صيانه الخليجى فى التوكيل
 

السلام عليكم ورحمه الله و بركاته
سؤال لأهل الخبرة أنا سمعت النهارده من واحد صاحبى على موضوع غريب جدا وهو انك ممكن تدخل عربيه خليجى تحت ضمان الوكيل كالتالى :
أول ما تستلم الأفراج الجمركى بتاع العربيه ( قبل ما ترخص أو تعمل أى حاجه ) تروح على التوكيل على طول وتعمل إختبار أسمه pre-delivery inspection (PDI) test
ولو العربيه عدت الأختبار ده تدفع 2000 جنيه وتستلم كتالوج صيانه وعليه رقم شاسيه وموتور العربيه ويتختم من الوكيل
الكلام ده من واحد صاحب معرض سيارات فى مصر الجديده وعنده الألنترا الخليجى هاى لاين ب 138 الف يعنى لو الحوار ده أتعمل العربيه تقف ب 140 الف وبيقول لو العربيه ما عدتش الأختبار بتاعتى
يا ريت يا جماعه حد يفيدنا فى الموضوع ده .
و شكراً جزيلاً

رد: صيانه الخليجى فى التوكيل
 

طب ده حاجة جامدة جدا .. حد يشوفلنا الموضوع ده يا جماعة

رد: صيانه الخليجى فى التوكيل
 

طب و مواصفات ال هاي لاين الخليجي ال ب 140 ايه ؟؟

رد: صيانه الخليجى فى التوكيل
 

على حسب الكلام اللى الراجل قاله لصاحبى هى نفس مواصفات الهاى لاين بتاعه غبور اللى ب 155 الف و فيها جنط 17

رد: صيانه الخليجى فى التوكيل
 

ممكن تقول ايه المواصفات بتاعة الخليجي اللي قالك عليها وهل فرش جلد ولا لأ
او حتى تليفون الراجل ايه
أنا حاليا المفروض أستلم واحدة خليجي وكل شوية السعر يختلف والمواصفات كمان والكلام في حدود 148 من غير فرش جلد ولا جي بي اس
فياريت أعرف منك معرض ايه اللي بتتكلم عنه لأني المفروض استلم النهاردة أو بكرة

رد: صيانه الخليجى فى التوكيل
 

د خالد لو ب 148 و خليجي يبقى اكيد فيها جي بي اس .. السؤال على ال ب 142 و ممكن تنزل ل 138.5 هل
هي هي ال ب 148 و ده مجرد اختلاف في السعر و لا في الكماليات كمان .. و يا ريت الاخ صاحب الموضوع يجيبلنا
اسم الاجنس علشان باذن الله انزل النهارده ابص عليها

رد: صيانه الخليجى فى التوكيل
 

صدقني كنت فاكر زيك كده
لكن اللي اكتشفته ان كل واحد بكلام والخليجي تعدد مواصفاته أكتر من التوكيل
اللي بتكلم عنها
ABS ايرباج واحدة فتحة سقف تكييف تاتش حساسات وجنط 16 وفرش عادي وطبعا طارة مالتي وب 146 ونص
شفت غيرها ABS ايرباج واحدة فتحة سقف تكييف تاتش وكاميرا خلفية وشاشة وبصمة وجنط 15 وب 149
وفي زيها تقريبا جنط 17 بنفس السعر بس لون أبيض فقط
على فكرة الكلام من كذا معرض معروف ووقت الجد هو ده اللي بلاقيه يعني انا اسمع واحد يقولي 142 و145 وبعدين أروح ألاقي مواصفات مختلفة وألاقي اللي يقولي هجيبهالك
ياريت لو في حد شاف بعينه حاجة يقولنا