|
مقارنة لشراء سيارة جديدة
ارجو من السادة الاعضاء المساعدة فى هذا الموضوع بالنسة لتجاربهم السابقة انا ناوى ان شاء الله اجيب عربية زيرو فمحتار بين اكتر 6 عربيات انا بحبهم اوى هما (لانسر شارك) & (كيا سيراتو) & (صنى سوبر صالون ) & (النترا الشكل القديم ) & ( مازدا 3 ) & (شيفوليه كروز) فأرجو الافادة انهى احسنهم و اكتر ثبات و سحب و الكماليات و انهى فيهم الصالون بتاعها واسع مع العلم ان انا هجيبها هاى لاين و ارجو كتابة الاسعار |
رد: مقارنة لشراء سيارة جديدة
هى رجالة المنتدى بقت تدخل تبص و تطلع ده 97 مشاهدة و مفيش ولا رد
|
رد: مقارنة لشراء سيارة جديدة
لانسر شارك او مازدا3
اكثر عربيتين محترمتين فيهم وربنا يوفقك للخير:pod_of_gold: |
رد: مقارنة لشراء سيارة جديدة
انا هتبهالك الافضل و الاحسن فيهم في الاقل:- 1.شيفروليه كروز (ممتازه من حيث كل شيء) 2.مازدا 3 (روعه بس قطع الغيار نار) 3.النترا الشكل القديم (فعلا عربيه ناجحه جدا) 4.كيا سيراتو (مفيش منها 2 بس العيب الوحيد . العفشه الناشفه . بس مش اكتر) 5.لانسر شارك (حلوه بس مانجحتش فمصر بدليل الشكل القديم بينزل لغاية الوقتي) 6.صني سوبر صالون (صني معرفه و مش من امبارح و لا النهارده.طول عمرنا عرفنها و هي الارخص في فئاتها) و طبعا انا بخترلك الكروز عربيه ممتازه جدا في الشكل و الكماليات و الموتور و عفشه و لا انعم منها |
رد: مقارنة لشراء سيارة جديدة
انا برده أويد لانسر شارك
لكن أنا بتعجبنى أكتر مازدا 3 |
رد: مقارنة لشراء سيارة جديدة
لو ممكن حضرتك تحدد السعر اللى عاوز تجيب بيه
وانا باذن الله هفيدكROSE4UROSE4UROSE4U |
رد: مقارنة لشراء سيارة جديدة
بص يا بشمهندس ... انا هقول اللي عندي في كل عربية ... و في الاخر انت اللي ادرى باللي يعجبك ... و لازم تشتري اللي تحبها و ترتحلها في الشكل و القعدة و الاداء ... عشان تهتم بيها و تشيلك
الانسر الشارك .......... عربية موتورها 1500 و هي تقيلة عليه ... و قطع غيار غالية الكروز ....... عربية شكلها حلو ... بس انا مركبتهاش .... بس هي كويسة برضو .. بس بحس انها واطية شوية السيراتو .............. ركبتها كتير معجبتنيش ... الخامات اللي جوه و العفشة بالذات اللي ورا .. بتحس ان ظهرك هيتعمله ديسك الالنترا ...... عربية مفيهاش عيب و مريحة في كل حاجة الى اقصى درجة الصني السوبر صالون ........ عربية لا غبار عليها في الاعتمادية و الاداء و معمرة جدا و فيها وسائل الامان و تعتبر ارخص وحده في فئتها المازدا ............ منصحكش بيها ... قطع غيارها غالية جدا و من رأي انك في الفئة دي تركب اوروبي و تحس بفرق الاداء و الخامات و التقفيل .... و انصحك بالرينو فلونس ........ عربية واسعة جدا و اداءها عالي جدا و خامتها ممتازة .... اكنك راكب بي ام بالظبط .... تقبل تحياتي :waving: |
| الساعة الآن 05:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017