ياريت المساعده يا فيرنويه
 

من فتره شهرين عليت الدبرياج شويه علشان كان مديقني شويه كان واطي ولازم ادوس جامدللاخر ومعلتهوش كتير يعني يدوب بقي مستريح
من يومين سمعت صوت صرير شبه صوت صرصار الغيط اسف علي التشبيه بس فعلا نفس الصوت
انا عارف ان ده صوت بليه الدبرياج بس كنت بكدب نفسي علشان العربيه
2008 --1600 ماشيه 27000 كيلو فقط يعني مبمشيش بيها
وبعدين الصوت راح في نفس اليوم
النهارده الصوت رجع تاني ولما بدوس دبرياج بيروح
فوت علي الميكانيكي قالي نفس الكلام وقالي ان ده بيحصل للعربيات الي بتتاجر علشان بتتهللك وكان مستغرب حصلت معايا ازاي
ونصحني اغير طقم الدبرياج كامل
طبعا انا اتكدرت :pty:جدا جدا لان مكنتش احب اني افك لمبه من العربيه
فما بلكم حفك الجير بوكس بالكامل
فقلت اعرض الموضوع عليكم واشوف حتقولي ايه
وهل لما اغير اغيرفي التوكيل ولا اغير عند الميكانيكي وعلي فكره هو شاطر وثقه
وياريت لوحد يعرف تكلفه التغيرفي التوكيل كام
واشتري انهي نوع
ياريت يا جماعه تيفدوني في الموضوع ده
ولكم جزيل الشكر

رد: ياريت المساعده يا فيرنويه
 

أ.أيمن :السلام عليكم
كيف حالك
الموضوع بسيط جداً لانه يحدث احياناً والسيارة لم تكمل 2000كم بسبب ان غبور بيقفل بمواصفات رديئة من اجل التوفير ::014FDA~117:
:فى التوكيل الطقم كامل بالتركيب 2000 ج
فى الخارج توجد جودة متنوعة واسعار متنوعة
غير عند الميكانيكى بتاعك وقم بشراء افضل الانواع بنفسك
1.جرجس -شركة اطلس آخر شارع شمال من صلاح الدين
2. عبد الرازق فى النصف الاول من شارع صلاح الدين على الشمال
والله الموفق لما يحب ويرضى به عنا اجمعين

رد: ياريت المساعده يا فيرنويه
 

استاذ \ محمد فيصل
شكرا علي الرد والاهتمام جزاك الله كل خير
بس 2000 جنيه سعر اوفر جدا
انا فكرت ان حتبقي في حدود ال1000 جنيه
ان شاء الله اجيبه من بره واغيره عند الميكانيكي
بس ياريت لو عندك فكره عن الانواع واجودها
وهل ممكن الاقي طقم يكون صناعه ياباني
ولك كل الشكر

رد: ياريت المساعده يا فيرنويه
 

أ.أيمن الشكر لله يا اخى
السعر دة سعر غبور الحرامى
اما الانواع فهى متعددة وان شاء الله تجد نوع جيد

رد: ياريت المساعده يا فيرنويه
 

الديسك والأسطوانة والبلية من عند أيزو او سيد نور الى فى الأميرية ب 350 جنية وعلى فكرة الحمد الله أنا مركبهم من سنة والحمد الله ((( الله أكبر )) زى الفل وتكلفة التركيب عند واحد شغال فى التوكيل الصبح ومش بيفك الكبالن يعنى من غير مينزل الفتيس كانت 200 جنية
والحمد الله رجعت زى الفل زى مكانت

رد: ياريت المساعده يا فيرنويه
 

السلام عليكم استاذ ايمن بما اننا من اسكندرية ياريت تقولى بتتعامل مع مين من الميكانيكية

رد: ياريت المساعده يا فيرنويه
 

والله على ما اقول شهيد
والله يا جماعة دا مش بلية ولا لية علاقة بالمجموعة نهائى كنت زيك واول ما المس دبرياج الصوت يروح ورحت عند كذا ميكانيكى ولفيت ودوخت وكلة اجمع على انها بلية طبعا انا عندى خبرة كفاية بالميكانيكا فمش اى كلام اصدقة وبالعقل كدا لو بلية يبقى ازاى ادوس دبرياج الصوت يروح البلية لو تعرفوا ادوس دبرياج تشتغل هيا يعنى لو فية عيب هيظهر لما ادوس دبرياج مش لما اشيل رجلى
المهم رحت توكيل غبور اللى فى السويس بالله عليك يا استاذى ما تلعب فى العربية خد رقم المهندس اهه 0105185909
مهندس محمد طاهر
الراجل دا بيفهم جدا والناس شاطرة اوى وقولة بس انا جاى تبع محمد اللى معاة فيرنا وكان عندة صوت وحضرتك قلتلة انة الصوت دا صرير وصلحتة الجملة دى هتفكرة بيا على طول لانى جادلت معاة عشان اعرف العيب وهو حلف بالله انة مش هيقول وضحكت معاة وكان يوم طويل ولف ميكانيكيا وحوار وهو ما شاء الله بالضبط ساعة وسلمنى العربية
بس للاسف لازم تدقع 150 لانة هيدخلها على انها صيانة كاملة وهو بالمرة يشيك على العربية انما مش بلية ولا اى حاجة لانى جادلت معاة وقالى المجموعة سليمة وجابلى سيرة انة مشكلة فى الفورش لو تعرفة جمب الفتيس بس مذكرش العيب من اية وخدنى فى الكلام ارجوك اخى العربية جديدة ماتلعبش فيها صدقنى مشوار بسيط تحل المشكلة ان شاء الله بس اتصل بية الاول وقولة على العيب واحجز وقول للبنت اللى هترد عليك انا عايز مهندس محمد اكلمة متقفلش الا لما تكلمة وتقولة دا اللى اعرفة عايز تعملها عند فى اى مركز تانى عادى قولة فى واحد عملها فى السويس وقولة اسم المهندس وهو يتصل بية ويعرف العيب سهلة وبتتعمل كتتييير جدا من المراكز المعتمدة
وربنا يوفقك ويستر طريقنا ومتعرفش اد اية الصوت دا لطخ بمعنى الكلمة :fun_36_3_4[1]: