![]() |
مطلوب دراسة من ذوى الخبرة فى العربية فورد مونديو
اصدقائى الاعزاء عايز اشترى عربية استعمال فورد مونديو لان عاجبنى سعرها استعمال لكن اصحابى بتخوفنى منها عشان قطع الغيار وعدم توافرها وخلافة وان الميكانيكية العاديين مش بيعرفو فيها يعنى لازم ترتبط بالتوكيل ياريت لو سمحتم لوفيه حد عنده اى معلومة اومالك للسيارة مونديو يقول عيوبها ومميزاتها واماكن قطع الغيار لانى مشكلتى انا عايش فى الغردقة يعنى بعيد عن القاهرة جدا
|
رد: مطلوب دراسة من ذوى الخبرة فى العربية فورد مونديو
السلام عليكم
انا كنت بفكر اجيب العربية دى برده يا باشا و سمعت نفس اللى انت سمعته انا عايش فى الكويت و حتى هنا العربية دى قطع غيارها غالية بالنسبة لتمن العربية كلها يعنى و اعرف انها فى مصر اغلى من هنا شوية كمان غير كدة السيارة سيئة السمعة لكثرة اعطالها و متهيالى لو ماكانتش كدة ماكنوش ملاكها باعوها بسعر قليل و ربنا يوفقك للى فيه الخير |
رد: مطلوب دراسة من ذوى الخبرة فى العربية فورد مونديو
بالضبط كده
العربيه قطع غيارها غاليه و مش موجوده كانت مع واحد صاحبي وباعها بسأله ليه قالي قطعه الغياراللي كنت بجيبها ب 200 جنيه ايام رجب فورد لما كان ماسك التوكيل دلوقتي بدفع فيها 900 جنيه و بلاقيها بالعافيه!!!!!!! |
رد: مطلوب دراسة من ذوى الخبرة فى العربية فورد مونديو
ان كنت بفكر اجبها لواحد قريبى هية عربية ممتازة وادائها ممتاز جدا ولكن قطع غيارها ناقصة وغاليا فى التوكيل او برة التوكيل وكمان من اول موديلات 97 وانتة طالع تافيل اسبانى بس الحق والامانة هى عربية خرافة
|
رد: مطلوب دراسة من ذوى الخبرة فى العربية فورد مونديو
طيب ياجماعة انا شكر لاهتمامكم لكن فية لها قطع غيار فى بورسعيد استعمال الخارج زى السيفيك مثلا
واية رايكم فى الفورد اسكورت وهى نفس مشكله المونديو والا لأ |
رد: مطلوب دراسة من ذوى الخبرة فى العربية فورد مونديو
طيب انا مختلف مع الكل
قطع الغيار ايام رجب كانت اغلي قطع غيار الفورد الاوروبي انا كاتب اماكن توافرها في موضوع مستقل قطع غيار الفورد غالية نسبيا علشان عمرها الافتراضي عالي جدا ثبات الفورد لما تركبها هاتلاقيه فوق تخيلك و احتياجك يعني كل الي اعرفهم معاهم مونديو بيتحاكو عن ثباتها على سرعات فوق 180 موضوع الميكانيكية فيه ميكانيكية كتير متخصصين فورد اشهرهم قطب في شارع بركة الرطل في الضاهر و غيرة كتير كانوا شغالين في التوكيل و سابوه و فتحوا ورش لحسابهم |
رد: مطلوب دراسة من ذوى الخبرة فى العربية فورد مونديو
بص يا باشا العربية دي قطع غيارها غالية نار يعني مثلا قاعدة الماتور الي مفيهاش اي تكنولوجيا ب 350 جنية فما بالك بالحاجات الي فيها صناعة هتبقي بكام
|
الساعة الآن 11:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017