|
التيبس والبقشيش أدى ولا مديش ؟
[B]
السلام عليكم حبيبت يا جماعه اخد رايكم فى الحته دى لانى بصراحه مس بعرف اتعامل اوى فى حاجات دىدلوقتى لو انا بدى السايس بتاع الجراج كل شهر 20 جنيه فوق الاشتراك كبقشيش ليه هل لازم بقى كل اما اجى طالع او داخل الجراج لو هوا طلعنى او دخلنى اديله بقشيش ولا المفروض ان انا بظبطه بالشهر ؟ وبرده لو انا فى محط بنزين بغسل العربيه و بتتغسل ب 10 جنيه بسيب حنيه او اتنين بقشيش ولا لا ؟؟[/Bِ] |
رد: التيبس والبقشيش أدى ولا مديش ؟
والله انا رايى مكنتش تديله 20 جنية مجمده .. وكنت تديهله جنية فى 2جنية كده ..
عموما دى حاجة ترجع ليك .. ومش فرض عليك يعنى انك تبقشش عليه ... |
رد: التيبس والبقشيش أدى ولا مديش ؟
هذة الاشياء لا يوجد رأى موحد فيها
لان ما تقوم بدفعة كبقشيش او تبس فهو شىء خاص وغير مفروض او معمم ولكن معلومة هامة للجميع :عمال محطات البنزين او الخدمة لا يتقاضوا مرتبات من اصحاب المحطات فقط يتسلمون زى صيفى وآخر شتوى والاعتماد الكلى لمعيشتهم من التبس او البقشيش المصدر :1.تحقيق مصور بمجلة الشباب 2.احد العاملين بهذة المحطات صديق |
رد: التيبس والبقشيش أدى ولا مديش ؟
موضوع التبيس والبقشيش كان الأول غير ملزم والعامل مكنش بيطلبه مباشرة
ولو طلبه بيكون على إستحياء دلوقتى الموضوع زاد عن حده وبقى مستفز وبقى كإنه فرض عليك وبيطلبوه ببجاحه ولما بياخدوا مبلغ مش عاجبهم بيطلبوا اكتر ويحرجوك وممكن كمان بيبصلك بقرف :36_2_16: فى كل مكان مش محطات البنزين فقط طول ما الواحد ماشى أو راكن أو داخل مطعم أو فى أى مكان يطلعلك واحد كل دقيقتين ويعملك حاجه تافهه ويقولك ظبطنى بصراحة انا بستفز جدا من الموضوع السخيف ده وللأسف إحنا السبب :110105~127: |
رد: التيبس والبقشيش أدى ولا مديش ؟
بصراحة حاجة مش كويسة حكاية البقشيش اليومين دول تبقى دافع تمن الحاجة ويقولك دخانى دخان ايه بس
|
رد: التيبس والبقشيش أدى ولا مديش ؟
موضوع البقشيش هو موضوع ثقافة و عادات
في مصر ثقافة البقشيش منتشرة في امريكا و انجلترا برضه منتشرة في العديد من دول اوروبا و اسيا مفيش حاجة اسمها بقشيش و يتعجب لو سبتله مبلغ اضافي عموما في مصر للاسف ثقافة البقشيش استفحلت لدرجة ان اصحاب الاعمال الجشعين زي المطاعم و محطات الوقود يشغل العامل بمبلغ هزلي يعني 150 جنيه واللا حاجة و يقوله انت و شطارتك!!! و ده اللي بيجبر العامل انه يتمحلس و يطلب الاكرامية في الاول و الاخر هي حاجة ذوقية تدفعها ماشي متدفعهاش انت حر انا عادة بدي اكرامية لما اكون عاجبني الشغل اللي اتعمل او المجهود او الخدمة فبدفعها زي مكافئة على الاهتمام و الجهد المبذول لكن لو معجبنيش الشغل باشتكي و مبدفعش اكرامية |
رد: التيبس والبقشيش أدى ولا مديش ؟
اقتباس:
......................... ......................... .................. وتعقيبا على كلام حضرتك... فى احدى البنزينات فى كرداسه على المريوطيه مشهوره ببيع بنزين 80 والسولار بأعلى من تسعيرتها لوى ذراع.. يعنى ال80 بـــ110 قرش والسولار 125 قرش سواق تاكسى لم يعجبه هذا الكلام وقالهم خذوا بقشيش بس مش كده ..انضرب قدامى واتهان وانا دافعت عن الراجل وحجزت لانهم بهدلوه :00020080: لأنهم من عينه بلطجيه ميدان التحرير اللى خارجين من السجون .. والحمد لله انى طلعت منها سليم... يعنى خلاص ما بقاش بقشيش بقى بلطجه وتهبيش:01A0FF~139: |
| الساعة الآن 02:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017