مساعدة من اهل الخبرة بخصوص السماعات
لو سمحت ممكن اعرف
هل ينفع اركب صب الكمبيوتر في العربية؟ ولو ينفع ممكن شرح التوصيله |
رد: مساعدة من اهل الخبرة بخصوص السماعات
مممممم بص هو كل حاجة ينفع تتوصل بس الصب بيشتغل على كهرباء 220 فلازم محول علشان يشتغل بكهربة البطارية وبعدين هتحط السماعات فين فى العربية
الاسهل انك تجيب سماعات لوحدها وتوصلها عادى وبدل الامبليفير بتاع الصب تركبها على ايكوليزر عربيات عادى |
رد: مساعدة من اهل الخبرة بخصوص السماعات
تمام يا ابونورا متشكر ياباشا
|
رد: مساعدة من اهل الخبرة بخصوص السماعات
على فكرة الموضوع مش صعب و لا اي حاجة الفكرة كلها ان اي صب لازم يشتغل على محول بيبقى غالباً جواه (يعني بياخد الكهربا ال 220 و يحولها 12 عشان يقدر يشتغل ) و بمجرد انك تلغي المحول ده و دائرة تحويل الكهربا بتاعته ينفع تشغله على كهرباء العربية اي واحد بتاع الكترونيات ممكن يعملهالك |
رد: مساعدة من اهل الخبرة بخصوص السماعات
هو الصب الاول ايه ؟؟ و المحول بتاعه من بره ولا من جوه
و عموما ينفع |
رد: مساعدة من اهل الخبرة بخصوص السماعات
اقتباس:
احب اضيف نقطة .. ان صبات كرييتف بتشتغل 12 فولت .. وهتلاقى دة مكتوب علي الاستيكر من الخارج تقدر تفصل دايرة التحويل بكل سهولة ويسر وبدون قطع .. بعد كدة لو محتاج ترجع الصبات للبيت بتركب الدايرة بسلك زى مهو بكل سهولة وباردو بدون متقطع حاجة .. انا كنت ف صدد الموضوع دة ولفيت علية .. وواجهتنى مشكلتين فقط لا غير : 1 - هتحطهم فين ف العربية ؟؟ هياخدو مساحة .. بالاضافة الى شكلهم مش هيكون لطيف ! 2 - الصب شغال 12 فولت وحضرتك وصلتة وشغال تمام زى الفل والعربية مبطلة على البطارية ياتري اية الاداء لما العربية تكون دايرة !! توقعى ان السماعات هتتحرق من فولتات الدينمو ! وبالتالى محتاج مـقاومة تقلل الفولت .. بعد كدة هل انت متأكد مليون ف المية ان بعد تركيب المقاومة وتشغيل الصب .. مش هيحصل شوشرة او صوت وش .. او اي صوت تداخل بين سماعات الصب والعربية ؟ وخصوصا الراديو ؟ .. دى الاسباب اللى خلتنى اتجاهل الموضوع . حبيت افيدك وممكن نفكر ونجرب سوي .. انا بحب الالكترونيات عموما .. لو ناوي ممكن تجيب المقاومة وصب كريتيف . ومش هيخسر تقدر تستخدمة ف البيت .. انا معاك عموما نفكر سوي |
رد: مساعدة من اهل الخبرة بخصوص السماعات
اقتباس:
بالنسبة للشكل هيبقى مش حلو لو فضل مفرط لكن لو اتسقط صح هيبقى مش وحش |
الساعة الآن 05:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017