|
افضل سيارة تصلح لكى تكون تاكسي
السلام عليكم
كل عام وانتم بخير سيارة ايه اللى من وجهة نظركم انها تكون اعتمادية من كل النواحي (( قطع الغيار - تحمل المطبات - الصيانه - العفشه ) لكى ان تكون تاكسي يعنى مثلا ( فيرنا - شيفروليه لانوس - سبرانزا ) او لو فيه غيرهم وياريت ذكر العيوب و المميزات وشكرا جزيلا |
رد: افضل سيارة تصلح لكى تكون تاكسي
لو هتشترى يبقى رينو لوجان أو BYD F3 ولو هتدخل عربية قديمة فى الاحلال يبقى BYD F3 لان اللوجان خارج مشروع احلال التاكسى وسيبك من الفيرنا واللانوس .. خلاص راح زمانهم وطبعا الاسبرانزا زى قلتها وكل سنة وانت طيب |
رد: افضل سيارة تصلح لكى تكون تاكسي
بدون تحيز
الفيرنا ملك التاكسي بنزين 80 شغال موتور حمال اسيه بشكل غير طبيعي قطع غيار رخيصه ومنتشرة عيبها بس انها واطيه وبتحك في المطبات فممكن تدايق الزبون شويه |
رد: افضل سيارة تصلح لكى تكون تاكسي
اقتباس:
مع تعديل بسيط ...... التاكسي مستهلك لقطع الغيار بطبعه و اللوجان زي محنا عارفين قطع الغيار غالية شوية التاكسي ما يستحملهاش يبقا توكل على الله byd بس ياريت تقولنا احلال و لا نقل نمر و لا ايه بالظبط عشان اقدر افيدك اكتر |
رد: افضل سيارة تصلح لكى تكون تاكسي
انا ارشح برضو ال BYD للقوة و الوسع و قطع الغيار ... تقبل مروري ROSE4UROSE4U
|
رد: افضل سيارة تصلح لكى تكون تاكسي
انا عندي تاكسي مع احترامي للأخوه اللي بيقولو بي واي دي هيه بتاخد بنزين 80 ؟؟
حعمل ايه بالوسع الزبون 5 دقايق و بينزل سعر الفانوس كام عشان لو اتكسر و سعر طقم السيرفس و هل ليها قطع غيار استيراد ؟؟ معلش يا خونا دي عربيه اكل عيش مش فسحه وجاي و يعني بتلف طول النهار انا عندي التاكسي في المنوفيه شبين الكوم متجيش قد حي من احياء القاهره بعمل في اليوم الواحد مش اقل من 300 كيلو المفاضله كانت ما بين الفيرنا و اللانوس و دي الاسباب اللي خلتني اختار الفيرنا شكلها احدث نسبيا من اللانوس و ان المكنه 1600 مش زي الانوس 1500 بس الفيرنا يعني = بنزين 80 + مكنه 1600 + الفانوس بي 60 جنيه لو اتكسر + مصاريف ال 10 جنيه ترويق بتبان فيها عن اللانوس طقم السرفس الاصلي 220 جنيه ( سير كتينه + سير دينمو + سير باور + سير تكيف ) اصلي غبور بس شاريهم من بره التوكيل + كل حاجتها بي بلاش + في حاله الرغبه في البيع بتبقي مطلوبه عن اي تاكسي تاني وممكن ترفع فوق سعرها 10 الاف جنيه مع النمر في حين العربيات التانيه بتبقي عاوز تبيع و مش عارف |
رد: افضل سيارة تصلح لكى تكون تاكسي
افضل السيارات :
فيرنا لانوس |
| الساعة الآن 10:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017