لحد متخلف يخربلك الدنيا وساعتها هتقول ياريتنى كنت دفعت الالف ريال:01FDAB~189:

رد: تجربة ناجحة جداً مع النتدى
 

و الله دا كان رأيي من الأول، و إنت أول واحد يوافقني عليه، كل الناس هنا بيقولوا إن التوكيل مابيكشفش على العربية كويس من جميع النواحي، و إنما بيكشفوا بشكل سطحي و بالكمبيوترمن غير ما يعملوا كشف حقيقي للهيكل أو العفشة أو من غير ما يعرضوا العربية لاختبارات كافية لمعرفة مشاكلها، يعني شغل كروتة و خلاص.

رد: تجربة ناجحة جداً مع النتدى
 

طيب ممكن اعرف هى العربيه عاملة كام كيلو معاك دلوقتى وايه اخر صيانة انت عملتها للعربيه امتى وغيرت فيها ايه ؟

رد: تجربة ناجحة جداً مع المنتدى - نيسان صني 2004
 

شكراً على الإهتمام
العربية عاملة 110،000 كيلو، و بصراحة ماعملتلهاش أي صيانة شاملة من ساعة ما اشترتها إلا الحاجات الضرورية: تغيير زيت و فلتر الزيت كل 2000-3000 كيلو، تيل الفرامل من حوالي 10 شهور، و فقط، و يعتبر استعمالي ليها متوسط، يعني 8000 كيلو في السنة. لكن مؤخراً بدأت تظهر عليها المشاكل اللي وضحتها، فقلت آخد رايكم في عمل صيانة شاملة.

رد: تجربة ناجحة جداً مع المنتدى - نيسان صني 2004
 

رد: تجربة ناجحة جداً مع المنتدى - نيسان صني 2004
 

كلام جميل جداً، و إن كنت بصراحة مش فاهم بعض المصطلحات اللي حضرتك استعملتها، أو بصراحة معظمها، لكن على العموم: بالنسبة للكاوتش، فده الحاجة الوحيدة اللي بتابعها باستمرار عشان إنت عارف إن الطرق هنا في السعودية كلها طرق سريعة، و أي مشكلة في الكوتش ممكن تسبب كارثة لا سمح الله.
عموماً، بعد رد حضرتك دا أنا أمامي حل من إثنين:
1- إما إن أنا أطبع رد حضرتك ده و أروح بيه عند ميكانيكي كويس يظبطهولي.
2- أو أروح توكيل نيسان يكشفوا على العربية و يدوني لستة فيها الحاجات اللي محتاجة تتظبط و بعدها آخدها أعملها برة.
النصيحة اللي حضرتك هتقولها هآخد بيها إن شاء الله.
جزاك الله خيراً على اهتمامك.