|
هو فى بلد بتعمل كده فى المخالفات !! حكايتى
اشتريت عربيه بتوكيل من كذا شهر جه وقت التجديد ونقل الملكيه روحت اجيب شهاده مخالفات عشان انقل الملكيه باسمى فوجئت ان عليها 1200 جنيه على المالك القديم مع انى واخد شهاده مخالفات منه وانا بشترى حتى تاريخ الشراء مكنش عليها ولا شلن اقول للموظف ازاى يقولى المخالفات بتاخد وقت عقبال ما تتسجل يعنى نظام تخلف امال كمبيوتر ايه وبتنجان ايه وايه ذنبى وانا واخد شهاده مخالفات قبل ما اشترى البلد عايزه تتنسف, بكل اسف النظام مسقطش مجرد خلع رئيس المهم قالى روح مرور الدراسه اعمل تظلم يا ترى ممكن يجيب نتيجه؟ |
رد: هو فى بلد بتعمل كده فى المخالفات !! حكايتى
ياسيدي مفيش فايدة دا اشتريت العربية و نقلت ملكية و رخصت وجددت لمدة سنتين بدون مخالفات و بعد اربع سنين .. ألاقي مخالفة 325 جنيه بتاريخ بعد شراء العربية ب 10 أيام في طريق المنيا سرعة زائدة .. و عمري مارحت المنيا ابدا و لا طريق الصعيد بعربيتي او بغيرها .. و في الأخر دفعت المخالفة بالرغم من أني كنت طلعت شهادتين مخالفات من قبلها .. شوفت بقا .. ربنا يرحمنا مفيش فايدة ..
|
رد: هو فى بلد بتعمل كده فى المخالفات !! حكايتى
باشا متدفعش حاجه وحاول تخش لوكيل النيابه اللى فى المرور بالتوكيل اللى انت عامله وعقد البيع المسجل وهو هيشلك المخالفات ديه
انا لسه عامل الموضوع ده اول امبارح وشال المخالفه من عليه من غير اى واسطه بس هو وكيل نيابه محترم جدا ربنا يكرمه وده كان فى مرور السلام |
رد: هو فى بلد بتعمل كده فى المخالفات !! حكايتى
اقتباس:
الله يطمنك بس المشكله انى اشتريت بتوكيل والعقد لسه عمله من يومين والموظف اما سألنى اكد عليا اوى انت شارى بتوكيل ولا بعقد هى بتفرق يا هشهش؟ |
رد: هو فى بلد بتعمل كده فى المخالفات !! حكايتى
عملت تظلم فى نيابه الدراسه وربنا يسهل بعد يومين النتيجه
نتيجه مش كويسه فى حاجه اسمها معارضه وربنا يسهل نسيت اقول الموظف بيقولى فى مخالفات بتتسجل بعد 3 سنين ! |
رد: هو فى بلد بتعمل كده فى المخالفات !! حكايتى
للاسف كل الدنيا بتشتكى من الموضوع دة لانة فعلا فية ظلم بين على المشترى
طيب قدر ان كان فى قضية او نصيبة عملها البائع !!!للاسف الكمبيوتر اصبح عبأ على المرور مش بيسهل لان الكلمة المعتاد تسمعها السيستم وقع او الكمبيوتر عطلان وكمان اللى شغال على الجهاز نفسة عادة تلاقيها سيدة فوق الاربعين من العمر وبتشتغل بصباع واحد اللى جنب الكبير يعنى عقبال ما تدخل بيانات الرخصة بتاخد وقت كبير جدا انا كنت لسة فى مرور السلام يوم الاحد الماضى ولقيت كل الكلام اللى حضرتك بتقول علية دة والناس اللى كان عليهم مخالفات فوق الـ 1000 جنية الموظفة تقولة هاتدفع ولا تروح الدراسة تتظلم كتير فى الاول قال هاتظلم ولما يبص لمنظر الطابور اللى هو وقفة يقول لا خلاص هادفع ويحسبن عليهم على فكرة انا كنت بجيب شهادة مخالفات من مرور السلام ووقف طابور ابتداء من الساعة 9 صباحا لغاية 2 ظهرا نقول مثلا 200 واحد بس اللى اخدو شهادة مخافات 200 زيهم اللى جايين بالواسطة واللى اتعاملو مع المرتزقة اللى هناك بالفلوس وانا شوفتهم بعينى ناس جت بعد منى بساعات ومشيو قبل منى وتيجى تكلم بتاع الخزنة يؤلك هو انا اعرفك عشان اعطلك اللى بيجيلى بنده علية اجابات محفوظة وجهزة رخصة العربية كانت هاتنتهى فى 26/9 رحت يوم 25 عشان انا عارف كويس جدا مرور السلام وانصافا للحق وزى ما قلت الوحش لازم اقول الحلو تانى يوم اللى هو يوم 26 رحت اجيب شهادة بيانات لان شارى بتصريح وقفت ادام موظف اسمة " البير " نصحنى انى ادفع الضريبة فى مرور السلام لان النهردة اخر يوم وهايؤلك فى المرور بتاعك روح ادفعها فى السلام بدل ما ادفع ضريبة وتلت رديت علية وقلتلة لا ان شاء الله هالحق سالنى انت مرور اية رديت قلتلة مرور الشروق قالى ياااااة دة بعيد ومش هاتلحق تروح قلتلة خليها على الله ....... بمنتهى الامانة خلى العسكرى يجيب الدوسية بتاعى وعملى الشهادة وانا واقف واستلمتها بعد خمس دقايق وكان كلامة انا مشيتك عشان تلحق وقتك ....طبعا قلت يبقى اكيد عاوز فلوس لكن دة محصلش ودة احقاقا للحق |
رد: هو فى بلد بتعمل كده فى المخالفات !! حكايتى
تم تخفيض المخالفات الى 510 جنيه بعد التظلم
|
| الساعة الآن 09:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017