المشاركة الأصلية كتبت بواسطة احمد على 1999 (المشاركة 521039)

فعلا الفرامل بتعتمد علي خرطوم فيكم الهواء لعمل سيرفو الفرامل و العربية دايرة

أما بأه الخرطوم الي في الصورة هل تقدر توصفلي هو واصل في أيه الناحية التانية
لانه لو بتاع صمام البيئة ففكه مفيد للعربية و مضر للبيئة

المشاركة الأصلية كتبت بواسطة حبيب الناس (المشاركة 521068)

الاخ romioromio اولا احب اطمنئن حضرتك لا تقلك
ثانيا متخليش اي حد مهما كان يلعب في اي شيئ في العربيه الا ازا كان اهل ثقه يعني يكون حد فاهم كويس

والله هي ده مشكله عندي
اي حد من صحابي بيلعبلي في العربيه
مثلا اللي قاعد جنبي تلاقيه بيفتح ويقفل التكييف عادي كانه لعبه ويلعب في التابلوه

لدرجه ان مره واقف مع واحد زميلي ووفتحت الكبوت عشا افرجه عالموتور
بقله ايه ده قاللي ده علبة الفيوزات
لقيت واحد تاني صاحبه فكها وطلعهالي في ايده
من غير ما حد يكلمه كده
انا مبرضاش احرج حد الصراحه

اخيرا بقي لقيت زميلي ده يوم الجمعه برده وانا بفرجه قعد يفك الخراطيم ويركبها
لدرجة قاللي انت عربيتك اي حد يفكها ويركبها وهو مغمض
حتي بص......قام قعد يفك الكابلات ويركبها ...ههههههههه

ثالثا نحب نعرف نوع عربيه حضرتك ايه وايه اخبراها قبل ما صحبك يلعب في الماتور يعني التنتيشه ده ظهرت بعد ما صااحبك لعب في الماتور ولا كانت موجوده بس علي خفيف

العربيه ليجانزا 2002 مانوال
الماتور كان تمام بالعكس السحب كان رائع وانا خليت سواق عندي في الشغل يسوقها
وكانت تمام
لكن انا زميلي شال خراطيم وركبها تاني
وفي خرطوم هو مكانش فاكر كان راكب ولا
قركبناه وخلاص
بس اول ما سيبته لقيتها بتنتش
بس انا حوصفلك بالضبط

علي السلانسيه عادي يعني
وانا طالع ساعات بتبرجل كده لازم اكبس بنزين جامد
عالتاني لما ارفع رجلي من البنزين مره واحده بتنط كده

لكن علي باقي الغيارات عادي
كمان بحس ان انا بقيت لازم اكبس بنزين عن الاول
كمان انا ملاحظ ان المشكله ده اكتر لما العربيه تكون بارده
لكن لما اروح كام مشوار عادي

انا كمان غالبا راكن العربيه طول اليوم يا دوب ممكن امشي كل يوم 10 كيلو علي اقصي تقدير:12422A~17:
لاني الاول كنت بركبها كتير ووزني زا الصراحه :011:



وكمان يا ريت تكتب كل معلومات العربيه يعني العربيه انجكشن ولا كربيراتير واسبراتير عادي ولا الكتروني العربيه عامله كام كيلومتر (قرايه العداد) اخبار الصيانات امتي غيرت زيوت سيور بوجيهات ولو اسبراتير عادي امتي غيرت الابلاتين والكوندنسر

بص الصراحه انا جديد فانا مش عارف الحاجات ده قوي يعني مش عارف ايه هو الابلاتين ولا الكوندينسر
انا مره وديتها لميكانيكي معرفة زميلي
سبتهاله يوم وقلتله ظبتها وماسالتوش عمل ايه الصراحه

لان المشكله اللي بتقولها الاولانيه وهيا التنتيش ده مشكله في قلة وصول الكهرباء وشرارة الاشغال للبنيزن فبيكون الحرق ضعيف وده يسبب تقطيع في السرعات البطيئه صوبه في دوارة السيارة استهلاك بنزين زائد تبطيل الماتور في السلانسيه يعني لو العربيه مش ماشيه
وحل المشكله تقريبا يا اما تغيير بوجيهات او صيانه الابلاتين او تغييره هوا والكوندنسر ونظافه وش التقسيمه (كوبيه توزيه الشرارة علي البوطيهات) ,


والله انا كل اما اوديها لواحد يعمل اي حاجه بتبوظ مش عارف ليه
انا كرهت الصنايعيه
بحاول اتعايش مع اي مشكله لو بسيطه ايه ياترى

لدرجة ان لمبة اتشك منوره وكل ما اسال حد يقولي راي
فسايبها كده وخلاص ادام ماشيه:lvly:


المشكله الثانيه وهيا ليست بمشكله لان نظام الفرامل في عربيه حضرتك بعتمد علي حركة الماتور لانها فرامل هيدرولك وتعتمد اعتماد كلي علي سرعة الماتور فكلما كانت سرعة الماتور عاليه فتحتاج لمجهود اقل في استعمال الفرامل ولكن اذا كان الماتور لا يعمل فسوف تحتاج لمجهود كبير للضغط علي دواسه الفرامل لايقاف السياره لان عندما تضغط علي بدال الفرامل فانت تضغط علي زيت باكم وبدوره يقوم يالتوزيع علي الاربعه عجلات حتي يضغت هذا الزيت علي التيل حتي تقف السيارة فهذا الامر طبيعي انه لم يكون الماتور لا يعمل عندما تضغط علي الفرامل الضغطه العاديه فان الفرامل تستجيب ببطء ففي هذه الحالة يجب ان تضغط ضغطه قويه علي البدال حتي تستجيب الفرامل

ارجو ان اكون وضحت لحضرت المشكله وتقبل تقديري