تسريب زيت المكنة من اسفل
 

عندي تسريب زيت من كارتيرة الزيت هل ممكن تتلحم العلبة ولا لازم تتغير ولو هاتتغير يا تري هاتتكلف كام

رد: تسريب زيت المكنة من اسفل
 

رد: تسريب زيت المكنة من اسفل
 

الاخ العزيز زيزو / لقد مررت بنفس تجربتك ولكنها كانت اشد ايلاماً لانى كنت بشوف الزيت بينقط قدام عينى ومش عارف بينقط منيين تخيل اننى حليت الفتيس مرتين وغيرت زيت الموتور والفلتر مرتين وغيرت كرتيرة زيت الفتيس مرة والزيت نفسة مرتين وفى النهاية طلع العيب من اولسيل الكرنك بين الموتور والفتيس تحديداً مع انى غيرتة فى احد مرات حل الفتيس ومكانة وراء مجموعة الدبرياج 0
من غير ما اطول عليك كرتيرة زيت الموتور للسيارة اللانوس هتلقيها ان شاء الله جديدة بحوالى 140 او 150 جنية من عند البنا فى التوفيقية شارع زكى
او استيراد بحوالى 90-100 جنية ، وفى ملاحظة جبارة ياريت اللى يركبهولك ميركبوش بجوان عادى ياريت يكون سيليكون زى الفبريكة لان الجوان العادى جربتة مرتين وفضل ينقط بردك وربنا معاك ويسهلك الحال ان شاء الله

رد: تسريب زيت المكنة من اسفل
 

تسلم يااستاذ شريف وتسلم يا استاذ سكر علي الرد الوافي وياريت تقولي المصنعية عملت كام لما غيرت كاتيرة الزيت وياريت كمان تقولي تكلفة تغيير اويل سيل الكرنك كام لاني زي ماحضرتك بتقول مش متاكد بنسبة100% اذا كان الزيت بينقط من الكرتيرة ولا ممكن يكون من اويل سيل زي حضرتك ما اتفضلت وقلت واسف علي الاطالة وجزاكم اللة خيرا

رد: تسريب زيت المكنة من اسفل
 

ان شاء الله هاغسل المكنة كويس وهاروح للميكانيكي علشان يقدر بالضبط يعرف مكان التسريب منين

رد: تسريب زيت المكنة من اسفل
 

زميلى العزيز زيزو بالنسبة لتغير الكارتيرة
1- كارتيرة اصلى من البنا 140 او 150 جنية مش فاكر والكلام دة من شهر تقريبا
2- لو هتغير الكرتيرة فى مركز خدمة هيكون 60 جنية بالتركيب والسيليكون بس الكرتيرة انتا تجبها لانها عندهم بى 350 جنية بالتركيب
3- لو هاغيرها عند ميكانيكى يبقى لازم يكون بيفهم فى العربيا دية لان الميكانيكية قليل منهم من يشتغل بسيلكون بدلا من الجوانات وان افضل السيلكون لانة بتاع الفابريكة والمصنعية مش هتذيد عن 20 او 25 جنية وانتا اللى تشترى السيلكون
4- بالنسبة لسؤالك الاخير بتاع اولسيل الكرنك دة بقى تقيل شوية لية لان اولسيل الكرنك الاصلى بى 75 جنية ولو رحت اشتريتة مش الاصلى بى 25 جنية بس الفرق بين الاصلى والغير فى الحلقات والسنون داخل الاولسيل ملاحظة انا حليت الفتيس مرتين بسبب هذا الموضوع
وفى النهاية اتمنى ان يوفقك الله لما فية الصالح
وبالمناسبة فى مركز خدمة تابع لدايو وهيونداى يعنى بياخد منهم البضاعة الاصلية خلف جريدة روزاليوسف من شارع القصر العينى القاهرة لو تحب اوصفهولك بالتفصيل بس بجد هترتاح اوى بس هتدفع والله الموفق

رد: تسريب زيت المكنة من اسفل
 

الله ينور يا سكر باشا علي الاهتمام بس حضرتك ما قلتليش علي مصنعية تغيير اويل سيل وباشكرك علي وصفك مركز الخدمة بس للاسف انا من اسكندرية ومعلش انا باسال كتير في موضوع التكلفة والمصنعية علشان انت عارف طبعا الصنايعية وطمعهم خاصة اني معنديش خلفية كبيرة في ميكانيكا السيارات وباشكرك مرة تانية للاهتمام