تيدا ولا بومة ؟؟
 

يا ريت اللى يعرف الفرق بين الاتنين

يا ترى البومة أحسن ولا التيدا ؟

الاتنين 1600 سى سى ، سعرهم واحد تقريبا 115 ألف

وايه اللى يميز واحدة فيهم عن التانية ؟

رد: تيدا ولا بومة ؟؟
 

التيدا اخف و بالتالي تسارعها افضل بكثير و استهلاكها للوقد احسن لاكن ثباتها موش اد كدة و هي من يباني لاكن بتصميم فرنسي من رينو.
الانسر هي 128 الالفيه بالنسبة للمصريين فقط

رد: تيدا ولا بومة ؟؟
 

التيدا عربية جميلة وجراية وماتورها على وزنها جميل وواسعة من جوة جدا تحسسك إنك راكب ماتريكس سقفها عالي كمان مميزاتها كتير قوي وفوق دا كله ياباني والنيسان وكيل نضيف أحسن من حاجات كتير.
بالتوفيق في الإختيار إنشاء الله.

رد: تيدا ولا بومة ؟؟
 

ارشح نيسان تيدا

رد: تيدا ولا بومة ؟؟
 

طب هى أنهو فيهم اللى تستحمل الوزن أكتر؟
عشان المطبات وكده

رد: تيدا ولا بومة ؟؟
 

التيدا طبعا تتحمل الاعداد الكبيرة لانها أعلى من اللانسر بكتييير

رد: تيدا ولا بومة ؟؟
 

لو على تحمل الوزن الاكثر خليك فى النيسان صنى ليه بقى النيسان صنى سياره قطع غيارها سهله ومنتشره جدا واسعارها مقبوله غير كده بقى صيانتها نفسها سهله مش عويصه زى التيدا تحب تغير بوجيهات مثلا تفك حاجات كتير عشان توصل ليها غير كده سعر اعاده البيع ماسك نفسه جدا صاج قوى كماليات عاليه فى الفئه السوبر صالون بالزات سعر منافس جدا الخلاصه سياره الكل فى 1 يعنى فيها مزايا كتير لا تتوافر فى اى سياره اخرى مثيله بسعر تنافسى وكويس جدا وعيوبها محدوده جدا بالمقارنه بأمكانيتها وبالمقارنه ايضا بالانسر البوما مش حتلائى فيها مزايا الصنى العديده اتمنى اكون افدتك ومتنساش الاستخاره قبل كل شيىء والله الموفق