السلام عليكم ورحمة الله وبركاته

هحكيلكم قصتى فى كيفية استخراج الرخصة
نبتدى الحكاية
احنا جبنا العربية من حوالى 3 شهور وكان عندى 17 سنه وعشر شهور وطبعا مش عاوز اقولكم الشهرين دوول عادوا عليا بطلووع الروح يمكن الشهرين دول عادوا ابطاء من ال 17 سنه وعشر شهور اللى فاتو المهم قولت انا اول ما يجى عيد ميلادى تانى يوم هكون بطلع الرخصه بس للاسف عيد ميلادى جه يوم 29 رمضان يعنى وقفة العيد وطبعا مر حوالى اسبوعين فى منتهى البطء ابطء من الشهرين اللى استنيتهوم وطبعا كان لازم اطلع الرخصه لان مفيش حد عندنا بيعرف يسوق غيرى فى الاسره كلها وكنت عاوز اطلع بقى بره حدودى اللى كونت بسوق فيها وكانت حوالى 3 كيلو بين دار السلام والمعادى والحمد لله طول ما كونت بسوق من غير رخصه عمرى ما كان بيقبلنى اى كمين غير النهارده طبعا انا طلعتها خلاص رايح من المعادى لدار السلام لقيت كمين بيقولى رخصك ولما لقى كله تمام قالى طيب لو سمحت شيل الاستيكر اللى لازقه على الزجاج الامامى اللى بيقلل الشمس استيكر كده ب 20 جنيه بيتحط على الزجاج الامامى علشان الشمس المهم قلتله حاضر هبقى اشيلة المهم نرجع لموضوعنا طبعا خلاص عدى الشهرين وبعديهم الاسبوعين لاقيت خالى بيقولى انا رايح اعمل رخصه من البساتين طبعا ما امتحنش اشارات ولا حاجه VIP بقى بس جيه على العملى الظابط قاله لو جبتلى مين مش هتطلع غير لما تجيب عربية وتسوق ادامى راح طبعا اليوم اللى وراه خد العربية بتاعتى وراح اختبر وبصراحه خدها فى وقت قياسى بجد والله وكان الاختبار انك بتمشى ادام شوية وبعد كده بتكسر شمال جامد وبتدخل دخلة وبعد كده ترجع ده تانى بظهرك وفعلا خالى اختبر فى وقت قياسى لا يتعدى ال 20 ثانية لانه اصلا بيعرف يسوق وهو سويق جامد شوية
المهم عدى اسبوع تانى وقلتله انا رايح انا وواحد صاحبى نعمل الرخصة فى مرور المعادى قالى طيب انا جاى معاكم قلتله ماشى المهم جه معانا اولا حاجه تانية غير البستيين نهائى وعربيات بتفحص غير العربيات اللى بتفحص فى البساتييين نهائى عربيات كلها ملهاش حل الباساتين العربية تبقى عايزه عربية حتى الناس اللى فى المرور اغلبهم لابس شيك بطريقة فظيعه غير البساتين ناس رايحه بجلابية ههههههههه
المهم خلصنا الورق فى مده متتعداش الخمس دقائق وبعد كده لقيتهم بيقولولى روح اركب عربيتك واستنى جنب الباب هنا رحت راكب مفيش نصف ساعه رحت داخل ومختبر والاختبار عبارة عن حرف U تدخلة وتلف اللفة وتمشى على طول ولا ترجع بظهرك ولا بتاع وكان كل اللى بيختبروا هما 4 وصحبى معايا المهم رحت داخل ورحت لافف الملف وعدلت وطلعت خلاص كده الظابط قالى روح ادفع المصاريف على طول ولا امتحان اشارات ولا بتنجان روحت دافع 50 جنيه وهوب اتصورت وهب عشر دقايق كمان الرخصه طلعت وفى اقل من ساعه طلعت الرخصه الحمد لله ومش عارف ايه كل افلام الرعب اللى الناس بتكتبها عن استخراج رخصة السواقه ديه اهيه ولا وسطه وبتاع وكله زى السكينه فى الحلاوه وفى اقل من ساعه واحده بس
وطبعا من خلال تجربتى ان مرور البساتين ده ابن تييييييييت
وزحمة والحاجه بتمشى بالعافية وبصراحه تكره اليوم اللى اتولدت فيه من كل حاجه ناس وروتين وكله بس بقى لو روحت مرور المعادى ياعينى على المعادى والله تبقى عاوز تزورهم تسلم عليهم كل ما تعدى عليهم بالعربية نضافة وروقان واشجار مزروعه وحاجه فل والله وفعلا بحمد ربنا انى من المعادى
وبس هيه ديه كانت تجريبتى الكاملة فى المرور

سبحان الله وبحمده سبحان الله العظيم
اللهم اغفر للمسلمين والمسلمات الاحياء منهم والاموات
و
اخر كلامى ان الحمد لله رب العالمين
اخوكم فى الله سيد

المشاركة الأصلية كتبت بواسطة محمد فيصل (المشاركة 517286) الف مبروك الرخصة كفاك الله شر الطريق وشر كماين المرور والبوابات